MIKA 7:8 - Bibliyeeda Ghaydit

⁸ Adihoosani aba badaydeanyu, Ea weajoocheandeanyu; inyas ghaabeadi, gaydamiinaada gicha; inyas geapteadi aba jeeda misaneeda, NG'UTAMIIDA gayghoah weeshinda aba heedeanyu.

MIKA 7:8 Mawu Ofanana

AYUBU 31:29

“Ama eahoosanyi aba miyeedeaba siisi sidaniin, ghana deadiing'u geaw aba gideaba niibussa ng'asheega munyas

NYIIGHEEGA 112:4

Weeshinda iissa ghoabwaay siida doabiiwaat aba heeda misana; NG'UTAMIIDA gwandeawa bariinyeega, ea baydeayda, ea doobiiwnata.

NYIIGHEEGA 143:3

Aba gideaba weajoocheanda nimaseawnean; ak ea nijaksa ng'eanyi eaweegeasu; ak ghwanung' deapteada aba jeeda misaneeda dawuurji fuga ghayi goola gameewa.

NYIIGHEEGA 20:8

Saawa nihiiy geat ak goobeedeayi; nea aseasa ea sidiiwji geat ak geemiinaadi.

NYIIGHEEGA 27:1

Ng'utamiida weeshindeanyu gil ea lealeanoodeanyu; gaydaawal ng'eaha? NG'UTAMIIDA igeambooda gaydaawal ng'eaha?

NYIIGHEEGA 35:19

Fuga was weajoodigeasu adinung'waadi ghwaak badaydeanyu, nea fuga sidan ea adagwajuukean mwadaagha.

NYIIGHEEGA 37:21

Siida mii doabiiwaat iissa ghoalaach, ak ea mayghoadayda, nea siida doabiiwaat goodayiideawa inyeanda jeeda;

NYIIGHEEGA 37:24

eara gwaruusa gil, ea maygoobeedeaysa ng'eanyi, ghoang'waay NG'UTAMIIDA geatinda ak ghwanung' ghamiinaada.

NYIIGHEEGA 38:16

Aba gideaba geayeenyi, “Adagahoosan aba badaydeanyu, ak ghabwar geat aba badaydeanyu iidarasha geeshteanyu!”

NYIIGHEEGA 84:11

Aba gideaba NG'UTAMIIDA was ASEETA niny aseeteanya gil ea igeamboodeanya; niny gaygagu alooheeda ea mureeda. Manda gidamiy jea ghaweada NG'UTAMIIDA fuga beawa doobiiwnata.

NYIIGHEEGA 97:11

Weeshinda ghoabwaay siida doabiiwaat, nea ghoadaw hooseaneega fuga doobiiweadi gurooruunat.

ISAYA 2:5

Ea fuga gheeh Yakobo, apkaani, eeweaya jeeda weeshinda NG'UTAMIIDA.

ISAYA 49:9

Ak gajeeshiina giika mida ghealoonigean, ‘Arini jarooda,’ nea gea mida jeeda misaneeda giyeeshi, ‘Apkaana jarooda heedeesh.’ Nea heechea gaweay sean gayghwanyas gichea ghwaak, nea eara aba iheenga giijeega gayghwanyas gichea ghwaak.

ISAYA 50:10

Ng'eaha gil aba jeedeang'wa dea awali gheang'da NG'UTAMIIDA nea gwasissa mureeda ng'asheega siidaanyi bea gadiyeeda? Dea inyeesa gwaneay aba jeeda misaneeda nea manda weeshinda, nea ghwarar gheawunga NG'UTAMIIDA ak ghaghus ASEATAANYI?

ISAYA 9:2

Buuneeda neay aba jeeda misaneeda gayghwadaah weeshinda haw; nea gea abiita jeeda misaneeda duw, saawa gayghoabwaay weeshinda.

YEREMIYA 48:27

Neada Israeli ea mooshiki agooga? Neada niny geanyasa jeeda mareanghooga, nea iissa iibalooli badaydaanyi goodiindiili iheengeagwa?

YEREMIYA 50:11

“Earapeadi ihoosaniin, earapeadi ing'weelayiin, Ea fuga geanda hearaniischoodeanyu, goodeambiiriidi haghweanda datas booga, nea agooga gooyeawdeaydi faraaseeda mideawa uurda,

YEREMIYA 8:4

“Gajeeshina saawa, Gwayi NG'UTAMIIDA: Siida iyabeada, inyeesa ea mabiikta ghang'eati? Aba iiroat, inyeesa ea mabiikna?

ESEKIELI 25:6

Aba gideaba gwayi NG'UTAMIIDA was ASEETA, aba gideaba gibwari baneaguukaagu nea gidasi ng'eanyi aba geeshangaagu aba hooseaneega aba badayda fuga Israeli, aba ghwarjeeda sean bea gurooroadaang'u.

ESEKIELI 35:15

Aba gidaghayi ihoosandi aba hearanda fuga Israeli, aba gideaba abeeda guwoosi raghoonyeanda, ak ea gida jea dasimaneey gil ang'iing'i. Gayhuuwa raghoonyeanda, Ea giijeeda Seyiri ea Edomesean, asaha, sean earada. Ak saawa gayghwanal gideaba aniini geawooschi NG'UTAMIIDA.

ESEKIELI 36:5

Asi gwayi NG'UTAMIIDA was ASEETA, aba huumwa aba beasta lachng'eanyiideanyu, neargu iita easanga eemoojiga, ea iita Edomesean saawa gageanda ng'eanyiideanyu ghoah dea nyaawa, aba hooseaneega gurooruunatka nyaawa sean. Ea hang'ooynata gurooruunatka nyaawa ak geejaksa jarooda ghoah shageata.

AMOSI 9:11

“Ak eaweedida gaydasin gicha heeda giibinda Dawdi ghayi abeada ak geadukuti seawuutka ghayi nyara, nea geagatkachi gealga nyaawa nyara, ak geabiikti dadeas ea gabiiksiinda heeda gidaghayi bea mwadi;

OBADIYA 1:12

Ak ea ading'ulayi eawoojiga orjeeda geamadu was eawoojiga habitkwajeega; ak ea adihoosani aba badayda fuga Yuda eaweeda habitkwajeega nyaawa; ak ea adiidiing'u geaw eaweeda sawanadeeda.

MIKA 4:10

Nyasa lajooda ea sawanadeeda, Ea hudeaba Sayuni, gawuurji gatmooda mida jeeda lajooda; ak ghamneawa gayriteawana jeeda mujiini ak guwi abiidana ng'eanyiida bwara; gajuna ea hita Babeli. Aba hooweani gajeelealneey, aba hooweani gaygootinaneey NG'UTAMIIDA geatinda weajoodigaagu.

MIKA 7:10

Hean weajoocheandeanyu gayghwadaah, ak gaygwadukuta niny baspaseega ninyeeda eeshiinean, “NG'UTAMIIDA was ASEATAANG'U gwanda yeenu?” Gheanyangeasu gaygang'ula niny; ak ghamneawa gajealaapta ng'eanyi gawuurji sheang'weeda mida naweadinga.

SAKARIYA 12:8

Ak eaweedida gayghwayiin NG'UTAMIIDA igeambooda iheenga fuga mida Yerusalemu. Nea dea ng'arng'ari aba bugusta nyaawa, gaygawuurji Dawdi eaweecheanji, nea gheeh Dawdi eaweecheanji gaygawuurji ASEETA. Nea gawuurji malaykajeanda NG'UTAMIIDA aba madeanyaawa. Abeeda eaweecheanji gaydanung' goosha eemoojiga sean, jea ghapka gang'uchi sea fuga Yerusalemu.

MALAKI 4:2

Nea agoogeeda awali gheawungeasu gaygoorearseegwa aseeta doobiiwnata, nea gwandeawa giiheapta aba meang'eagaaschi. Ak gajaweayeena nea gheadaanghandi muhooga seamooda.

Mattayo 4:16

fugiga ghayi abiita jeeda misaneedean nidaah weeshinda haw, Nea gea ghayi abiita ng'eanyiida ea jirooneeda miyeeda, ea niibwaay weeshinda.”

Yohaana 16:20

Aba huumwa, aba huumwa, geayeeshiineegwa, agooga gajooyeawda nea googutu heareega ak gaygang'weela ng'eanyiida, gajoogiisana amadu gayghwayamwa giiseaneegeagwa ak ghoah hooseaneega.

Yohaana 8:12

Gabiikta Yesu gicha goobalool saawa nea gwayeesha, “Aniini geawooschi weeshinda ng'eanyiida; siida eadu geeshteanyu maygwaneayeewa jeeda misaneeda, niny abeeda gaygwandeawa weeshinda eaweega.”

Gadiyeeda Giijasoodiga 26:18

ak ghwayam gheanyanga nyaawa, geat gwaheeli misaneeda ak gaweay jeeda weeshinda ak gwariteawa jeeda uurda Shataani amahit gwayamsa geat ASEETA, ak ghwanyas samsiinda riing'eega ea giibinda aba jeeda fugiga ghayi siimiidu aba masaweega aba jeedeanyuun.’

2 Goriinto 4:6

Ak ea ASEETA gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga gurooruunatkaasa ak ghoadaw weeshinda fughareeda giigheambiita ASEETA aba gheamamda Gristo.

2 Goriinto 4:9

geesawaneasa, ak ea meenung'useasa heeda; iissa geefuteeweasa ng'eanyi, ak ea meeshealani;

Giidaheechta 21:23

Ak mujiineedida ea magassa gideaba gayghoabwaay aseeta ghana sheeda, aba gideaba giigheambiita ASEETA weeshindaanyi, ak gheaboong'nyeandaanyi ea Dayeenda Gisilleanda gil.

Giidaheechta 22:5

Ak ea maygudugwanda eaweeda; nea magasa weeshinda gheaboong'nyeanda ghana aseeta aba gideaba Ng'utamiida was ASEETA gayghoah weeshinda nyaawa, saawa gaygoombaliischi ea ghoah damanda manda muudeanooda.