MIKA 3:12 - Bibliyeeda Ghaydit

¹² Asi aba badahuukeagwa Sayuni gajeabwarda gisibariida madamnyeanda; nea Yerusalemu gayghoah eemeega, ak giijeeda gheeda gaygawuurji gudung'unyeanda aba dareabeeta.

MIKA 3:12 Mawu Ofanana

NYIIGHEEGA 107:34

ng'eanyiida haghweega saang'a ghwanung' ghoah bugharjeanda balang'da, aba munyinda fuga abiita jeeda.

NYIIGHEEGA 79:1

Ea ASEETA nupka fuga munyas jeeda ng'eanyiidaang'u; ak ea nibwara ririnnyeanda gheang'u ghaydit; nea ghwanung' ghoah mujiineeda Yerusalemu eemeega.

ISAYA 32:14

Aba gideaba gajeanung'wa heeda gheeda sugoocheanda, nea mujiineeda nyiit buuneeda maygwanda jeeda sih, ak heayeeda ea madalooda gayghoah heechea goobiita diyeanga damanda manda muudeanooda ak gahoosan siingiiga aba jeedida, nea ghoah haghweega gisilga.

YEREMIYA 17:3

ea iheenga giijeega mida mooheeda. Meanang'oocheanduumeedeang'wa ea gheaseedeang'wa gaydaadayda ghoah easanga ghwasha riing'eegeagwa aba jeeda moonghajeegeagwa sean.

YEREMIYA 22:5

Ng'ata gwayeesha NG'UTAMIIDA; aba inyas ea moang'waanyi ng'asheesu, abeeda ghaayaaji habeawooda aba ghuuteanyu, gideaba gheawi gayghoah raghoonyeanda.

YEREMIYA 22:6

Aba gideaba gwayi NG'UTAMIIDA aba badayda gheeda sugoocheanda Yuda: “‘Ghamneawa eara dagalaneeyi Gileyadi, Nea geagalaneey geawunda Lebanoni, Aba huumwa gaydanung' huwa eeshtearajeanda, Ea mujiineeda moobiiteena jeeda sih.

YEREMIYA 26:18

“Damanda waseewa sugoocheanda Yuda Hesekiya ghwaramoaran Mika was mujiineeda Moresheti ak gwayeesha fuga sean bea Yuda: ‘Gwayi NG'UTAMIIDA bea lugweega, mujiineeda Sayuni gajeabwar gawuurji gida sibariida madamnyeanda; Nea Yerusalemu gajeanung' ghoah eemeega, nea giijeeda gheeda sibata ASEETA gayghoah dareabeeta haw.’

YEREMIYA 35:17

Asi aba ng'asheanji gwayi NG'UTAMIIDA ASEETA bea lugweega, ASEETA Israeli, ng'ula, gaydeadu ng'asheega munyas sean heeda fuga Yuda ea heeda fuga sean bea Yerusalemu aba gideaba geabalooli ak ea mooleeysean iit, geaguursi ak ea manyeara ghuusiga.”

YEREMIYA 44:2

“Asi gwayi NG'UTAMIIDA bea lugweega, was ASEETA Israeli: Agooga noadaayi ng'asheega sean munyas easisi Yerusalemu ea badahuuka mujiinajeega sean bea Yuda. Ng'ula, askweareani niiw eemeega, ak ea manda siida abiita jeeda,

YEREMIYA 52:13

Ak ghaghwarda gheeda NG'UTAMIIDA, ea gheeda sugoocheanda ea gealga sean bea Yerusalemu; giliwas gheeda haw iissa ghang'uda beasta.

YEREMIYA 9:10

“Agutuuni heareega nea gooyeawdi aba badayda giijeega ea shooka aba badayda nyeega mida dareapcheeda, aba gideaba nijeama nea manda siida jea ghwala jeeda nea meayiinya eara nyeashta dugwa; nea dariidaka humng'eeda ea diyeanga jarooda ea niiguudeadayi.

YEREMIYA 9:11

Gaydanung' ghoah Yerusalemu eemeega hees gaydanung' ghoah shoomeanga fureayoonga; gaydanung' ghoah mujiinajeega Yuda raghoonyeanda, heeda moobiiteena sih.”

HEAREEGA 5:18

aba gideaba Giijeeda Sayuni sinung'usa heeda; gaweelweela uhuuda fureayoonga.

MIKA 1:6

Ak gaydanung' ghoah Samariya dulgwajeanda aba nyarjeawda aba ng'eanyiideesh, nea gawuurji heeda jea eehisteawa sabiibajeega; ak gaydahisa lagheangaaschi moangoachi, nea geanyarji sindeecheekaaschi.

Mattayo 24:2

Ghwasha niny ak gwayeesha, “Moong'uli haleanjeeni seaniin? Aba huumwa geayeeshiineegwa, manda eara lagheaneanagi jea ghoabit aba uhuudeaba niirja jea ea majeeng'adeadu.”