MIKA 6:9 - Bibliyeeda Ghaydit

⁹ NG'UTAMIIDA gooyeawda aba badayda mujiini– ak siida mideawa weaghuumeeda gayghoawal gheawungaagu: “Oaleaydiit, Ea eemeeda ea gea bwat geat aba mujiini!

MIKA 6:9 Mawu Ofanana

2 SAMWELI 21:1

Iimuchu ghang'eat geejeeda gweanyeew samwagu aba damanda Dawdi, iing'ata gweanyi ak ghwahidu gweanyi; ak ghamwaash Dawdi NG'UTAMIIDA, “Sawli ea fugeaba gheanyi gaba riing'a niihiida foojeanda, aba gideaba nibwar fuga Gibeoni.”

AYUBU 10:2

Gaydayeesha ASEETA, adiirgweaksean, nung' danal gida jea eesheang'nyeewana.

AYUBU 23:14

Ak niny gaygwasin gidida rukuneaniin; ea ng'asheega saang'a uurji suh gwanda jeeda uhuudaanyi.

AYUBU 5:17

“Ng'ula ghang'wana siidida awoowsa ASEETEAN, asi adifooli ASEETA hoauur awoowseey.

NYIIGHEEGA 107:43

Siida weaghoot dang'ula ng'asheesu; nea gwasikteawa bariinyeega NG'UTAMIIDA.

NYIIGHEEGA 48:10

Aba giduurji gheawungaagu, Ea ASEETA, ea giduurji giigheambiitaang'u ea ghwahita muudeanooda ng'eanyiida. Aba geatindaang'u bea dugwa gisini nea giidoabiiwi;

NYIIGHEEGA 83:18

Nung' ghwanal saawa gideaba ang'iing'eeda was gheawungaagu NG'UTAMIIDA nea gibwaageaw, ang'iing'i guwoosi dea Haw mida Humng'eeda aba badayda ng'eanyiisean.

NYIIGHEEGA 9:16

NG'UTAMIIDA niihiimu geaw, ak ghwalach girgweageeda; nighas siida muy aba gadiyoojiga geatingaaschi.

GHWASIILDEANGA 22:3

Weaghoocheanda iidaahaan habitkweeda gawa ghafuy geaw, nea siida dasha gawa ghoahiimda geaw ak gaygwasawana.

ISAYA 26:11

Ea NG'UTAMIIDA, gigatgadi geatindaang'u, ak ea meadaaha ahiimsiina gidubwariiydi fugaagu, ak gajeapwaaspwaas, beasta nyarastaang'u gaygwaduulu sean.

ISAYA 27:10

Nea mujiineeda sineaweesa ghamarda, ea sinung'wa heeda, hean geanung'wa heeda ak geanung' gawuurji dareapcheeda, nea geanung' ghoah heeda haghweeda haleanjeeda ea ruweanga nyaawa.

ISAYA 30:27

Ng'ula, NG'UTAMIIDA ghwahidu nea gwaleabu deasheagi, nea gaba nyarasta ng'waan, nea ghuutaanyi gwarina aroosta haw, ak ghuutaanyi ghwanyiit nyarasta, nea ng'ushaptaanyi gawuurji beashta.

ISAYA 66:6

“Oaleaydiit deambirista jeeda mujiini, ghuuta nyeara jeeda gheeda sibata ASEETA ghuuta NG'UTAMIIDA gil, ghwaaga weajoodigaaschi ghoorjooda.

ISAYA 9:13

Ak fugiga ea mii gwayamsa geat ninyeeda bwar saawa, nea miyeegasa NG'UTAMIIDA lugweega.

YEREMIYA 26:18

“Damanda waseewa sugoocheanda Yuda Hesekiya ghwaramoaran Mika was mujiineeda Moresheti ak gwayeesha fuga sean bea Yuda: ‘Gwayi NG'UTAMIIDA bea lugweega, mujiineeda Sayuni gajeabwar gawuurji gida sibariida madamnyeanda; Nea Yerusalemu gajeanung' ghoah eemeega, nea giijeeda gheeda sibata ASEETA gayghoah dareabeeta haw.’

YEREMIYA 26:6

Ak abeeda gaydanung' gawuurji gheawi gidaghayi eanyarjeawdi Shilo, ak gaydanung' ghoah mujiineani gida simoashta aba jeeda eemoojiga sean bea ng'eanyiida.’”

YEREMIYA 47:7

Ak gayghoamuustaan ghwasiinda, nea niidaw NG'UTAMIIDA gadiyeeda? Gwayi bwara mujiineeda Ashkeloni sea fuga abiita ghuuta basooda.”

ESEKIELI 7:9

Maydasikseegwa nea maydabwaydaneegwa gaydalas uhuudeang'wa aba giteena sinaweegeagwa. Aba gideaba ng'asheega munyas gudugwanda bugusteang'wa, nea abeeda gajanala gideaba geawooschi NG'UTAMIIDA dea las uhuudeang'wa gil.

HOSEYA 13:16

Samariya gaygwasar giidiinyeandaanyi, aba gideaba nijakta ASEATAANYI; gaygahuuyda ng'utkeaka, nea diibiga nyaawa gajealajaada bugusuunatka, nea gadeemga nyaawa gweayiideadi gajeabwaashaada jeesinga nyaawa.

HOSEYA 14:9

Ng'eaha gil siida weaghoot, danung' ghwanal ng'asheesu, siida haw fughara danung' ghwanal ng'asheesu; aba gideaba naweadinga NG'UTAMIIDA ea doobiiweadi, nea fuga doobiiweadi gayghwala naweadingiga, ak fuga munyas gaygabeanya geat aba naweadinga.

AMOSI 2:5

Ak gaydanung' gawa beasta badayda Yuda, ak gayghwaak gealga Yerusalemu.”

AMOSI 6:1

“Dashageada gea miyeeni aba Sayuni, ea giika abiitpiit aba uhuuda giijeeda Samariya nea gaba seayuun, fuga siiwal gheang'da bea eemoojiga madeeda, inyeesa gaweesa fuga Israeli!

MIKA 3:12

Asi aba badahuukeagwa Sayuni gajeabwarda gisibariida madamnyeanda; nea Yerusalemu gayghoah eemeega, ak giijeeda gheeda gaygawuurji gudung'unyeanda aba dareabeeta.

MIKA 6:10

Neada ea niroosean giidiiwshooda munyinda mida jeeda gealga fuga munyas, ea giisiiteeniida giishoanyaat neada ea sicheedea?

MIKA 6:8

Ea orjeeda siida, niny ghoahiimneey gea miyaas; ak NG'UTAMIIDA gagasa naaha aba headaang'u gagasa gideaba gaysina gitoabiiw, ak gibwariinyi baydeayda, ak guwi nea giyaadi geaw ng'eanyi aba heeda ASEATAANG'U?

SEFANIYA 3:2

Mooleeysiiniit ghuuta, mamwasa giiwoowsiinda, ak ea mamwasa NG'UTAMIIDA, nea maneekiisiina ASEATAANYI.

Giidaheechta 3:19

Fugiga aabwariinyiin, inyeessa geawoowsi nea ghaabwarji; asi milmiliida ak giduukuuni.