MIKA 3:11 - Bibliyeeda Ghaydit

¹¹ Fugaaschi hees gwasin girgweageeda aba gideaba ghwanyas seawshooda, ashoohoodigaaschi goonealshi aba gideaba ghwanyas gidageatinda, nea sibangaaschi gwaramooran ghwanyas lapiya; ak eara aba sareani gayghaghus NG'UTAMIIDA nea geeyi, “Neada NG'UTAMIIDA ea manda bugusteanya? Manda gidamuy jea gwahisseasa.”

MIKA 3:11 Mawu Ofanana

GHWASIILDEANGA 17:23

Siida muy seara iissa gwaseawshi aba makcheameeda, aba gideaba gayghwanung' ghwaschoarda naweeda doabiiwaat.

ISAYA 1:23

Fugaagu hees nischoarda, fuga nyaawa duupchi ea mareanghooga gil. Ak gaba nih bwariiy seawshooda nea gagasa haleanjeeda guskuseega. Ak ea moadawa bananga gitoobiiwsa, nea eara girgweageeda masiinung'weanda ea meeyeasiina saawa.

ISAYA 48:2

Aba gideaba gaguura geat fuga ng'eanyiida ghaydit, nea gwahinda geat gilibwata ASEETA Israeli; gheawungaaschi NG'UTAMIIDA lugweega gil.

ISAYA 5:23

fuga giidiinyeadi inyeesa geesiksa aba seawshooda, nea geareat siida gidagwachi doobiiwsa.

ISAYA 56:11

Ak gudajeesu ea ng'weani jeesin muuchi, nea maygwalang'u earahay, suh jeagiischoodiga mwanala gil, ak ea niyam geat sean gaba nih aat naweadaanyi ak gaba nih gasa nyageadaydaanyi aba meadajeega sean.

YEREMIYA 23:17

Inyeesa gwayeeniisa galeagasean fuga fool ng'asheanda NG'UTAMIIDA, ‘Agooga gajabeaha seayu’; ea heeda gilinyoo ghwaduup gida nyaah gurooroadaanyi aba gidaghoosta, ‘Manda gil muy jea ghwanyaseagwa.’”

YEREMIYA 26:7

Hean ghwayiiy ashoohoodiga, ea sibanga, ea buuneeda sean ng'asheega rugu Yeremiya aba jeeda gheeda NG'UTAMIIDA.

YEREMIYA 5:12

Nirugu ng'uyeega aba badayda NG'UTAMIIDA, nea gwayeena, ‘Niny manda gichea gwasin; manda riing'eeda jea ghoan heedeanya, nea ea mayghwaageasa geejeeda.

YEREMIYA 6:13

“Gidang'eada dea mwanang' ea gagul dea haw, gaba nih gasa ghwanyas gida madoobiiwsiina; ak gidang'eada sibaneeda ea gagul ashoohoocheanda, gaba ng'uya sean.

YEREMIYA 7:4

Adiidu ghoamwaschi ng'asheesu bea ng'uyeegean bea gideaba: ‘Nih gheeda sibata ASEETA, nih gheeda sibata ASEETA, aba huumwa nih gheeda sibata ASEETA.’

YEREMIYA 8:10

Asi gaydaadaw gadeemga nyaawa fuga suurja, ea madameega nyaawa gaydaadaw fuga nijooriischi, aba gideaba gidang'eada dea mwanang' ea gagul dea haw, gaba nih nyas haleanjeeda gwaneadi; ea gidang'eada sibaneeda ea gagul ashoohoocheanda gaba nih Sini ng'asheega gwaneadi.

ESEKIELI 22:12

Aba headaang'u inyeessa gwanda fuga iissa geasaaw aba gideaba ghoahiida foojeanda. Ninyasi nyageadayda ea gea ahaada, nea ang'iing'i aba shidoodaang'u bea ghaang' ginyasi haleanjeeda aba gideaba giighabwasi giischeewoodigaagu. Ak ea mudu apkaadan, gwarugu NG'UTAMIIDA was ASEETA.

ESEKIELI 22:27

Fugaaschi heeda mida headaanyi gawuurji suuyeeka bwaashaada diyeayda, aba gideaba ghoahiida foojeanda. Nea ghwadatas gurooruunatka buuneeda, ak ghwanyagaada aba naweeda mwadoabiiwa.

ESEKIELI 34:2

“Ea orjeeda siida, ramoorsiina jeagiischoodiga fuga Israeli, ramoorsiina nea giyeeshi saawa, gwayi NG'UTAMIIDA was ASEETA, ‘Jeagiischoodiga fuga Israeli ashageada, gea inyeessa ghoang'aata geat, heapi? Mamiisiina gideaba jeagiischoodiga ghoahaaghwa gisilga?

HOSEYA 4:18

Gheamughuushcheeka leeyda, nihiseada; ghabwariiy baspaseega ea ghwanaawa giigheambiita nyaawa.

HOSEYA 4:8

Inyeesa gweagiischeewa riing'eeda fugeasu; inyeesa gahoosan aba munyinda nyaawa.

AMOSI 5:14

Agasa gea miyaas, nea mii gea munyas gil, ak gajanyasa eaweega; ak NG'UTAMIIDA, was ASEETA bea lugooda, gaygwanda heedeang'wa, gawuurji gidoanyaashti.

AMOSI 9:10

Fugeasu sean bea riing'eega gaygameewa aba ng'uta, fuga eena, ‘Mayghwanyaseasa gidamuy nea majeeroonyeewana.’

MIKA 3:5

Ak gwayi NG'UTAMIIDA aba badahuuka sibanga nung' goodiiy fugeasu, ayeawda nea gagasa “Hoyyoo” iinyo gwandeawa gichea ghwaak, nea siida was sean mwayiina ghuusiga nyaawa gil abeeda gaygang'uchi.

MIKA 7:3

Geatinga nyaawa gwanda badayda ng'asheega munyas, ak gwasin muuchi; sugoocheanda ea siida haw aheeldooschi buuneeda gagasa seawshooda, eara siida haw siiwal gheang'da gagasa gurooroadaanyi gwasin ng'asheanda muy; ak hean gwanapsiinyi.

SEFANIYA 3:3

Fugaaschi hees mida jeadaanyi ng'anyeeka amuumi; nea fugaaschi aheeldooschi buuneeda ea gudeeda jarooda bea shing'ada gil mayghoabuut gil ea ghoah shing'ada.

SEFANIYA 3:4

Sibangaaschi fuga ng'arng'ari gil, nea gaba ng'uya; nea ashoohoodigaaschi ea ning'uda ririnnyeanda heeda ghaydit, ak ea niyam deaweeda gamunyiit.

MALAKI 1:10

Uuw, inyeeda gwachi gwanda jeedeang'wa siida jea ghwajap gidaghuudajeega, ak abeeda ea meayeadi beasta mwadaagha aba heedeanyu bea wagiida! Aniini meahoosani aba badahuukeagwa, gwarugu NG'UTAMIIDA bea lugweega, ak ea maydamwas haleanjeeda ghadooweeda oogoonyi aba geatingeagwa.

MALAKI 2:9

ak ghaanung' eefooleegwa nea geesawaneegwa aba madeeda buuneesean, gawuurji gidameang'waaydani ng'asheegeasu ak ghoahiimu shiitmeeda aba jeeda deaweedajeegeagwa.”

IITOODA 16:15

Hean ghwanyareas Musa muuchi, ak gwayeesha NG'UTAMIIDA, “Adumwasi haleanjeeda nyaawa bea ghadooweeda; aniini miidageandeawa saawa eara digeanagi, ak ea mii dasawan eara siyagi aba jeenyaawa.”

IITOODA 22:7

Gaweay gweargwa Moabu, ea gweargwa Midiyani, nea ghwaat gidageatinda nyaawa bea meang'nyeanduumeeda aba geatinga nyaawa; ak ghwahita heeda Balaamu, ak gwarukusa ng'asheega Balaki.

Mattayo 3:9

nea adooyeeniisi geat, ‘Geendeawi ghweandeanya nea Abrahamu’, aba gideaba geayeeshiineegwa, ASEETA ghoamu ghwayam lagheang'su ghoah diibiga Abrahamu.

1 Dimotteo 3:3

Mii siida boogidi gil, mii siida bara buuneeda, ak ea garbabu, mii siida sheang'nyachi gil, ak ea mii siida bwariiy lapiya,

Ditto 1:11

gidabal gearat ghuusiga nyaawa aba gideaba fiisu inyeessa gahuteawi buuneeda aba giinealshooda ak ghwanyas haleanjeeda aba giinealshooda mwadaagha.

1 Betro 5:2

Oahaaghwana mughuusheanda fuga ASEETA ghayi siiteaganeegwa, nea goomiineadaysi, nea meediing'seegwa, asina aba gidoogasiidi nea adoosinyi aba gideaba googasayi lapiyeeda baspaseega, asi asina nea goomajeekchi,

Yuuda 1:11

Dashageada saawa! Aba gideaba ghwaat geeshta naweeda Gayni, ak ghwanung'waada geat ghwanyas ng'asheega munyas bea Balaamu, ak goosha aba gidaghayi heawaata Gora.

1 SAMWELI 8:3

Iidu orjoagaaschi ea mwaada geeshta ghwaan, ak ghwayam geat gagasa lapiya; iissa geeseawa nea gahuta gitoabiiw.