MIKA 7:9 - Bibliyeeda Ghaydit

⁹ Gaydamilikteaysa ghoorjooda NG'UTAMIIDA aba gideaba neadiiysi niny, eeyi bwak ea ghaweadan aba weeteanyu ak goorgweaksean. Ak gaygweanean jarooda heedeesh; ak gaydadaah doobiiwnataanyi.

MIKA 7:9 Mawu Ofanana

2 SAMWELI 24:17

Hean goobalool Dawdi NG'UTAMIIDA iidaah malaykajeanda bwar buuneeda, ak gwayeesha, “Uuw, aniini neasinyi riing'eeda, ak ea neasinyi gidamuy; nea gisilsu, neada saawa ea nisin naaha? Geamuscheey iina geatindaang'u badaydeanyu ea badayda fuga ghaheanya.”

AYUBU 23:10

Ak niny ghwanal naweeda easikchi; nea iing'ata nea nisiman, gaydariteayda dahaabu.

AYUBU 35:14

Gayghwashaaydaan niny iyeeni ang'iing'i nidaahi niny, ea gideaba gwanda girgweageeda madeadaanyi, ak giimuughu niny!

NYIIGHEEGA 119:154

Weadaan ak gilealnean; goonean eaweega aba giteaschi sea heelleesiindaang'u!

NYIIGHEEGA 37:6

Gaygooruudu doobiiwnataang'u gawuurji weeshinda, nea gawuurji girgweageadaang'u askweari.

NYIIGHEEGA 43:1

Ea NG'UTAMIIDA, argweaksean ak giweachaan aba eemeeda mii doobiiweadi; lealnean aba heeda siida muy mii doabiiwaat!

NYIIGHEEGA 7:6

Ng'eada, Ea NG'UTAMIIDA aba nyarastaang'u, ak gigatkadi geaw aba badayda nyarasta weajoodigeasu; Ea ASEETEANYU ng'eaha; aba gideaba gigasayi gwasa gitoabiiw.

NYIIGHEEGA 94:15

aba gideaba girgweageeda gaygabiiksa doobiiwnata, nea buuneesean doobiiweadi gurooruunat gayghwaat geeshta.

ISAYA 42:16

Gaydeadu fuga ng'oowi aba naweeda mwanala saawa, ak gaydaadoabiiw nea mwanala naweeda sik, ak gaydanung' ghoah misaneeda weeshinda aba madeanyaawa nea ng'eanyiida heeda mida burguutka gaydanung' ghoah miyng'eanyajeanda ghwadoabiiw Nih gichea dasin gil, nea saawa ea maydanung'wa heeda.

ISAYA 42:7

gaynung' ghwajaada gheanyanga fuga ng'oowi, nea giiruudu fuga mida ghealooniga, nea giiruudu fugiga mida jeeda misaneedean.

ISAYA 46:13

Eaweeda lealeanoodeang'wa gaydeaneekiit, biissa ea mudea sheagi, eaweeda jea daalealnaneegwa mayghwashing'da; gaydalealu mujiineeda Sayuni, aba badayda fuga Israeli was giigheambiiteanyu.”

ISAYA 51:22

Gwayi Ng'utamiida, NG'UTAMIIDAANG'U, was ASEATAANG'U dea inyeesa gawa meatkweeda fugaaschi: “Ng'ula neageandeawi geatindaang'u gharajeanda booktuumeeda; ea gweeriida ea gharajeanda nyarasteanyu, maygudu leayda gicha.

ISAYA 56:1

Gwayi NG'UTAMIIDA: “Asina girgweageeda doabiiwaat nea goopiidi jeeda doobiiwnata, Aba gideaba lealeanoodeanyu nineekiit, ak gajeataajiit doobiiwnateanyu.

YEREMIYA 10:19

Deashageadi aba gideaba sisawanan sawanadeedeanyu aahaw muuchi; ak geayeenyi, “Aba huumwa nih sawanadeeda, ak hean Gaydamilikghteaysa.”

YEREMIYA 14:7

“Earapeadi ramaseanyeeka muuwu aba badahuukaasa, Yamni geaw, Ea NG'UTAMIIDA, aba bariinyeagaagu aba gideaba ramaseanyeekaasa aasaang'a muuchi, Nea ea sisinneey riing'eeda.

YEREMIYA 51:10

NG'UTAMIIDA niyeadu gitoobiiwseasa; apkaani, eerukwiida aba Sayuni gadiyoojiga NG'UTAMIIDA was ASEETEANYA.

HEAREEGA 1:18

“NG'UTAMIIDA ea doabiiwaat, aba gideaba naaheawi ng'asheandaanyi; ak ghoayiinyi, fuga sean, ak goong'ulayi sawanadeedeanyu; haweegeasu ea orjoogeasu siyaat jeeda soomjeanduumeeda.

NG'ASHEEGA LAWI 26:41

gwasunu eara aniini ghaabeadi gidamwabeada saawa ak geayeadu ea ghwahidu ng'eanyiida weajoodiga nyaawa; abeeda gurooruunatka nyaawa meayaada ghasmeahooda iiyaat geat ng'eanyi ak ghamwas lasooda aba riing'eega nyaawa;

MALAKI 3:18

Ak abeeda gajeamuusa ooheeleena fuga miyaasiin ea gea munyas, ak gooheeli siida bada ASEETA ea dea mabata niny.

1 Goriinto 4:5

Asi iissa ea adoorgweaksi ng'asheanda nea miighwahita damanda nea miighwahidu Ng'utamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda ASEETA.

2 Dimoteo 4:8

ama ng'ata suh geegoonan shiipka aba doobiiwnata dea iidu eaweeda jea gagoonan Ng'utamiida nea niny ea dea doabiiwaat girgweaga ak ea mii aniini gil ak ghwahit eara fugiga sean gasa giidaheachtaanyiin.

Giidaheechta 18:20

Ahoosana aba badaydaanyi, Ea humng'eeda, Ea fuga ghaydidi ea giijasoodiga ea sibanga, aba gideaba ASEETA nigooneegwa girgweaksiinda aba badaydaanyi!”

1 SAMWELI 24:15

Gagasa ghoah NG'UTAMIIDA siida jea ghwalach girgweageeda, ak ghwalach girgweageeda aba dageascheedeanyu ea daang'u, ak ghwadaah nea gabassa ng'asheega ghuuteanyu, ak gwalealnanean geatindaang'u.”

1 SAMWELI 25:39

Hean nea ghwayiiy Dawdi gideaba nimi Nabali, gwayi, “Gagasa eebadiischeesa NG'UTAMIIDA walda giing'weaka ghayi aanyaschi aba geatinda Nabali, ak ghoadeala siidaanyi bea gadiyeeda sinooda ng'asheega munyas; nea NG'UTAMIIDA ea niwalda mureandooda aba heeda Nabali aba ng'asheagaaschi munyas.” Ng'ata goonyeari Dawdi Abigaeli ghoah gatmoadaanyi.

1 SAMWELI 26:10

Gwayeesha Dawdi, “Aba gidabiideata NG'UTAMIIDA, gayghwalas NG'UTAMIIDA niny; ghana goosha eaweagaaschi ak ghami; ghana gawa ng'ucheeda ak ghami.

1 SAMWELI 3:18

Hean gwarukusa Samweli ng'asheega sean nea mwafunyana niny gil. Ak gwayeesha, “Nih NG'UTAMIIDA; nung'waada gwasin gidadaah gideaba aamiy aba headaanyi.”