MIKA 7:18 - Bibliyeeda Ghaydit

¹⁸ ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.

MIKA 7:18 Mawu Ofanana

GIING'EETA 4:7

Iisini ng'asheega miyaas, abeeda ea mwajeamwasnyi? Ama misini ng'asheega munyas, abeeda riing'eeda gwaneekiisa gidaghuuta; nea gagaseey, ak gagasa joara.”

1 SUGOODIGA 8:23

ak gwayi, “Ea NG'UTAMIIDA, was ASEETA Israeli, manda ASEETA uurjeeweey, aba humng'eeda heetiyeada ghana ng'eanyi, ea uuta ng'eanyiida iing'oanyayi neajeeda nea giihiimu baydeayda huumwa aba heeda fugaagu bea gadiyeeda wadiina madeadaang'u aba gurooruunatka nyaawa;

2 DAMANYOOJIGA 30:9

Inyas gajabiiksiina NG'UTAMIIDA, abeeda buweadeegeagwa ea diibigeagwa gayghwanyas baydeayda aba heeda fuga ghayi ang'waay saawa ghoah giing'oonyanga, ak abeeda gaygabiigu ng'eang'i. Aba gideaba NG'UTAMIIDA was ASEETEANG'WA gabayiida fih nea ea inya jih, nea ea mayghoang'aamwa gheamamdaanyi heedeang'wa, inyas gajabiiksiina.”

2 DAMANYOOJIGA 6:21

Ak abeeda giileeysiit musiischooda siidaang'u bea gadiyeeda ea gea fugaagu was Israeli, iimusiischi aba hiji, ak giileeysiit nea gindi humng'eeda, heeda was hoorgeadaang'u, hean inyas giileeysiit abeeda, gibwaydi saawa.

NEHEMIYA 9:17

ak ghaheawa gwasissa mureeda, nea moapkaada ng'asheega deamdeameadi ghayi iisini aba bugusta nyaawa; ak ea mararsiina gil ghoahang'waay iheenga nyaawa nea ghwaloat ashoohooda uurji gili jea ghoaghuumda soomjeandumeeda Misri. Ak ang'iing'i guwoosi ASEETA hidaat aba samsiinda, ea dagheerjeanduumeeda ea samsiinda, nea mii wusis nyaras nea mayghwayamwa bariinyeagaaschi, ak ea miigwanung'usa heeda saawa.

NYIIGHEEGA 103:13

Gawuurji gidabayiideayda ghweanda diibigaaschi nih gidabayiideayda NG'UTAMIIDA fuga awali gheang'daanyi.

NYIIGHEEGA 130:4

Iidu headaang'u gwanda samsiinda, ak abeeda geawal gheang'daang'u.

NYIIGHEEGA 35:10

Gaygwayi geakeasu sean, “Ea NG'UTAMIIDA, ng'eaha siida uurjeeweey? Guwoosi dea aghu siida bwarbwar aba heeda siida burdeawa uurda, siida bwarbwar ea dea gasa gida aba heeda mareanghooga.”

NYIIGHEEGA 65:3

aba badahuuka riing'eega. Earapeadi joareasa giidiinyeanyeekaasa, iissa gisamseasa ang'iing'i.

NYIIGHEEGA 65:4

Ghang'wana siidida iloadiin ak ginung' gwaneekiit goobiida jeedeaba gheang'u ghaydit! Ak gajeelang'uuda alooheedeaba gheang'u ghaydit sibateeweey.

NYIIGHEEGA 71:19

Nea uurdaang'u ea doobiiwnataang'u, Ea ASEETA, nidiyeada ea ghwahita humng'eeda. Ang'iing'i nisini ng'asheega hees, Ea ASEETA, neada ng'eaha dea uurjeeweey?

NYIIGHEEGA 86:15

Nea ang'iing'i, Ea NG'UTAMIIDA, guwoosi ASEETA mideawa baydeayda ea miyeenooda, ak ea mii asas nyaras ak gwandeawa bariinyeega huumwa ak ea doabiiwaat.

NYIIGHEEGA 86:5

Aba gideaba ang'iing'i Ea NG'UTAMIIDA guwoosi miy nea gisamiisi fih, nea gibwariinyi muuchi fuga sean guuruuneey.

NYIIGHEEGA 89:6

Ak gajea ng'eaha aba humng'eeda jea eegala geat sea NG'UTAMIIDA? Ak ea aneeda gil dea uurjeeweey aba haleanjeeda mida humng'eeda mideawa eaweega uurji ea NG'UTAMIIDA.

NYIIGHEEGA 89:8

Ea NG'UTAMIIDA was ASEETA bea lugweega, gwandeawa ng'eaha uurda ea gawuurjeeweey, Ea NG'UTAMIIDA, nea gwaneaweeseey doobiiwnataang'u?

RITEAYDA 15:11

“Ea NG'UTAMIIDA, gawuurjeeweey ng'eaha aba bugusta aseecheeka? Daamdaamwaat aba gilinyoo gadiya nea gwasin ng'asheega deamdeameadi.

RITEAYDA 34:9

Ak gwayi, “Iinaanyaschi dagheerjeanduumeeda aba madeadaang'u, Ea NG'UTAMIIDA, geamuscheey NG'UTAMIIDA, una bugusteanya, aba gideaba fiisu eahang'oonyi iheeni, ak gisamsi munyindeanya ea riing'eegaasa, ak ginung' eehearaneeyi.”

ISAYA 1:18

“Asi apkaana eebaloola, gwarugu NG'UTAMIIDA: Riing'eegeagwa eara ea nihareeriidi muuchi, gaygaweeriidi ea gawuurji gapkeanda, eara ea nihareeriidi ea ghawaar foojeanda, gaygaweeriidi ea gawuurji buudeega gisilleanda.

ISAYA 33:24

Ak ea manda siida jea gwayi, “Aniini ghaamnyaanyi,” ak fuga mida jeedida gajeesamsa riing'eega nyaawa.

ISAYA 38:17

Ng'ula, ghaanyaschi sawanadeeda haw aba badayda hoyyooydeanyu, ak aba gida ibwariiydanaan ak ea niighuuhi eaweegeasu aba ghuuta shoomanda haloota, aba gideaba nihisi riing'eegeasu sean badaydaang'u.

ISAYA 40:18

Asi gajagalana ng'eaha ASEETA, ak gajooheamnyeewana naaha niny?

ISAYA 40:25

Gajooheamnyeewean ng'eaha, ak geawuurjeewi? Gwarugu dea Asagi Ghaydit.

ISAYA 43:25

“Asi aniini geawooschi ASEETA samiisa riing'eagaagu, ak geasinyi nih aba gideaba geabaysi nea geabwaageaw, ak ea maygudu daapkaat riing'eagaagu.

ISAYA 44:22

Neabuuschi giidiinyeanyeekaagu ea gawuurji shamooghooda, eara riing'eagaagu ea gawuurji dung'usta; biikni heedeanyu, aba gideaba nealealneey.

ISAYA 55:7

fuga munyas danung'i naweadinga nyaawa munyas, fuga munyas danung'waada giiteemshooda nyaawa munyas dabiksiina NG'UTAMIIDA, ak gayghabwayda, ak gaweesa ASEETEANYA ak gaygwasamsa.

ISAYA 57:10

Abeeda niibuurnyi geawunda naweadaang'u, ak ea mii eena, “Manda rarooda”, ak geanung' nyasa uurda ak ea miighoang'waay geeyooda.

ISAYA 57:16

Aba gideaba maygudu deata ghuut, nea maydanyareekiisa galeagasean; Ak abeeda suh aabwachiin, gaygang'arng'ariidi aba madeedeanyu, ak giisiimeandeanyu bea eaweega ghaadawji aniini.

ISAYA 62:5

Aba gidageeniida gheareemaneeda huda miyeegeanu, asi ea gichea ghagheandaneey orjoagaagu gil, gidahoosanda siida geeshi aba badayda sibeeda, ea gichea gahoosanda ASEATAANG'U gil aba badaydaang'u.

ISAYA 64:9

Ea NG'UTAMIIDA adinyareasi muuchi, nea Adiipkaadi ng'asheega munyas galeagasean, ng'ula, daaha aseasa eesa sean geewooschi fugaagu.

ISAYA 65:19

Ak aniini gaydahoosan aba badayda Yerusalemu, gaydang'weela aba badayda fugeasu, maygudu eeyiiy ghuuta shookcheanda aba jeadaanyi earahay ghana ghuuta giinyahuushooda.

YEREMIYA 3:12

Asi una, ak girukuti ng'asheesu nea gigali wiilooda ng'eanyiida ghayeawa nea giyeeshi ‘Biikni, Israeleeda mandeawana masaweega, gwarugu NG'UTAMIIDA. Maydang'uleeweey nyarasta, aba gideaba aniini geawooschi inya jih, gwarugu NG'UTAMIIDA, maydanyareas damanda manda muudeanooda.

YEREMIYA 3:5

niny gayghwanyareas damanda manda muudeanooda, ak gagiisan ea ghwahita huuydeanda?’ Ng'ula, ang'iing'i nirugu ng'asheega, aba gideaba nisini ng'asheega sean munyas iimuusi.”

YEREMIYA 31:20

Efraimu orjeedeanyu aabwariinyi niny jeepteanyu aabwariinyi muuchi gil nea inyeesa iyeamuuwji, abeeda ea gudu daapkaat. Gurooroodeanyu inyeesa gagal headaanyi aba alooheeda aba huumwa gaydabwayda niny, gwarugu NG'UTAMIIDA.

YEREMIYA 31:34

Nea manda siida jea ghoanaal giischeewoocheandaanyi, ghana orjeeda ghaamwat, nea gwayeesha, ‘nala NG'UTAMIIDA,’ aba gideaba gayghwanalan sean, ghang'eada dea mwanang'eawa saawa aba jeenyaawa, Ea ghoah dea haweewa saawa aba jeenyaawa, gwarugu NG'UTAMIIDA, aba gideaba gaydasamsa giidiinyeanyeeka nyaawa, nea maygudu daapkaat riing'eega nyaawa.”

YEREMIYA 32:41

Ak gaydahoosan dasisa saawa gea miyaas, nea gaydanung' goobiida saawa jeedeaba ng'eanyiini, aba doobiiwnata, aba gurooroodeanyu sean ea jeedeanyu sean.

YEREMIYA 33:8

Ak gaydeahuun saawa aba ng'asheega nyaawa munyas sean, ghayi adiiysean, ak gaydasamsa ng'asheega nyaawa munyas sean ghayi adiiysean nea ghoah ramaseanda aba heedeanyu.

YEREMIYA 38:8

Hean gaweesa Ebedmeleki sugoocheanda ak gwayeesha.

YEREMIYA 50:20

Aba askwearjoojigiga ea aba damandida, gwarugu NG'UTAMIIDA, munyinda gajeegeanda aba jeeda ng'eanyiida Israeli, ak ea maygwanda, ghana riing'eeda aba ng'eanyiida Yuda, ak ea mwajeanyas earahay, aba gideaba aniini gaydasamsa fugiga ghayi aabuuchi ghoah boosteangean.

YEREMIYA 9:24

Gwayi NG'UTAMIIDA, siida ghwar geaw ea daghwara geaw aba ng'asheanji, gideaba ghwanal gideaba geawooschi NG'UTAMIIDA ahiimu bariinyeega huumwa, ea doobiiwnata, ea alooheeda aba badayda ng'eanyiida, aba gideaba suh gea ahoosaneani gil.”

ESEKIELI 18:23

Heapi! Aniini geahoosanyi aba miyeeda siida muy? Gwarugu NG'UTAMIIDA was ASEETA, mang'wana ghwanung'waada naweadingaaschi munyas ak ghwanyas eaweega?

ESEKIELI 33:11

Eeshiina aba gideabideati, gwarugu NG'UTAMIIDA was ASEETA, meahoosani aba miyeeda siida muy, geagasayi gideaba siida muy ghoabuut naweadingaaschi munyas, ak ghwanyas giibinda. Aduukuunana, aduukuunana, ak ghoanung'waadi naweadingeagwa munyas, ghwasaan anda googasayi ameewa, Ea fuga Israeli.

ESEKIELI 33:16

Abeeda riing'eagaaschi sean ghayi sin manda dea jea eapkaat doobiiweadi hidaat, aba huumwa gayghwanyas giibinda.

DANIELI 9:9

Ng'utamiida was ASEETEANYA gabayiida nea gwasamiisa buuneeda; aba gideaba sisinyi ng'asheega munyas aba headaanyi;

HOSEYA 14:2

Ayaadana geadi ng'asheega ak goobiiksi NG'UTAMIIDA, ak gooyeeshi, “Geanda giidiinyeanyeeka sean; ang'waanya ng'asheega miyaas ak gajeatayda haghweega ghuusigaasa.

HOSEYA 14:5

Gaydawuurji rahooda aba heeda Israeli; nea gayghwadaakghwanda deakghweeda, ak gayghwadardaayda hawunga gawuurji geeta;

YOELI 2:32

Nea abeeda siida wassean jea gaguura gheawunga NG'UTAMIIDA gayghaghu; aba gideaba aba giijeeda Sayuni ea Yerusalemu gaygwanda fuga jea ghaghu, gawuurji gidanyaashta NG'UTAMIIDA; nea fuga abit gayghaghu.’”

AMOSI 1:11

Asi gwayi NG'UTAMIIDA: “Fuga Edomu nisin riing'eeda gicha, ak aba sareani gaydalas saawa. Aba gideaba ghwaat geeshta orjeeda ghaamwat aba ng'uta, nea gwajakta baydeayda sean, ak ghabwaashaada nyarastaanyi, ak ghwanyareas damanda manda muudeanooda.

AMOSI 7:8

Ak gwayeeshiinean NG'UTAMIIDA, “Amosi, gidaahi naaha?” Ak geayeeshi, “Ghaadaayi gidasiiteeniida.” Hean gwayi NG'UTAMIIDA, “Ng'ula, gaydayiin gidasiiteeniida bugusta fugeasu was Israeli; ak ea maygudu gabiikta dasuut saawa;

AMOSI 8:2

Ak gwayi, “Amosi, gidaahi naaha?” Ak geayeeshi, “Sooscheanda mida haghweega damanda daknooda.” Hean gwayeeshiinean NG'UTAMIIDA, “Nihidu damanda muudeanooda fugeasu was Israeli; nea maygutasuut gicha saawa.

YONA 4:2

Hean ghamwaash NG'UTAMIIDA nea gwayeesha, “Geamuscheey NG'UTAMIIDA, nih mii gidearukuneey aba damanda ghayi eandeewi ng'eanyiideanyu? Hean ghoah gideamng'awi ak geawi Darshishi; aba gideaba ghaanali ang'iing'i guwoosi ASEETA mideawa bariinyeega ea baydeayda, mii asas nyaras, bea bariinyeega huumwa, nea gisti ng'asheega munyas.

MIKA 2:12

Gaydaamughuusheagwa oagasean, Ea Yakobo, gaydaamughuush gheaptanga Israeli; gaydeaweamsa saawa hijagi gawuurji gisilga mida muhealeeda, nea gawuurji hawanda gisilga mida haghweeda, gayghwalach booga aba seang'ayda buuneeda.

MIKA 4:7

nea gea badoojiga gaydanung' ghoah gheaptanga; nea gea sijakta ghoah eemeeda mideawa uurda; ak goombal NG'UTAMIIDA saawa aba giijeeda Sayuni ghang'eada ghamneawa ea ghoah damanda manda muudeanooda.

MIKA 5:3

Asi gaygoodiing'da saawa ea ghwahita damanda jeata aba dea gwachi bearji lajooda; ak abeeda buuneeda mwaatkwa was buweadeagaaschi gaygabiiksa fuga Israeli.

MIKA 7:14

Ahaaghwana fugaagu aba bileangidaang'u, hawanda hearaniischoadaang'u, was dea apteada nea gaba geaw aba jeeda dareabeeta mida jeeda shiidaneeda ng'eanyiida; nung' ghoajeada saawa aba jeeda ng'eanyiida Bashani ea Gileyadi gawuurji eawoojigeaba garayi.

SEFANIYA 3:17

NG'UTAMIIDA was ASEATAANG'U gwanda jeedeang'wa, niny aamwaay nea ghoamu gwalealneegwa; gaygahoosasseey aba ng'weelooda haw, gayghwasiinda aba bariinyeagaaschi; gaygang'weela aba badaydaang'u nea gwasarman aba ghuuta haw

IITOODA 23:21

Niny mang'ula ng'asheega munyas bea Yakobo, ghana ghwadaah daghoosta aba Israeli. NG'UTAMIIDA was ASEATAANYI, gwandeayi sea niny, nea nyeashta haw bea sugoocheanda gwanda bugusta nyaawa.

Lukka 15:32

Ak gicha iisihoosan ghwahit geeng'weela aba gideaba orjeeni bea geamaduun ghayi nimi, ak ghamneawa ea niduudu, ghayi niroat, ak ea sinyas.’”

Lukka 24:47

ea gideaba duukuunooda ea samsiinda riing'eega gajeerukwiida aba gheawungaaschi, aba jeeda eemoojiga sean, ghang'eada Yerusalemu.

Ruumi 11:4

Iidu ghwasha ASEETA nea gwayeeshaan? “Neabuusi geaw fih sagalamnyooji ispwa matkunya aba madeeda Baali.”

GIIPKEATA DIIGHEANDA 33:26

“Manda dea uurji ASEETA, Ea Yeshuruni, ghwahidu nea gwanda badayda humng'eeda ghaweanyi, ea badayda shamooghuutka aba jeeda giigheambiitaanyi.

Yakkobo 2:13

Aba gideaba girgweaksiinda mayghabwayda siida mandeawana baydeayda; asi baydeayda iissa ghwajoar girgweageeda.

FUGA LAJA GIRGWEAGUUTKA 10:16

Ng'ata gageanda aseecheeka mayoamba mida bugusta nyaawa ak gagadiiyeesa NG'UTAMIIDA ak gagiisan gurooroadaanyi aba sawanaduutka fuga Israeli.