MIKA 3:2 - Bibliyeeda Ghaydit

² Agoogeeda inyeesa ghoasichi gea miyaasiin ak ghoabwariinyi gea munyas, agoogeeda inyeesa ghoajeanyi mughoowooda fugeasu, ea banyeega gwaheeli geaka nyaawa;

MIKA 3:2 Mawu Ofanana

1 SUGOODIGA 21:20

Gwayeesha Ahabu Eliya, “Ninyaschaan, Ea weajoocheandeanyu?” Hean gwayeesha Eliya, “Naanyascheey, aba gideaba nishaaydi geaw aba heeda siida muy aba madeeda NG'UTAMIIDA.

2 DAMANYOOJIGA 19:2

Nea Yehu was orjeeda Hanani was meang'nyeanda gawa gwaroonyi niny, ak gwayeesha, “Ang'iing'i gajamuusa weada fuga munyas nea gibwariinyi fuga sit NG'UTAMIIDA? Abeeda aba ng'asheanji, nyarasta leabu heeda NG'UTAMIIDA gaygoobisa badaydaang'u.

NYIIGHEEGA 15:4

ak gafool fugiga sit ASEETEAN nea ghoawal gheanyangeaba fugiga siniisa mureeda NG'UTAMIIDEAN; earapeadi niyaak habeawooda aba nyarastaanyi, mayamwa ng'asheagaaschi;

NYIIGHEEGA 53:4

Neada fuga sina ng'asheega munyas ea mwanala? Fuga akiida buuneedeanyu gilak mukaate, ak ea mabata ASEETA.

GHWASIILDEANGA 28:4

Fuga mwaang'waanya deaweeda gagwarsa gea munyas nea gea ang'waay deaweeda gagaleada sea saawa.

ISAYA 3:15

Ak gideabeadaanyi naaha gil, gideaba ghoaghabwaschi fugeasu, ak ghwasaan anda goosawanyi fuga barbari?” gwarugu NG'UTAMIIDA was ASEETA bea lugweega.

ISAYA 5:20

Dashageada fuga nung' ghoah gidamuy gidamiy nea gidamiy geanung' ghoah gidamuy, ak eeshinda geenung' gwatuudu nea duwunda geenung' gaweeshiit, nea gidinya geanung' ghang'waaniit, nea gidang'waan geanung' ghwanyaaniit!

ISAYA 57:12

Aniini gaydarukuta doobiiwnataang'u ea sinaweagaagu, ak ea mayghaweadaneey gil.

ESEKIELI 11:7

Asi gwayi NG'UTAMIIDA was ASEETA, asaha, mujiineani furinya gil. Nea giika sinuusiin ea bannyeega gil, agooga gajeerruuteawaneegwa jeeda mujiini.

ESEKIELI 22:27

Fugaaschi heeda mida headaanyi gawuurji suuyeeka bwaashaada diyeayda, aba gideaba ghoahiida foojeanda. Nea ghwadatas gurooruunatka buuneeda, ak ghwanyagaada aba naweeda mwadoabiiwa.

ESEKIELI 24:4

Ak giyiin jeeda banajanga banyeega was banajanga sean miyaas, gibeesta, ea haluulda, ak giinyiidi geaka sighwal.

ESEKIELI 34:3

Ghoayaaji gea riisheadi, nea gookwealayi eagweega sisna buudeega nyaawa. Nea goonuuseadi gea riisheadi, nea moohaaghwani gisilga.

AMOSI 4:1

“Olleeysiiniit ng'asheanji, agoogeeni was dugwa Bashaniin, oondi uhuuda giijeeda Samariyahiin, agoogeeni ooghabwaschi siida barbariin, nea ghoalasaadi iheenga fuga gasa weeta, eeniisa siyeenatka nyaawa, ‘Ayeani gajealeaha!’

AMOSI 5:15

Asta gea munyas, ak ghoabwariinyi gea miyaas, ak goosikteawi doobiiwnata aba dooshta; eara NG'UTAMIIDA, was ASEETA bea lugooda, gayghabwaydaneegwa aba gheaptanga Yosefu.

MIKA 2:8

Ak ea noang'eachi nea goowuurjeewi weajoocheanda fugeasu inyeesa googeandi hang'da mida badayda hang'weaka fuga ng'ata nea gaba hoyyoo uurji fuga magasa ng'ucheeda.

MIKA 7:2

Siida bada ASEETA niroat aba badayda ng'eanyiida, ak ea manda siida doabiiwaat aba jeeda buuneeda; iissa ghabwada jeesinga ng'eanyi sean aba giihiideayda foojeanda, ak gaba nih ak shageata orjeeda ghaamwat aba gheareedanga.

MIKA 7:3

Geatinga nyaawa gwanda badayda ng'asheega munyas, ak gwasin muuchi; sugoocheanda ea siida haw aheeldooschi buuneeda gagasa seawshooda, eara siida haw siiwal gheang'da gagasa gurooroadaanyi gwasin ng'asheanda muy; ak hean gwanapsiinyi.

SEFANIYA 3:3

Fugaaschi hees mida jeadaanyi ng'anyeeka amuumi; nea fugaaschi aheeldooschi buuneeda ea gudeeda jarooda bea shing'ada gil mayghoabuut gil ea ghoah shing'ada.

Lukka 19:14

Ak siisi ghwasit fuga ng'eang'da nyaawa ak geecheaksa buuneeda eeyeesha, ‘Aseasa meegasi siisi ghoahaaghwaneasa.’

Yohaana 18:40

Gabiikta goojuur nea gwayeesha, “Mii siisi, geegasayi Baraba!” Nea Baraba abeeda gooreedi buuneeda haleanjeeda.

Yohaana 7:7

Ng'eanyiida moamu ghwasteagwa, duuku aniini ghwastan aba gideaba geamuuwu gideaba gadiyoojigaaschi ea munyas.

Ruumi 1:32

Earapeadi nal muuchi diigheanda ASEETA nea fuga sina ng'asheesu gammiisa miyeeda, ea meakghusa gideaba gwasin ng'asheesu, iissa ghamwas eara fuga sina ng'asheesu.

Ruumi 12:9

Bariinyeega gagasa gaba huumwa; sit ng'asheanda muy, nea ghoang'waanyi ng'asheega miyaas;

2 Dimoteo 3:3

fuga magasa fuga gheanyaawa, ea gea magasa giiduupcheeda, ea gea naba ng'uyeega, ea gea moamu ghwadeal geat, ea gea ng'weani, ea gea mabwariinya ng'asheega miyaas,