MIKA 3:3 - Bibliyeeda Ghaydit

³ agoogeeda inyeesa ghoayaaji banyeega fugeasu, nea ghoajeanyi mughooka nyaawa, nea ghoalajaadi geaka nyaawa, gawuurji gea jea eawu, nea gawuurji gea mida jeeda dahuuda

MIKA 3:3 Mawu Ofanana

NYIIGHEEGA 14:4

Neada buuneesean sina ng'asheega munyas mwanala? Nea iissa ghwaakta buuneesean gida akiida mukaate, ak ea maguuriisiina gheawunga NG'UTAMIIDA.

NYIIGHEEGA 27:2

Iineekiisean fuga sina ng'asheega munyas, nea gagasa gwanuusan, fuga sidan ea weajoodigeasu, gajeeruusa ak goobeedeayi.

GHWASIILDEANGA 30:14

Ak gwanda seaygeeda iissa geeshatka nyaawa ea ng'utkeaka gil, nea geeshatka nyaawa ea bargweaka, ak saawa gaganyeadi fuga barbari eegeandeawa badayda ng'eanyiida, ea fuga mandeawana gil aba bugusta buuneeda.

ISAYA 3:14

NG'UTAMIIDA gaygawa jeeda girgweageeda sea gweargwa ea fuga hees mida madeeda fugaaschi: “Ak fuga ak madamnyeanda sabiibu ea agooga gil, fuga barbari gwanda jeeda gealgeagwa.

ISAYA 3:15

Ak gideabeadaanyi naaha gil, gideaba ghoaghabwaschi fugeasu, ak ghwasaan anda goosawanyi fuga barbari?” gwarugu NG'UTAMIIDA was ASEETA bea lugweega.

ESEKIELI 11:3

Nea gwayeena, ‘Damanda deesta gheeda mii ghoaw. Mujiini gawuurji dahuuda, nea aseasa geewuurjeewi banyeega.’

ESEKIELI 24:4

Ak giyiin jeeda banajanga banyeega was banajanga sean miyaas, gibeesta, ea haluulda, ak giinyiidi geaka sighwal.

AMOSI 8:4

Ooleeysiiniit ng'asheanji agoogeeda inyeesa ghoanukghuti fuga sawana, nea googasayi anung' goosha fuga barbari bea ng'eanyiida,

MIKA 2:8

Ak ea noang'eachi nea goowuurjeewi weajoocheanda fugeasu inyeesa googeandi hang'da mida badayda hang'weaka fuga ng'ata nea gaba hoyyoo uurji fuga magasa ng'ucheeda.

SEFANIYA 3:3

Fugaaschi hees mida jeadaanyi ng'anyeeka amuumi; nea fugaaschi aheeldooschi buuneeda ea gudeeda jarooda bea shing'ada gil mayghoabuut gil ea ghoah shing'ada.