MIKA 5:4 - Bibliyeeda Ghaydit

⁴ Ak gayghamiinaada ghoahaaghwa hawandaanyi aba uurda NG'UTAMIIDA, aba jeeda sugoocheanduumeeda gheawunga NG'UTAMIIDA was ASEATAANYI. Ak saawa gaygoobiitpiit aba gideaba ghamneawa gayghwanyas hawunda, ea ghoah muudeanooda ng'eanyiida.

MIKA 5:4 Mawu Ofanana

NYIIGHEEGA 145:12

ak ghoadaw buuneeda iita gadiyoojigaaschi hees, ea giigheambiita daamdaamwaat bea sugoocheanduumeadaanyi

NYIIGHEEGA 22:27

Muudeanooda sean bea ng'eanyiida gayghoapkaat ak gaygwayamsa geat NG'UTAMIIDA; ak buuneesean bea eemoojiga gayghabwat niny.

NYIIGHEEGA 72:19

Gheawungaaschi ghaydit deakghaambiida damanda manda muudeanooda; ng'eanyiisean danyiida giigheambiitaanyi! Amina, Amina!

NYIIGHEEGA 72:8

Ak ea deambaliischi ghang'eada basooda ea gagul basooda, ak ghang'eada eenda ea ghwahita muudeanooda ng'eanyiida!

NYIIGHEEGA 93:1

NG'UTAMIIDA goombaliischi; ak gookwa hang'weaka gheambalmeeda; NG'UTAMIIDA niikwealshi, ak ea nirassa manandaanyi uurda; huumwa, ng'eanyiida siimajeek; ak ea majeamu easach;

NYIIGHEEGA 98:3

Ak ea niipkaat baydeaydaanyi ea doobiiwnataanyi aba gheeh Israeli. Muudeanooda sean bea ng'eanyiida nidaah jooriischooda ASEETEANYA.

RITEAYDA 23:21

Oaleaydiit ak ghoayiinyi ghuutaanyi, adiidu ghoaheawi ng'asheagaaschi, aba gideaba maygwasamsa riing'eedeang'wa aba gideaba gheawungeasu gwanda jeadaanyi.

ISAYA 45:22

“Abiikni heedeanyu ak gajeelealneegwa, aba heeda oondi sean bea badayda ng'eanyiida! Aba gideaba aniini geawooschi ASEETA ak ea manda nuut.

ISAYA 49:5

Ak ghamneawa gwayi NG'UTAMIIDA, ghayi bwadan nea miyeejilan doaw siidaanyi bea gadiyeeda, ak geayeasi niny gicha Yakobo, ak ghabwatgeat Israeli gicha aba madeadaanyi, aba gideaba aniini naanyaschi mureeda aba heeda NG'UTAMIIDA, ak ASEETEANYU ea uurdeanyu gil–

ISAYA 52:10

NG'UTAMIIDA niidaajiit geatindaanyi ghaydit aba madeeda eemoojiga sean; ak gayghwadaah meadajeega sean bea ng'eanyiida lealeanooda ASEETEANYA.

ISAYA 52:13

Ng'ula, siideanyu bea gadiyeeda gaygwasin nea ghwanyagaada, gajeakghaambiit nea geegatgat eekeal humng'eeda, ak gaygwanda humng'eeda muuchi.

ISAYA 8:7

asi ng'ula, NG'UTAMIIDA gayghwanung' gagulsa saawa beega saang'a mideawa uurda muuchi bea eenda; ak gayghwahidu sugoocheanda Ashuru ea gharbeadaanyi sean, ak gaygwasik badayda maparoojigaaschi sean, ak gagulda aba mareecheekaaschi sean.

MIKA 7:14

Ahaaghwana fugaagu aba bileangidaang'u, hawanda hearaniischoadaang'u, was dea apteada nea gaba geaw aba jeeda dareabeeta mida jeeda shiidaneeda ng'eanyiida; nung' ghoajeada saawa aba jeeda ng'eanyiida Bashani ea Gileyadi gawuurji eawoojigeaba garayi.

SAKARIYA 13:7

gwayi NG'UTAMIIDA bea lugweega. “Ea ng'uta ng'eada, aba badayda jeagiischoocheandeanyu, ea siida was deanyu.” “Bwara jeagiischoocheanda ak gayghwadarda gisilga. Ak abeeda gaydeageal geatindeanyu heeda dayeega gisilga

SAKARIYA 9:10

Ak gaydageandeawa mutukwajeanda ng'ucheeda heeda Efraimu, nea eara faraasi geasheagiidi Yerusalemu, nea ghuweang'da ng'ucheeda gajeegeanda gwasheagiit, ak niny gaygwarukwiisa eemoojiga sean ng'asheega hoyyoo, ak gaygoombal gidang'eada basooda ea ghwahita basooda, ghang'eada eenda ea gagul muudeanooda ng'eanyiida.

MALAKI 1:5

Ak gayghwadaah gheanyangeagwa gili, ak gajayeena, “NG'UTAMIIDA aahaw, ea ghwasuut moonghooda Israeli!”

Mattayo 16:18

Ak geayeeshiineey, ang'iing'i guwoosi Betaro, ak badaydeaba lagheaneani gaydadeeksa ganiiseedeanyu, ak eara uurda miyeeda ea mayghoamu ghwajoar.

Mattayo 2:6

‘Nea ang'iing'i, Ea Betlehemeeda ng'eanyiida Yuda, ang'iing'i muwoosi mwanang'eawa earahay sugoodiga ng'eanyiida Yuda; aba gideaba headaang'u gaygwarina sugoocheanda, jea ghoahaaghwa buuneedeanyu was Israeli.’”

Mattayo 25:31

“Damanda jea ghwahina Orjeeda Siida aba jeeda giigheambiitaanyi, nea goodeana malaykajeega, hean gaygoopteada aba uhuuda hoorgeeda giigheambiitaanyi.

Lukka 1:32

Nea gajeahaw, ak gajeeguura Orjeeda ASEETA haw mida humng'eeda; nea gayghoadaw Ng'utamiida was ASEETA hoorgeeda sugoocheanduumeeda Dawdi was ghwaan,

Yohaana 10:38

ama easinyi earapeadi moamwasaan ghang'wana ghoamwaschi gadiyoojiga ak abeeda goojeeng'u nea ghoanali gideaba Bwaabwa gwanda jeedeanyu nea geandi aniini jeeda Bwaabwa.”

Yohaana 20:17

Gwayeesha Yesu niny, “Adiing'waanyaan, aba gideaba mii dawa heeda Bwaabwa; asi ng'eada una heeda orjooga iyya ak giyeeshi saawa, aniini naascheang'di dawa heeda Bwaabwa nea Ghweandeang'wa gil, heeda ASEETEANYU nea ASEETEANG'WA.”

Efeeso 1:3

Ghawooda gaba ASEETA ea Bwaabeeda Ng'utamiideanya was Yesu Gristo, ghayi gooneasa ghawooda aba jeeda Gristo aba giliwas ghawooda guroorooda aba darooraka humng'eedean,

1 Betro 1:5

ak aba uurda ASEETA geefureegwa aba naweeda masaweega aba lealeanooda hidaat jea eataajiit damanda huuydean.

Yuuda 1:1

Yuda, soomjeanda Yesu Gristo was orjeeda geenyea Yakobo. Heeda fuga siguursa, aabwariinyi aba jeeda ASEETA was Bwaabwa ak geetiiwsa Yesu Gristo:

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”