MIKA 4:1 - Bibliyeeda Ghaydit

¹ Ak eaweeda huuydeanda giijeeda gheeda NG'UTAMIIDA gajeemajeek aba uhuuda giijeega, ak gajeetiing'da uhuuda heayeeniga; ak gayghwaat geeshtaanyi buuneeda,

MIKA 4:1 Mawu Ofanana

GIING'EETA 49:1

Ng'ata gaguursa Yakobo orjoagaaschi, ak gwayeesha, “Asi aghadoawana geat, ak gearukuneegwa gichea gabusseegwa aba askwearjoojiga jea ghwahidu.

GIING'EETA 49:10

Yuda maygwaheeli bileangida gheambalmeeda, Nea jeacheangaaschi gaygoombaliischi galeaga sean, ak gaygweasa eemoojiga niny haleanjeeda guskuseega; nea gwatkuy aba mureeda aba madeadaanyi.

NYIIGHEEGA 110:3

Fugaagu gayghapka headaang'u aba jeesinga nyaawa eaweeda jea beawana ak gibwari weajoodiga aba iheenga giijeega ghaydidi. Ghapka gheareemangaagu nea gawuurji rahoodeaba sakteayda

NYIIGHEEGA 22:27

Muudeanooda sean bea ng'eanyiida gayghoapkaat ak gaygwayamsa geat NG'UTAMIIDA; ak buuneesean bea eemoojiga gayghabwat niny.

NYIIGHEEGA 48:1

NG'UTAMIIDA niny dea hawi ak ea dea siikghaambiit muuchi aba jeeda mujiineeda ASEETEANYA! aba giijeadaanyi ghaydit,

NYIIGHEEGA 86:9

Eemoojiga sean ghayi iisini gayghapka madeadaang'u ak ghaghadoawanyi ang'iing'i Ea NG'UTAMIIDA, nea ghoaghaambiit gheawungaagu.

ISAYA 27:13

Ak eaweedida gajeaghuut durumbeateeda haw, ak fuga Israeli roosa ng'eanyiida Ashuru, ea gea darsa jeeda ng'eanyiida Misri gaygabiigu ghabwat NG'UTAMIIDA aba giijeeda ghaydit aba Yerusalemu.

ISAYA 43:6

Gaydayeesha wiilooda ng'eanyiida ghayeawa, siksiina gaweay ak geayeeshi wiilooda ng'eanyiida biyeara, adiighuumu; aghuumni orjoogeasu ghang'eada dea sheagi, ea haweegeasu ghang'eada muudeanooda ng'eanyiida,

ISAYA 49:6

hean ak gwayi: “Ng'asheanda mwanang' muuchi gil gideaba gayhuuwa siideanyu bea gadiyeeda, ak giidiing'u eemeeda Yakobo, nea giighuumu fuga Israeli ghayi was boosteanga; ak gaydanung' huwa gheaboong'nyeanda eemoojiga ak gayhuuwa lealnoocheandeanyu ea ghwahita muudeanooda ng'eanyiida.”

ISAYA 54:2

Aheeni heeda maheemajeandaang'u, ak geetaarda hang'weaka beashooda bea heeda iibiiti; adiheawi ahaada geawunda ghealoonigaagu amajeega guhuunatka maheemajeandaang'u.

ISAYA 56:7

Suh gaydeadu ea daahiidu giijeedeanyu ghaydit, ak gaydeahoosan aba jeedeaba gheenyu bea badita ASEETA; haleanjeeda nyaawa sisabwa geadi bea ghadooweeda sighwarda, ea lukghumajeega nyaawa, gajeamwas aba heedeanyu bea wagiida. Aba gideaba gheenyu gajeeguura gheeda jea eebata ASEETA bea eemoojiga sean.

YEREMIYA 16:19

Ea NG'UTAMIIDA, ang'iing'i guwoosi uurdeanyu ea hilgweandeanyu, heechea damng'awsa damanda sawanadeeda, gayghapka headaang'u eemoojiga sean gayghapka meadajeega sean bea ng'eanyiida ak gaygwayi: “Ghweanigaasa mahearana eara gil geaghus ng'uyeega, haleanjeeda mwadaagha marachi gil.

YEREMIYA 26:18

“Damanda waseewa sugoocheanda Yuda Hesekiya ghwaramoaran Mika was mujiineeda Moresheti ak gwayeesha fuga sean bea Yuda: ‘Gwayi NG'UTAMIIDA bea lugweega, mujiineeda Sayuni gajeabwar gawuurji gida sibariida madamnyeanda; Nea Yerusalemu gajeanung' ghoah eemeega, nea giijeeda gheeda sibata ASEETA gayghoah dareabeeta haw.’

YEREMIYA 3:17

Abeeda Yerusalemu gajeeguura hoorgeeda NG'UTAMIIDA, ak gaygabassa geat eemoojiga sean jeeda, aba madeeda NG'UTAMIIDA aba Yerusalemu, ak ea maygudugabiikta ghoahang'waay iheenga nea gamaseaw ng'asheega munyas bea gurooruunatka nyaawa.

YEREMIYA 31:12

Ak gayghapka ak gwasarman aba ghuuta haw aba uhuuda giijeeda Sayuni, nea geesalsa alooheeda NG'UTAMIIDA, ak booga, ea difaayi, ea nagheeda, ea dayeega manang'i bea gisilga, ea muhooga, ea gurooruunatka nyaawa gaygawuurji boostaaneeda siyiin beega ak ea maygut ghang'ut gurmeahiida.

YEREMIYA 48:47

Ak aba askwearjoojiga jea ghwahidu gaydeamajeek Moabu gwarugu NG'UTAMIIDA.” Asi girgweageeda Moabu gabeachi hiji.

ESEKIELI 38:16

Ak gaydiyeada weesiina fugeasu was Israeli, ak gaywuurjeewana shamooghooda dukuta ng'eanyiida, nea muudeanooda eaweedida gaydeaneey ng'ucheewana ng'eanyiideanyu. Ak ghwanalan eemoojiga gideaba geajeakneey ang'iing'i Gogu nea ghoahiimu ghaydidandaang'u aba madeenyaawa.

ESEKIELI 40:2

Ak damanda duu dandeewa jeeda gidahiimnaan ASEETA, hean gweanean ea ghwaahiinaan jeeda ng'eanyiida Israeli. Ak ghwayiinan uhuuda giijeeda geaw muuchi, nea wiilooda ng'eanyiida biyeara abeeda gwanda giduurji mujiini.

ESEKIELI 43:12

Nih deaweedeeda gheeda sibata ASEETA, ng'eanyiida sean neaweesa uhuuda giijeeda gajea ghaydit muuchi. Aba gideaba ng'ula nih deaweedeeda gheeda sibata ASEETA gil.

DANIELI 10:14

Ak ghwaan ghwanung' nala gichea gwahisa buuneadaang'u askwearjoojiga jea ghwahidu. Aba gideaba giirgweatsu gaba askwearjoojiga jea ghwahidu.”

DANIELI 2:28

ak gwanda ASEETA mida humng'eeda ahiimu ng'asheega funyeadi, ak ea ninung' ghwanal sugoocheanda siguura Nebukadinesa gida jea ghwahidu galanya. Giirgweatkaagu ea ng'asheega siitaheachneey aba jeeda uhuudaang'u damanda iwiili geaw aba bulaliida suh:

DANIELI 2:35

ak geehirjeaweada gharinyeanda, ea sheang'weeda, ea shaaba, ea lapiya, ea dahaabu, geehirjeaweada sean, ea gawuurji mbarariida geayda sing'aal ea ghoah dearanga; ak ghwaat jeameeda, ak ea manda heeda jea eanyasa. Nea lagheaneedida nyarja sanaamuun ghoah giijeeda haw ak ghoanyiit ng'eanyiisean.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

DANIELI 7:18

Nea fuga ghaydidi bea ASEETA Haw bea Humng'eeda gayghwanyas sugoocheanduumeeda, ak goombal ng'eanyiida damanda manda muudeanooda, maygamuudean.’

DANIELI 7:22

ak ghwahidu siida mideawa eaweega manda muudeanooda ak gwasin girgweageeda fuga ghaydidi bea ASEETA Haw bea Humng'eeda, ak ghwahidu damanda jea gheang'waanya fuga ghaydidi sugoocheanduumeeda.

DANIELI 7:27

Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’

HOSEYA 3:5

Iing'ata gaygwayamu geat diibiga Israeli gagaseada NG'UTAMIIDA was ASEETA nyaawa, ea Dawdi was sugoocheanda nyaawa; ng'ata gayghoang'eat gwasissa mureeda NG'UTAMIIDA ea miyindaanyi aba eawoojiga muudeanooda.

MIKA 3:12

Asi aba badahuukeagwa Sayuni gajeabwarda gisibariida madamnyeanda; nea Yerusalemu gayghoah eemeega, ak giijeeda gheeda gaygawuurji gudung'unyeanda aba dareabeeta.

SAKARIYA 14:10

Ng'eanyiisean gajeayam ea gawuurji mooheeda ng'eada ng'eanyiida Geba ea ghwahita Rimoni mida wiilooda ng'eanyiida biyeareewa Yerusalemu. Ak Yerusalemu gajeetiing'u ghang'eada ghuuta dooshta Benjamini ea ghwahita dooshta madeeda. Ea ghwahita dooshta sinung' ghaghwan geaw, ak gawa ea ghwahita gheeda sideeksa uhuumba nuut bea Hanaeli, ea ghwahita heeda simuriisa difaayi bea sugoocheanda.

SAKARIYA 2:11

Ak gaygaguuyi eemoojiga saang'a aba heeda NG'UTAMIIDA eaweedida, ak fugiga gajea saang'a; ak gaydeabiida jeenyaawa, ak gajanala gideaba goojeaknean NG'UTAMIIDA bea lugweega doan heedeang'wa.

SAKARIYA 8:3

Gwayi NG'UTAMIIDA gaydabiikta Sayuni, ak gaydeabiida bugusta Yerusalemu, nea Yerusalemu gajeeguura mujiineeda huumeanda, nea giijeeda NG'UTAMIIDA bea lugweega geeguura giijeeda ghaydit.

MALAKI 1:11

Aba gideaba ghang'eada giirearnooda aseeta ea gamikta gheawungeasu ea hees aba jeeda eemoojiga, nea aba hiji wassean geatayda geediga ng'andidi aba gheawungeasu, was haleanjeeda ghadooweeda miyaas; aba gideaba gheawungeasu ea hees aba jeeda eemoojiga, gwarugu NG'UTAMIIDA bea lugweega.

Gadiyeeda Giijasoodiga 2:17

‘Nea aba askwearjoojiga huuydean gaygwasnu, gwayi ASEETA, gaydaadaw buuneassean Guroroodeanyu, ak diibigeagwa was gheareemangaea haweega, gayghwaramoaran ak gheareemangeagwa gayghwadaah giirgweatka, nea gweargweagwa gaygoorgweadi giirgweatka;

Ebraniya 1:2

amadu aba mudeanoodeaba askwearjoojisu goobalooleasa aseasa aba naweeda Orjeeda, ghayi loat ghoah siida jea gwahearan haleanjeeda sean, ak aba niny gwasin ng'eanyiida aba badaydeaba niny.

2 Betro 3:3

Gidamadeeda geagasayi anala ng'asheanji bea gideaba damanda huuydean gay ghapka fuga bwariiy shikooda nea gay gwashikeegwa, nea ghwaat geeshta gidagasa sasanuuka nyaawa

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 15:4

Ng'eaha gil dea moawalnyi ak ghoaghaambiit gheawungaagu, Ea Ng'utamiida? Aba gideaba ang'iing'i guwoosi ghaydit nea gibwaageaw. Aba gideaba gayghapka eemoojiga sean ak ghaghadoawanyi, aba gideaba girgweageadaang'u siitaajiit.”

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.