Biblia Todo Logo
Baibulo la pa intaneti

- Zotsatsa -




MIKA 4:7 - Bibliyeeda Ghaydit

7 nea gea badoojiga gaydanung' ghoah gheaptanga; nea gea sijakta ghoah eemeeda mideawa uurda; ak goombal NG'UTAMIIDA saawa aba giijeeda Sayuni ghang'eada ghamneawa ea ghoah damanda manda muudeanooda.

Onani mutuwo Koperani




MIKA 4:7
32 Mawu Ofanana  

“Ak aniini ea naambiichi sugoocheandeanyu aaloachi aba uhuuda Sayuneeda was giijeedeanyu ghaydit.”


Ak hoorgeeda sugoocheanduumeeda gajeemajeek aba baydeayda, ak gaygoopteadawa siyagi aba huumeanda aba jeeda maheemajeanda Dawdi nea goorgweachi nea gagasa muuchi gea doobiiweadi ak ea wusis aba sinooda gea doobiiweadi.”


Ak sheeda gajeapwaaspwaas, nea aseeta gayghabwaspwas gwadagu; aba gideaba NG'UTAMIIDA lugweega gaygoombal Giijeeda Sayuni ea Yerusalemu, ak gaygoohiimsa gweargwaaschi giigheambiitaanyi.


Earapeadi boos akaleala aba jeeda gea atamanamughuush, gajeaghwarda gicha, gawuurji loongeanda ea sabiida, siipuut hawunyeandaanyi earapeadi silach.” Ak histeayda ghaydit ea hawunyeandaanyi gil.


Daamwanang' aba jeedeang'wa gayghoah dooshta, nea dea mwanang'eawa sean gayghoah eemeeda haw. Aniini geawooschi NG'UTAMIIDA, iihita damanda gaydasin suh nea ghaalamwaji.


Siida iiy ng'asheanda uurji nih ng'eaha gil? Siida daah ng'asheega uurji suh ng'eaha gil? Ng'eanyiida gajeemu eeji eaweecheanjagi? Ak eemeeda gajeemu eeji aba geeshangiga? Aba gideaba Sayuni iinea ghwanyas lajooda, gwaji orjoagaaschi.


Ak gwayeeshiinean, “Ea orjeeda siida, nih hoorgeedeanyu gil bea gheambalmeeda, ak ea heeda jea daala gil aba geeshangeasu, aba damanda jea deabiideawa bugusta fuga Israeli damanda manda muudeanooda. Nea fuga Israeli ea maygut ghang'uda ririnnyeanda gheawungeasu ghaydidi, saawa ghana sugoodiga nyaawa, aba ng'asheega nyaawa bea hiseadayeanduumeeda, ghana aba muscheeka sugoodiga nyaawa.


Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;


Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;


Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.


Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’


Ak mooneeda fuga Israeli gayghwasaang'ayiita iseaskweanda ghuuta basooda, nea ea mwoamu eeroor ghana eeyiida. Aba heeda ghayi eeshiina ASEETA, “Agooga moowoosi fugeasu,” ak nea ghamneawa gwayeesha, “Agooga goowooschi diibiga ASEETA mideawa eaweega.”


Nea abeeda siida wassean jea gaguura gheawunga NG'UTAMIIDA gayghaghu; aba gideaba aba giijeeda Sayuni ea Yerusalemu gaygwanda fuga jea ghaghu, gawuurji gidanyaashta NG'UTAMIIDA; nea fuga abit gayghaghu.’”


“Nih abeeda ea gichea analda gideaba aniini geawooschi NG'UTAMIIDA, was ASEETEANG'WA, abiita Sayuni, was giijeedeanyu ghaydit; ak abeeda Yerusalemu gayghaghaydiit, nea jeadaanyi ea maygwasik rabasta earahay.


Fuga ghuh gaygaweay Giijeeda Sayuni ak goombal Giijeeda Esawu; abeeda sugoocheanduumeeda gaygaba NG'UTAMIIDA.


Gaydaamughuusheagwa oagasean, Ea Yakobo, gaydaamughuush gheaptanga Israeli; gaydeaweamsa saawa hijagi gawuurji gisilga mida muhealeeda, nea gawuurji hawanda gisilga mida haghweeda, gayghwalach booga aba seang'ayda buuneeda.


Dea jea ghwajaat naweeda gaygwadiyeada gawa madeanyaawa; gajeenyarja ak geeweay eesik ghuuta dooshta, ak geeweay jarooda. Ak ghang'ata sugoocheanda nyaawa nea gwanda madeanyaawa, NG'UTAMIIDA nyaawa gwanda mwadi.


Asi gaygoodiing'da saawa ea ghwahita damanda jeata aba dea gwachi bearji lajooda; ak abeeda buuneeda mwaatkwa was buweadeagaaschi gaygabiiksa fuga Israeli.


ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.


nih giika sinung'usa Israeliin; ea maygwasin ng'asheega munyas nea maygwanaba ng'uyeega, ak ea majeanyasa ghuusiga nyaawa ng'ushapta ng'uyeega. Aba gideaba gajeeyeagiischi ak geeweay eelil, ak ea manda siida jea ghang'uda saawa muuwda.”


Ak aba damandida gaydeaneey ghoah, aba damandida iyaabwadaneegwa geat; gaydanung' gageawiit iita ea giigheambiita aba badayda buuneesean mida badayda ng'eanyiida, damanda jea daaghuumna fugeagwa mida ghealooniga madeeda gheanyangeagwa,” nih gwarugu NG'UTAMIIDA.


nea gayghoahaaghwa gheeh Yakobo ea ghoah gweanyeeka manda muudeanooda; nea sugoocheanduumeadaanyi ea maygwanda muudeanooda.”


Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”


Titsatireni:

Zotsatsa


Zotsatsa