MIKA 4:8 - Bibliyeeda Ghaydit

⁸ Ak ang'iing'i, Ea gheeda geaw sideeksa uhuumba nuut bea hawanda, Heayeeda huda Sayuni, gajeapka headaang'u, gayghwahidu dea ambaliischi bea madeeda, sugoocheanduumeeda huda Yerusalemu.

MIKA 4:8 Mawu Ofanana

GIING'EETA 35:21

Muchu gabalak Israeli, ak goongoor maheemajeandaanyi aba murdeeda niirja bea gheeda geaw bea furiischooda mida Eda.

2 SAMWELI 5:7

Iidu ghabwar Dawdi fuga Sayuni, was mujiineeda Dawdi.

NEHEMIYA 3:25

Balaali orjeeda Usayi ghwadeas meatkweeda duukusa heeda gwanageaw ghamarda ea madalooda duukusa ghooriida mida heetiyeada bea sugoocheanda ea seamooda furiischoocheanda. Ng'ata niny ghwadeas Bedaya was orjeeda Baroshi

NYIIGHEEGA 24:7

Ea gidaghuudajeega ajaadana! Ajaadana ea gidaghuudajeegeaba garayi! Ak abeeda ghwaan jeeda gheeda Sugoocheanda ghaambiidaat.

NYIIGHEEGA 48:3

ASEETA ghoahaaghwa gealgaaschi ak ghoahiimu gideaba niny igeambooda gil.

NYIIGHEEGA 61:3

aba gideaba ang'iing'i guwoosi heeda eamng'awsi, gheeda majeek jea ghoadeal weajoocheanda.

SARMEEDA SULEMANI 4:4

Gheataang'u gawuurji madalooda Dawdi, sideas ghoah heechea eetiiwa dabita ng'ucheeda, nea sighastaawa uhuudaanyi igeambooni sagalam, ak igeambajeesu seaniin gaba fuga meanyi.

ISAYA 1:26

Ak gaydanung' gabiigu gicha fugaagu aheeldooschi buuneeda gawuurji gideaba ghayi bea mwadiin, ea weedangaagu gawuurji gideaba ghayi bea mwadi. Iing'ata nih abeeda gajeeguureewaneey mujiineeda doabiiwaat, mujiineeda miy.”

ISAYA 10:32

Eanean weajoocheanda gaygawus aba mujiineeda Nobu, gaygooyuuk gundiidaanyi ea aba giijeeda Sayuni ea aba heayeeda Yerusalemu

ISAYA 5:2

Ak ghabwar muuchi nea gageanda lagheanga sean, ak ghang'aapta sabiiboodida siloadiin; nea gwadeeksa madalooda bugustaanyi, ak ghwadeas heeda jea eemuuriisa sabiibu, ng'ata ghoamuughu gwaji sabiibu, hean gwaji sabiibooda ng'weani.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 7:18

Nea fuga ghaydidi bea ASEETA Haw bea Humng'eeda gayghwanyas sugoocheanduumeeda, ak goombal ng'eanyiida damanda manda muudeanooda, maygamuudean.’

OBADIYA 1:21

Fuga ghuh gaygaweay Giijeeda Sayuni ak goombal Giijeeda Esawu; abeeda sugoocheanduumeeda gaygaba NG'UTAMIIDA.

MIKA 2:12

Gaydaamughuusheagwa oagasean, Ea Yakobo, gaydaamughuush gheaptanga Israeli; gaydeaweamsa saawa hijagi gawuurji gisilga mida muhealeeda, nea gawuurji hawanda gisilga mida haghweeda, gayghwalach booga aba seang'ayda buuneeda.

SAKARIYA 9:10

Ak gaydageandeawa mutukwajeanda ng'ucheeda heeda Efraimu, nea eara faraasi geasheagiidi Yerusalemu, nea ghuweang'da ng'ucheeda gajeegeanda gwasheagiit, ak niny gaygwarukwiisa eemoojiga sean ng'asheega hoyyoo, ak gaygoombal gidang'eada basooda ea ghwahita basooda, ghang'eada eenda ea gagul muudeanooda ng'eanyiida.

SAKARIYA 9:12

Abiiksiina museasoodeang'wa ea fuga ghealooniga mideawa rariida, ak eara ghamneawa geayeenyi gaydanung' amiyeasiita nibiyeenya.

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

IITOODA 24:19

Siida jea goombaliischi gaygwaleabu Yakobo, ak gayghwalas uhuuda boosteanga mujiinajeega!”

Mattayo 21:33

“Ooleeysiiniit gideagali nuut. Ghayi gwanda siisi bea gheeda ak gwandeawa madamnyeanda sabiibu ak gooneaweesa hilgweanda ak gwasin heeda jea eesisa difaayi aba jeeda ak ghwadeas eara madalooda, ak ghoadaw fuga jea gooragan, ak ghang'eat gawa bareanyeeka aba ng'eanyi nuut.

Marko 12:1

Ng'ata goobalool Yesu saawa nea gagala geat ng'asheega nea gwayeesha, “Ghayi sih ghabwar madamnyeanji itaanyi ak gang'eapsa sabiibu. Hit gooneaweesa madamnyeandaanyi hilooga, gageanu ak gwasin healadeeda jea eemuuriisa difaayeeda was mideega haghweega sabiibu, ak gwasin eara madalooda jea eefura madamnyeanda. Hean ghwanung' gooragan buuneeda madamnyeandaanyi. Ng'ata iidu gawa Siidida ea gawa darooraka sheagi.

Efeeso 1:21

hean goombal fuga ambaliischi sean ea gheambalmeeda ea uurda ea sugoocheanduumeeda, ak ghang'ataawa gheawunga sean ghayi sing'at, ak ea mii aba seaygeeni gil eara diita jea ghwahiduun;

Giidaheechta 22:5

Ak ea maygudugwanda eaweeda; nea magasa weeshinda gheaboong'nyeanda ghana aseeta aba gideaba Ng'utamiida was ASEETA gayghoah weeshinda nyaawa, saawa gaygoombaliischi ea ghoah damanda manda muudeanooda.