MIKA 3:6 - Bibliyeeda Ghaydit

⁶ Asi gayghoah eawa aba heedeang'wa, ak ea majeehiimneegwa gil, ak gaygamisaniit aba heedeang'wa, ak ea mwajaramooranna. Ak gaygamikteaysa sibanga nea askweari, ak eaweedida gaygamisaniit aba badayda nyaawa;

MIKA 3:6 Mawu Ofanana

NYIIGHEEGA 74:9

Ak ea meadaahi giirooranga ASEETA; ak ghamneawa ea mudugwanda sibaneeda, nea aba jeedeanya ea manda siida nal gichea gooyang'da damanda.

ISAYA 29:10

Aba gideaba NG'UTAMIIDA niidearseegwa guroorooda ruweanga, ak ea nidukuta gheanyangeagwa was gheanyanga sibanga, ak ea nidukuta iheengeagwa was iheenga fuga deaha ng'asheega.

ISAYA 59:10

Geang'waanyaadi ghamarda eewuurjeewana siida ng'oaw, asi geang'waanyaadi eewuurjeewana fuga manda gheanyanga, geeruusaadi askweari gawuurji damanda gapkeanda beashata, nea aba jeeda gea mideawa uurjeenga geewuurjeewi muscheeka.

YEREMIYA 13:16

Oatawa giigheambiita NG'UTAMIIDA was ASEETEANG'WA heeda mii gwaruusa geeshangeagwa aba iheenga giijeega mideawa misaneeda damanda duu agaseewana weeshinda ghwayam ghoah duwunda ng'eanyiida ea misaneeda duu.

YEREMIYA 15:9

Gatmooda jih diibi ispwa mudu gwarachi gil; nea ea goosha Giisiimeandaanyi ak ASEATAANYI gamikta nea gudea askweari; ak geapwaaspwaas nea geanung' gwanyik, Nea gea siipuut gaydanung' gahuuyda weajoodiga nyaawa, aba ng'uta, ng'asheanji gwarugu NG'UTAMIIDA.”

YEREMIYA 18:18

Ng'ata gwayi saawa, “Apkaani, eaghasa Yeremiya, aba gideaba majearamasa ashoohoocheanda jea ghoanaaleasa digheanyeeka, ea girgweaguutka aba heeda fuga bareahi iheeni, ghana ng'asheanda jea gwaleabu heeda sibaneeda. Apkaani, eahaakta aba ng'asheega ghuutaanyi, nea adiidu geeshageachi ng'asheagaaschi.”

ESEKIELI 13:9

Ak gaydalas uhuuda sibanga rukwiida gisiihiimu bea ng'uyyeega, nea gwaramoorani ng'asheega reengaweega. Nea inyas ghabwatgeat fugeasu aba hijagi, saawa maygwanda jeeda, nea maygwanda jeeda mooneeda fuga Israeli. Ak ea maygaweay jeeda ng'eanyiida Israeli, ak gajanala gideaba aniini geawooschi NG'UTAMIIDA was ASEETA.

ESEKIELI 7:26

Gayghwanyas habitkweeda nea mwahawda, nea goodeayi ng'asheega munyas. Ak gajeemus sibaneeda gichea eahiimu, nea ashoohoodiga ea maygwandeawa deaweedeeda was sean nea eara gweargwa ea maygwandeawa ng'asheega jea gwarukusa buuneeda.

AMOSI 8:11

“Ng'ula, ghwahidu askwearjoojiga,” gwarugu Ng'utamiida was ASEETA gil, “gaydeajeagu geejeeda badayda ng'eanyiida; mii geejeeda jea ea manda mukaate gil, ghana muwooshta jea ea manda beega, muwooshta jea ea meayiinyana ng'asheega NG'UTAMIIDA.

MIKA 2:6

“Adoorukwiidi ng'asheega”–saawa gwarukwiida– “manda siida jea gwarukwiida ng'asheesu; ak ea mwahineasa baspaseega.”