MIKA 5:2 - Bibliyeeda Ghaydit

² Nea ang'iing'i, Ea Betlehemu Efrata, uwoosi mwanang' aba bugusta dooshinga Yuda, aba headaang'u gaygwarinanean dea jea goombal fuga Israeli, nea gumdoadaanyi ghang'eada ghayi garayi, damanda manda muudeanooda.

MIKA 5:2 Mawu Ofanana

GIING'EETA 35:16

Iimuchu ghabeawa Beteli; amadu nea gudea dildeaweat aba hiteayda Furati, hean ghwalach Raheli, ak ghaghashghashiit jeata.

GIING'EETA 35:19

Hean ghami Raheli, ak geebung'sa ghuuta naweeda gal Furati (nea Betlehemu),

GIING'EETA 48:7

Aniini geasinyi ng'asheanji aba badayda Raheli was geamadu, nung' dagiisan aba iimeewsa ng'eanyiida Ganaani, miisheageewa Furati, damanda eabiikni aba Badan-aramu, ak geabung'si ghuuta naweeda Furati (nea Betlehemu).”

GIING'EETA 49:10

Yuda maygwaheeli bileangida gheambalmeeda, Nea jeacheangaaschi gaygoombaliischi galeaga sean, ak gaygweasa eemoojiga niny haleanjeeda guskuseega; nea gwatkuy aba mureeda aba madeadaanyi.

1 DAMANYOOJIGA 2:54

Orjooga Salma Betlehemu, ea Netofati, ea Atrot-bet-yoabu, ea fuga mwaatkwa Menuhoti, ea Sori.

1 DAMANYOOJIGA 4:4

nea Benueli ea ghweanda Gedori, nea Esa gwaji Husha. Suh orjooga Hurihi, duweacheeda Furati, ak ea siida ang'eat Betlehemu.

1 DAMANYOOJIGA 5:2

iidu ghwanyas uurda Yuda aba jeeda orjooga ghaamwat nea sugoocheanda gwaleabu headaanyi, nea hawunda jeata gaba Yosefu).

NYIIGHEEGA 132:6

Ng'ula, siyiinyi iitaanyi aba Efrata, ak geenyasi jeeda madameega Yearimu.

NYIIGHEEGA 90:2

Damanda miyeesina giijeega, ghana heeda mii bwadana ng'eanyiida, ang'iing'i guwoosi ASEETA ghang'eada damanda manda muudeanooda ea ghwahita damanda manda muudeanooda.

RITEAYDA 18:21

Ea meakghusa nih, aba jeedeaba fiisu seaniin gassa fuga awali gheang'da ASEETA, fuga doobiiweadi, was fuga magasa seawshooda, ak ginung' goombal fiisu, buuneeda ambal sagalamnyoojiga ea fuga was bughalajeega ea fuga was haradam ea damanamughuushcheeka, ea gea ambal damanamughuushcheeka.

RITEAYDA 18:25

Ng'ata ghwaloat Musa fuga ammu gadiyeeda aba jeeda fuga sean bea Israeli, ak ghwanung' gaweay saawa madeeda buuneeda, ak goombal sagalamnyoojiga, ea bughalajeega, ea haradam ea damanamughuushcheeka, ea damanamughuushcheeka.

ISAYA 11:1

Asi gaygwarina damealeanda gumdooda Yese, ak gaygwarina damealeanda hawungaaschi.

ISAYA 53:2

Aba gideaba aba madeadaanyi gwaheeteayda geeta duu ghaftu, nea gawuurji hawunyeanda mida ng'eanyiida ghajaam; ak ea mandeawana leanga ghana ratooda miy, nea mandeawana leanga was sean jea eabwariinya.

ISAYA 55:4

Ng'ula, niny naanung' ghoah muushoocheanda buuneeda, ak gwanda madeeda buuneeda nea shirikarajeanda haw bea eemoojiga buuneeda.

ISAYA 7:14

Asi NG'UTAMIIDA ninyeesean gaygagooneegwa giirooraneeda. Ng'ula, huda miyeasat gaygagweayiit ak gwaji baleanda was baleanda, ak gaygaguura gheawungaaschi Imanueli.

YEREMIYA 30:21

Nea sugoocheanda nyaawa gaygaba jeeda nyaawa, Nea sugoocheanda gea goombal saawa gaygwarina jeeda nyaawa; Gaydanung' gwaneekiisean, ak gayghwahidu murdeedeanyu, Aba gideaba gayghoamu ng'eaha gwaneekiisean aba uurdaanyi? Gwarugu NG'UTAMIIDA?

HOSEYA 6:3

Anung' eanala, eesisiina uurda nalita NG'UTAMIIDA; hinoadaanyi gawuurji muchuunooda; gayghwahitaayda roopta doomeelda, gawuurji roopta girjeanda gida iissa gwaroobassa ng'eanyiida.”

AMOSI 9:11

“Ak eaweedida gaydasin gicha heeda giibinda Dawdi ghayi abeada ak geadukuti seawuutka ghayi nyara, nea geagatkachi gealga nyaawa nyara, ak geabiikti dadeas ea gabiiksiinda heeda gidaghayi bea mwadi;

MIKA 4:10

Nyasa lajooda ea sawanadeeda, Ea hudeaba Sayuni, gawuurji gatmooda mida jeeda lajooda; ak ghamneawa gayriteawana jeeda mujiini ak guwi abiidana ng'eanyiida bwara; gajuna ea hita Babeli. Aba hooweani gajeelealneey, aba hooweani gaygootinaneey NG'UTAMIIDA geatinda weajoodigaagu.

SAKARIYA 13:7

gwayi NG'UTAMIIDA bea lugweega. “Ea ng'uta ng'eada, aba badayda jeagiischoocheandeanyu, ea siida was deanyu.” “Bwara jeagiischoocheanda ak gayghwadarda gisilga. Ak abeeda gaydeageal geatindeanyu heeda dayeega gisilga

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

Mattayo 2:1

Damanda sijiila Yesu aba Betlehemeeda Yudeya, damanda waseewa Herode sugoocheanda. Ng'ula, ghwahidu Yerusalemu weaghoodiga leabu heeda ghayeawa nea gwayi,

Mattayo 2:6

‘Nea ang'iing'i, Ea Betlehemeeda ng'eanyiida Yuda, ang'iing'i muwoosi mwanang'eawa earahay sugoodiga ng'eanyiida Yuda; aba gideaba headaang'u gaygwarina sugoocheanda, jea ghoahaaghwa buuneedeanyu was Israeli.’”

Mattayo 28:18

Ghwaan Yesu heanyaawa ak goobalool ak gwayeesha, “Sigoonan gheambalmeeda sean aba humng'eeda ea ng'eanyiida.

Lukka 23:2

Geang'eat giihaakteayda nea geeyi, “Geadaayi siisi nea ghoaschoarda eemeedeanya, aba gideaba ghoaghuumwaneesa ea meatawi Gaysari gwaadi nea gwayeena niny Gristoyda was sugoocheanda gil.”

Lukka 23:38

Gwanda ng'ooruutka uhuuda beehiidaanyi sing'waar, “Nih sugoocheanda Yahudi gil.”

Yohaana 7:42

Neada ng'ooruutka ea mayi, Gristo gaygwaleabu dooshta Dawdi, ak gwaleabu Betlehemu gharang'da abiita Dawdi?”

GIIPKEATA DIIGHEANDA 1:15

Hean geagwalu fuga jea ghoahaaghwa buuneeda aba jeeda gilinyoo ea dooshingeagwa, weaghoodi bareahi iheeni, fuga mideawa mureeda, ghaanung' ghoah fuga jea ghoahaaghwaneegwa, shirikarajeega fuga was sagalamnyoojiga ea shirikarajeega fuga was bughalajeega, ea shirikarajeega fuga was haradam ea damanamughuush, shirikarajeega fuga was damanamughuush ea fuga suurja jea gang'ula dooshingeagwa.

Golosaayi 1:17

Niny ghayi gabay gwanda madeeda haleanjeeda sean, nea aba niny ghwanoas geat haleanjeeda sean.

Ebraniya 13:8

Yesu Gristo gawuurji gideaba heeta ea ghamneawa ea gagul damanda manda muudeanooda.

Ebraniya 7:14

Hean aadaach gideaba Ng'utamiideanya gwaleabu jeata Yuda, iidu aba gidaguuyeata sea eemeedida ghanyea marukuna gil Musa aba badayda ashoohoodiga.

1 Yohaana 1:1

Gidida ghayi ng'eat aba mwadi ghayi siyiinyi, ak geadaayi aba gheanyangaasa, ak geedaayi nea geang'waanyi aba geatingaasa, was ng'asheanda eaweegean–

Giidaheechta 19:16

Ak badayda hang'daanyi ea gibeestaanyi geeng'oorsa, gheawunga Sugoocheanda sugoodiga ea Ng'utamiida ng'utamoojiga.

Giidaheechta 2:8

“Heeda malaykajeanda ganiiseeda Smirna ng'oara, ‘Ng'asheega madeeda ea dea huuydean, was dea ghayi meah ak gabiikta gamajeegiit.

Giidaheechta 21:6

Ak gwayeeshiinean, “Nisa! Gideaba Aniini geawooschi Alfa ea Omega, giing'eeta ea huuydeanda. Siida bearji muwoash gaydaadaw mwadaagha beega leabu gheang'deenda mideawa eaweega.

FUGA LAJA GIRGWEAGUUTKA 17:7

Nea gwanda siisi was gheareemaneeda leabu Betlehemeeda Yuda, was siida gheeh Yuda, was siida eemeeda Lawi, ak goobiida hoowa nea rabascheanda.

RUTI 1:1

Nea aba damanda ambaliischeewa fuga laja girgweaguutka abeeda gwanda jeeda ng'eanyiida geejeeda, ak siyagi bea Betlehemeeda Yuda gawa ghamway ng'eanyiida Moabu, niny ea gatmoadaanyi ea orjoagaaschi asiyeenya.

RUTI 4:11

Hean buuneeda sean mida ghuuta dooshta, ea gweargwa gwayi, “Geewooschi mushoodiga. Gagasa NG'UTAMIIDA ghwanung' gatmooni jea ghwahidu gheang'uun, gawuurji Raheli ea Leya, ghayi deas gheeh Israeli. Gagasa baruura aba Efrata ak gagasa eanalnyi aba Betlehemu;

1 SAMWELI 10:19

Amadu askweareani ea noofooli ASEETEANG'WA, ghayi lealnaneegwa habitkwajeegeagwa sean ea sawanaduutka; ak gooyeenyi agooga, ‘Manda! Ambiineasa sugoocheanda.’ Asi ghamneawa ayaada geat heeda NG'UTAMIIDA aba dooshingeagwa ea geengeagwa.”

1 SAMWELI 17:12

Abeeda Dawdi baleandeaba siidida was Furati bea Betlehemeeda Yudahiin, siguura gheawungaaschi Yese; nea abeeda gwandeawa orju sis; nea abeeda niny ea gweargweeda gil damanda Sawli, ak ea niwaasiit muuchi.

1 SAMWELI 17:18

ak giyaadi eara eanooga was riranga heeda shirikarajeanda haw ambal fih sagalama. Ak gidaahi giduurji ak giyeanean iita.”

1 SAMWELI 23:23

Asi, agasa ak ghoanyaschi heeda funyiisa geaw, ak gooyeanean iita majeek. Ak abeeda gajeeteayeena; amabeeda duugwanda jeedeaba ng'eang'i, abeeda gaydagasa aba jeeda ng'eanyiisean bea Yuda.”

1 SAMWELI 8:12

ak gaygwaloosa geaw shirikareeda hees jea goombal fih sagalama ea shirikareeda jea goombal fih haradam ea damanamughuush, nea mwaatkwa ghabwar ng'eanyiidaanyi ak ghwalach beagaaschi, nea gwasin dabitaanyi bea ng'ucheeda ea haleanjeeda mutukwajeagaaschi.