MIKA 4:3 - Bibliyeeda Ghaydit

³ Ak gaygoorgweaksa fuga saang'a, nea goowoowsa eemoojiga sheagachi mideawa uurjeenga; ak gajeayam ng'utkeaka nyaawa ghoah mageemboojiga, nea ghwayam ng'utkeaka nyaawa ghoah bargweaka; ak ea manda eemoocheanda jea goong'ooysa eemoochean nuut ng'utaanyi, nea mayghoanaal geat ng'ucheeda earahay;

MIKA 4:3 Mawu Ofanana

NYIIGHEEGA 46:10

“Asiinda, anala gideaba Aniini geawooschi ASEETA. Gajeakghaambiidan aba bugusta eemoojiga, gajeakghaambiidan aba jeeda ng'eanyiida!”

NYIIGHEEGA 46:9

Ak ghwanung' goosha ng'ucheeda ea ghwahita muudeanooda ng'eanyiida; gwahirja ghuweang'da, ak gwahirja ng'uta, ak ghaghwarda mutukwajeega aba beasta.

NYIIGHEEGA 72:3

Gagasa gweasa giijeega buuneeda miyeenooda, nea ghwanyiit heayeeniga alooheeda!

NYIIGHEEGA 72:7

Askwearjoojigaaschi siida doabiiwaat gaygabaruur ak gaba seayu muuchi ea goosha sheeda.

NYIIGHEEGA 82:8

Ea ASEETA, ng'eada ak giirgweaksi ng'eanyiida; aba gideaba eemoojiga sean gaagu!

NYIIGHEEGA 96:13

aba madeeda NG'UTAMIIDA, aba gideaba ghwaan, ghwaan goorgweaksa ng'eanyiida. Gaygoorgweaksa ng'eanyiida aba doobiiwnata, ea eemoojiga aba doobiiwnataanyi.

NYIIGHEEGA 98:9

Aba madeeda NG'UTAMIIDA, aba gideaba ghwaan goorgweaksa ng'eanyiida. Goorgweaksa ng'eanyiida aba doobiiwnata, ea buuneeda aba alooheeda.

ISAYA 2:4

Ak gaygwasin girgweageeda aba jeeda eemoojiga saang'a, nea gaygoowoowsa fuga saang'a; ak ghwayam ng'utkeaka nyaawa ghoah mageemboojiga, nea ng'utkeaka nyaawa geanung' ghoah bargweaka nyeega; nea maygut gang'uchi eemoojiga, ak ea maygut ghoanaal geat ng'ucheeda earahay.

ISAYA 25:3

Asi gayghoaghaambiinyi fuga majeekcheewi;

ISAYA 51:5

Doobiiwnateanyu nineekiit, lealeanoodeanyu nidaajiit ak geatingeasu gaygoorgweaksa buuneeda; ng'eanyiida ghuuta basooda gayghoamuukghunaan, ak gayghaghus geatindeanyu.

ISAYA 60:12

Aba gideaba gilinyoo ea eemoojiga gil ea sugoocheanduumeeda buuneeda gea magasa gagadiyeeseey gajealas uhuuda; Asaha eemoojisu gajealas uhuuda.

ISAYA 65:25

Suuyeeka ea dayeenda gisilleanda gayghoajeada aba hijagi, nea ng'adiida ghwaak nyeega gawuurji deeda, nea birjeanda gayghoah hamita ichibooda. Aba uhuuda giijeedeanyu sean ghaydit manda gichea gwahisa ghana ealas uhuuda, gwarugu NG'UTAMIIDA.”

ISAYA 9:7

Uurda sugoocheanduumeadaanyi gaygawa mwadi nea gwaheedu nea sugoocheanduumeadaanyi gaygaba hoyyoo galeagasean. Aba hoorgeeda Dawdi, nea sugoocheanduumeadaanyi gaygoomajeek nea gawa mwadi aba girgweaksiinda ea doobiiwnata ghang'eada ghamneawa ea ghoah damanda manda muudeanooda. Suh seaniin gaygwashiisa ghaang' NG'UTAMIIDA lugweega.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

HOSEYA 2:18

Ak eaweedida gaydasin neajeeda sea diyeanga jarooda aba badahuuka nyaawa, hean sea dariidaka humng'eeda ea diyeanga manang'i; aba ng'ata gaydahirja ghuweang'da, ea ng'uta, ea ng'ucheeda gwariteawa jeeda ng'eanyiida ak gaydanung' oopiitpiida nea goobeayi seayu.

HOSEYA 2:20

Ak gaydeanyeareey aba weamnata, ak gaynala NG'UTAMIIDA.

YOELI 3:2

gaydabwada geat eemoojiga sean, ak gaydeadu dearareang'sa moangoachiyda Yehoshafati, nea aba hoowa gaydeargweaksa aba badahuuka fugeasu, ea aba badayda hearaniischoodeanyu, was Israeli, ghayi darsa jeeda eemoojiga, ak ghwalajaada ng'eanyiideanyu.

MIKA 5:15

Ak gaydawalda mureandooda aba nyarasta nea ghaayaagi ghoorjooda eemoojiga mandeawana mureeda.

SAKARIYA 14:3

Hean abeeda gayghwahidu NG'UTAMIIDA ak gang'uchi sea eemeeni. Gawuurji gidaghayi ng'ucheata eaweedida.

SAKARIYA 8:20

“Asi gwayi NG'UTAMIIDA bea lugweega, Gayghwahidu damanda jea ghwahina fuga jea gwaleabu mujiinajeega saang'a jea ghapka Yerusalemu;

SAKARIYA 9:10

Ak gaydageandeawa mutukwajeanda ng'ucheeda heeda Efraimu, nea eara faraasi geasheagiidi Yerusalemu, nea ghuweang'da ng'ucheeda gajeegeanda gwasheagiit, ak niny gaygwarukwiisa eemoojiga sean ng'asheega hoyyoo, ak gaygoombal gidang'eada basooda ea ghwahita basooda, ghang'eada eenda ea gagul muudeanooda ng'eanyiida.

Gadiyeeda Giijasoodiga 17:31

aba gideaba nisin eaweeda jea goorgweaksiina fuga muunda ng'eanyiida nea ghoadoabiiw, aba siidida ghayi loat ninyiin, ak ea niidaw buuneesean ng'asheesu nea goomajeek aba gidaduuteayda aba jeeda miyeeda.”

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraaseedeesh! Nea gwanda badaydaanyi siida siguura Doobiiwnata ea Huumwa, ak niny aba doobiiwnata goorgweaksa nea gwasin ng'ucheeda.

1 SAMWELI 2:10

Weajoodiga NG'UTAMIIDA gajeegul uhuuda ea ghoah basanga; ak gayghoaghweandan aba badahuuka nyaawa aba humng'eeda. NG'UTAMIIDA gaygoorgweaksa muudeanooda ng'eanyiida; ak gayghoadaw sugoocheandaanyi uurda, nea goomajeek uurda siidaanyi amwaar.”