MIKA 4:10 - Bibliyeeda Ghaydit

¹⁰ Nyasa lajooda ea sawanadeeda, Ea hudeaba Sayuni, gawuurji gatmooda mida jeeda lajooda; ak ghamneawa gayriteawana jeeda mujiini ak guwi abiidana ng'eanyiida bwara; gajuna ea hita Babeli. Aba hooweani gajeelealneey, aba hooweani gaygootinaneey NG'UTAMIIDA geatinda weajoodigaagu.

MIKA 4:10 Mawu Ofanana

2 SUGOODIGA 20:18

Nea orjoagaagu mwaatkwa ijiili, gajeayaat ak gayghoah gulanga aba gheeh sugoocheanda Babeli.”

2 SUGOODIGA 25:4

Hean geenyarja meatkweenagi bea ghamarda mujiini, ak gamng'aw sugoocheanda sea fuga sean bea ng'ucheeda eawa nea gwasik naweeda mida dageascheeda ghamardida asiyeenya mida murdeeda boostaaneeda Ng'utamiida. Abeeda fuga Galdayo gwaneaweesa mujiini meadajeega sean, hean geeweay nea geayaat naweeda gal Araba.

2 DAMANYOOJIGA 33:11

Hean goojeagu NG'UTAMIIDA heanyaawa shirikarajeega lugooda sugoocheanda Ashuru, ak ghoang'waayi Manase aba sidageenga gwaneadi ak ghwarat aba munyooloalajeega gharinga ak geayaat Babeli.

2 DAMANYOOJIGA 36:20

Hean ghwaat Babeli ghoah giing'oonyanga fuga was boosteanga aba heeda ng'uta, ak ghoah fuga gadiyeeda aba headaanyi ea heeda orjoagaaschi bwak ea ghang'eat sugoocheanduumeeda fuga Ajemi;

2 DAMANYOOJIGA 36:23

“Gwayi Goreshi was sugoocheanda Ajemi, ‘NG'UTAMIIDA, was ASEETA humng'eeda, ninyakneani sugoocheanduumeeda ng'eanyiida, ak ea ninyakneani gadiyeeda jea dadeeksa niny gheeda aba Yerusalemu, was Yuda. Asi gilinyoo gwanda jeedeang'wa was fugaaschi, NG'UTAMIIDA was ASEATAANYI gagasa gwandeayi sea niny. Anung' gwadiyeada.’”

NYIIGHEEGA 106:10

Hean ghoaghuuha saawa geatinga fuga sit, ak gwalealu aba geatinda weajoocheanda.

ISAYA 43:14

Gwayi NG'UTAMIIDA, was lealnoocheandeang'wa, was dea Asagi Ghaydit bea Israeli: “Gaydeajeakta lugooda gaweay Babeli aba badaydeang'wa ak gaydanyarja gidaghuudajeega sean bea mujiini, ak gayghwayamwa hooseaneega fuga Galdayo ghoah gutuunooda heareega.

ISAYA 45:13

Ghaamiindi niny aba doobiiwnata, ak gaydaadoabiiw naweadingaaschi sean; ak gayghwadeas mujiineedeanyu was Yerusalemu, nea ghoadaw giibaldeaba geat fugeasu ghayi siipaleak, nea mii gideaba gajeataw lapiya ghana haleanjeeda guskuseega,” gwarugu NG'UTAMIIDA bea lugweega.

ISAYA 48:20

Asi ariteawana Babeli, asalda anung'usiina heeda fuga Galdayo, arukwiida aba sarmeeda arukwiida ng'asheesu arukwiida ea ghwahita muudeanooda ng'eanyiida nea gooyeenyi, “NG'UTAMIIDA nilealu siidaanyi bea gadiyeeda was Yakobo.”

YEREMIYA 13:4

“Geani hang'i bea manandaang'uun ghayi ishaahiin mida manandaang'uun, ak ging'eadi una ea hita eenda Furati, ak gifuysi jeeda gwaleeda.”

YEREMIYA 15:21

“Gaydaweanyi aba geatinga fuga gwaneadi; ak gealealnaneey geatinga fuga munyas.”

YEREMIYA 29:20

Oaleaydiit ng'asheanda NG'UTAMIIDA, agoogeeda sean earuuteawaneegwa Yerusalemu ak ghaanung' aweayeena ghealooniga aba Babeli:

YEREMIYA 4:31

Naayiinyi ghuuta nyaashta dea gatmooda weesa jeata, gwanyeariida dea gatmooda jea gwaji duweacheeda. Shooka huda Sayuni daktakta nea gagasa ghoahang'hang', ghamiinda geatingaaschi ak gwayi, “Deashageadi! Aba gideaba naahiili aba madeeda weajoodiga.”

YEREMIYA 48:41

mujiinajeega gajeaghas nea ghoorajeega nyaawa majeekcheewi gajeabwar. Nea gurooruunatka gheareemanga meanyi bea Moabu aba eaweedida gaygawuurji guroorooda gatmooda damanda lajooda;

YEREMIYA 52:27

Ng'ata gageanu sugoocheanda Babeli ak ghabwar ea gameewa aba Ribla aba jeeda ng'eanyiida Hamati. Nih gisiyaata Yuda soomjeanduumeeda gil ak geang'aamwa ng'eanyiidaanyi.

HOSEYA 1:10

Ak mooneeda fuga Israeli gayghwasaang'ayiita iseaskweanda ghuuta basooda, nea ea mwoamu eeroor ghana eeyiida. Aba heeda ghayi eeshiina ASEETA, “Agooga moowoosi fugeasu,” ak nea ghamneawa gwayeesha, “Agooga goowooschi diibiga ASEETA mideawa eaweega.”

HOSEYA 13:13

Ninyas sawanaduutka uurji dea gatmooda gasa jeata, niny orjeeda nyeah fughareeda gil; aba gideaba ghamneawa mooneekiisiina geaw naweeda jeata.

HOSEYA 2:14

“Asi ng'ula, gaydasapsap, ea daat jeeda dareapcheeda, ak gaydeabalool ng'asheega jea goohoosan gurooroadaanyi.

MIKA 5:2

Nea ang'iing'i, Ea Betlehemu Efrata, uwoosi mwanang' aba bugusta dooshinga Yuda, aba headaang'u gaygwarinanean dea jea goombal fuga Israeli, nea gumdoadaanyi ghang'eada ghayi garayi, damanda manda muudeanooda.

MIKA 5:3

Asi gaygoodiing'da saawa ea ghwahita damanda jeata aba dea gwachi bearji lajooda; ak abeeda buuneeda mwaatkwa was buweadeagaaschi gaygabiiksa fuga Israeli.

Giidaheechta 12:14

Ng'ata geataw gatmoodida meang'i iyeenya bea rabearda haw ak ghang'eata gawa dareapcheeda sheageewa ichiboodida, ak gawa heeda jea gweagiischi gheadi nuwaas, sheeh haradam ea iyeenya.