MIKA 7:10 - Bibliyeeda Ghaydit

¹⁰ Hean weajoocheandeanyu gayghwadaah, ak gaygwadukuta niny baspaseega ninyeeda eeshiinean, “NG'UTAMIIDA was ASEATAANG'U gwanda yeenu?” Gheanyangeasu gaygang'ula niny; ak ghamneawa gajealaapta ng'eanyi gawuurji sheang'weeda mida naweadinga.

MIKA 7:10 Mawu Ofanana

2 SAMWELI 22:43

Hean ghaabwarji gawuurji birjeanda ng'eanyiida, ak ghaadatasti sheang'weeda jeeda naweeda.

NYIIGHEEGA 109:29

Fuga ahaaktanaan gajeapwaaspwaas; gaygookwealda baspaseega nyaawa hang'da!

NYIIGHEEGA 115:2

Ghwasaan inyas gaygwayi eemoojiga, “Gwanda yeenu ASEETA nyaawa?”

NYIIGHEEGA 18:42

Ak ghaabwardaaydi saawa birjeanda madeeda jeameeda, ak geahisi jarooda gawuurji sheang'weeda naweeda.

NYIIGHEEGA 35:26

Oapwaaspwaasa ak ghoanung' gwanyik fuga hoosassa sawanadeedeanyuun! Deakwa baspaseega ea nyigooda fugiga adiing'u geat aba badaydeanyuun!

NYIIGHEEGA 42:10

Weajoodigeasu goong'eawiidanean gili jea gwahirjeaweada geakeasu, nea gwayeeniisean askwearda sean, “Gwanda yeenu ASEATAANG'U?”

NYIIGHEEGA 42:3

Dabeakeasu niiw daghwardeanyu askweari ea eawa, nea gwayeeniisean buuneeda galeaga sean, “Gwanda yeenu ASEATAANG'U?”

NYIIGHEEGA 58:10

Siida doabiiwaat gaygahoosan iidaah nea geawalda mureandooda aba heeda fuga munyas; gaygoohuun geeshangaaschi aba jeeda foojeanda fuga munyas.

NYIIGHEEGA 79:10

Ghwasaan inyas gwayeena eemoojiga, “Gwanda yeenu ASEETA nyaawa?” Waldeayda foojeanda weay bea fugaagu bea gadiyeeda gagasa eanal aba jeeda eemoojiga aba madeeda gheanyangaasa!

NYIIGHEEGA 92:12

Siida doabiiwaat gayghwaliindanda miileanda, ak gaygawuurji sea gubooyeeka Lebanoni.

ISAYA 26:11

Ea NG'UTAMIIDA, gigatgadi geatindaang'u, ak ea meadaaha ahiimsiina gidubwariiydi fugaagu, ak gajeapwaaspwaas, beasta nyarastaang'u gaygwaduulu sean.

ISAYA 41:25

Naanung' ghang'eat siida leabu wiilooda ng'eanyiida ghayeawa, ak ea nihidu, ak gwaleabu heeda ghayeawa, ak gaygwaruku gheawungeasu; ak niny gaygooleapsa ng'eanyi fuga ambaliischi gawuurji sheang'weeda gawuurji gida dasta sheang'weeda siida sina dahuundiga.

YEREMIYA 49:15

Asi ng'ula, gaydanung' mwanang'iida aba jeeda eemoojiga, nea geefoolnyi aba jeeda buuneeda.

YEREMIYA 51:24

“Ak gaydaadaw Babeli ea fuga sean bea Galdayo nea goong'ulayi agooga aba gheanyangeagwa aba badayda munyasnacheeka sean ghayi sin aba Sayuni, gwarugu NG'UTAMIIDA.

YEREMIYA 51:51

‘Aseasa siipwaaspwaaseasa; aba gideaba siyiinyi ng'asheega munyas; gheamamuunatkaasa nidukuta nyigooda, aba gideaba nihidu rabasta jeeda ng'eanyiida ghaydit bea gheeda NG'UTAMIIDA.’

ESEKIELI 7:18

Ak saawa gaygookwa guniyajeega, nea ghang'ut muuwda, ak saawa gaygabaspasi nea geereakgh sean iheenga nyaawa.

DANIELI 3:15

Asi ghamneawa iyoayiinyi ghuuta durumbeati, ea furiimbu, ea igeambooda, ea bayiiga, ea gidoondooriida, ea bundiida, ea gilinyoo eesarmaniida, abeeda gootkunyi ak ghoabwachi sanaamoodida sisna dahaabu ghayi easinyiin, abeeda ghwahit; ama moabwadi, abeeda gajeehisaneegwa jeeda duwayda yeat ng'waan; ak gajea ana aseet gil jea gageandeawaneegwa jeeda geatindeanyu?”

YOELI 2:17

Fuga was ashoohoodiga, was fuga gadiyeeda NG'UTAMIIDA, deayeawda aba dageascheeda heeda ghaydit ea heeda wagiida, Ak ea dayi, “Siksiina fugaagu, ea NG'UTAMIIDA, nea adinung' gafoaleasa eemoojiga suuk ak gwajukeasa, nea gwayi, ‘Gwanda yeenu ASEETEANG'WA?’”

OBADIYA 1:10

Ak ng'asheanda muy isisi orjeeda geamadu was Yakobo, gaynyasa baspaseega, ak gajeasachnyi damanda manda muudeanooda.

OBADIYA 1:12

Ak ea ading'ulayi eawoojiga orjeeda geamadu was eawoojiga habitkwajeega; ak ea adihoosani aba badayda fuga Yuda eaweeda habitkwajeega nyaawa; ak ea adiidiing'u geaw eaweeda sawanadeeda.

MIKA 4:11

Ak ghamneawa eemoojiga saang'a ea nibwat geat aba badaydaang'u, nea gwayi, “Gagasa eang'udana ririnnyeanda, ak ghwadaah gheanyangaasa eemeega Sayuni.”

MIKA 7:8

Adihoosani aba badaydeanyu, Ea weajoocheandeanyu; inyas ghaabeadi, gaydamiinaada gicha; inyas geapteadi aba jeeda misaneeda, NG'UTAMIIDA gayghoah weeshinda aba heedeanyu.

SEFANIYA 3:15

NG'UTAMIIDA nigeanda girgweaguutka aba badaydaang'u, ak gwajaksa jarooda weajoodigaagu. Sugoocheanda Israeli, NG'UTAMIIDA gwanda bugusteang'wa; maygudu awala gidamuy.

SAKARIYA 10:5

Ak saawa gaygawuurji fuga meanyi, aleapsa ng'eanyi weajoodiga nyaawa aba jeeda sheang'weeda naweeda ng'ucheeda, ak gaygang'uchi aba gideaba gwandeayi sea NG'UTAMIIDA, nea giika ding'da faraasajeegean gajeenung' gwahirbiban.

MALAKI 1:5

Ak gayghwadaah gheanyangeagwa gili, ak gajayeena, “NG'UTAMIIDA aahaw, ea ghwasuut moonghooda Israeli!”

MALAKI 4:3

Ak gajooleapsiina ng'eanyi fuga munyas, ak ghoah deareeda aba jeeda geeshangeagwa, aba eaweeda jea dagadiyeewa, gwarugu NG'UTAMIIDA bea lugweega.

Mattayo 27:43

Niny ghaghus ASEETA ea dalealna ghamneawa iigasa, aba gideaba gwayi, ‘Aniini Orjeeda ASEETA.’”

YOSHUWA 7:9

Aba gideaba fuga Ganaani ea fuga sean bea ng'eanyiida gayghwayiiy iidi, ak gaygwaneaweeseasa, ak gayghwasach gheawungaasa aba jeeda ng'eanyiida; ak gaysina naaha aba hawunda gheawungaagu?”

Giidaheechta 18:20

Ahoosana aba badaydaanyi, Ea humng'eeda, Ea fuga ghaydidi ea giijasoodiga ea sibanga, aba gideaba ASEETA nigooneegwa girgweaksiinda aba badaydaanyi!”