MIKA 2:2 - Bibliyeeda Ghaydit

² Inyeesa gwashissa ghaang' madameega, ak ghoang'waay; ea gealga, ak gageanda; inyeesa ghaghabwas siida ea gheanyi, siida ea hearaniischoadaanyi.

MIKA 2:2 Mawu Ofanana

1 SUGOODIGA 21:1

Nea Naboteeda was siida ng'eanyiida Yesneli gwandeawa madamnyeanda sabiibu aba Yesneli, aba murdeeda gheeda Ahabu was sugoocheanda Samariya.

2 SUGOODIGA 9:26

‘Aba huumwa heeta ghaadaayi foojeanda Naboti, ea foojeanda diibigaaschi, gwarugu NG'UTAMIIDA, ak gaydawalu aba seamooni gwarugu NG'UTAMIIDA.’ Asi geanda musta ak gijaksi seamooni, gawuurji gidanyaashta ng'asheanda NG'UTAMIIDA.”

AYUBU 31:38

“Ak gooyeawda ng'eanyiideanyu aba badaydeanyu, nea gooyeawda maparoojigaaschi sean;

RITEAYDA 20:17

“Adishisi ghaang' gheeda gischeewoocheandaang'u, adishisi ghaang' gatmooda gischeewoocheandaang'u ghana soomjeandaanyi, ghana hudaanyi bea gadiyeeda, ghana deadaanyi, ghana digeadaanyi, ghana gili wassean mideawa gischeewoocheandaang'u.”

ISAYA 3:14

NG'UTAMIIDA gaygawa jeeda girgweageeda sea gweargwa ea fuga hees mida madeeda fugaaschi: “Ak fuga ak madamnyeanda sabiibu ea agooga gil, fuga barbari gwanda jeeda gealgeagwa.

ISAYA 5:8

Ashageada geat fuga aguuyi gheawi ea gheawi, nea iissa ghoahaada madamnyeanda madamnyeanda nuut, bwak ea eamudu gwanda heeda abit, ak giibiiti jeeda nea gibwaageaw aba jeeda ng'eanyiida.

YEREMIYA 22:17

Ak ang'iing'i gindeawi gheanyanga ea guroorooda gheang'da geaw Bea baruureega maba doobiiwnata, Aba gideaba inyeesa giihiidi foojeanda manda giidiinyeanda, Aba minighista nea ghoaluuji buuneeda.”

ESEKIELI 18:12

Nea ghoareat fuga barbari haleanjeeda nyaawa ea fuga gasa weeta, nea ghoareat buuneeda haleanjeeda nyaawa aba uurda, nea mawalda siileeda siida, ak ghabwat sanaamajeega nea gwasin ng'asheega munyas.

ESEKIELI 22:12

Aba headaang'u inyeessa gwanda fuga iissa geasaaw aba gideaba ghoahiida foojeanda. Ninyasi nyageadayda ea gea ahaada, nea ang'iing'i aba shidoodaang'u bea ghaang' ginyasi haleanjeeda aba gideaba giighabwasi giischeewoodigaagu. Ak ea mudu apkaadan, gwarugu NG'UTAMIIDA was ASEETA.

ESEKIELI 22:13

“Asi ng'ula, naalaschi gida inyasi aba naweeda mwadoabiiwa ea foojeanji mida headaang'uun.

ESEKIELI 33:26

Ghoaghuschi dabiteang'wa bea ng'ucheeda, goosinyi ng'asheega munyas, ak gaba ng'eedeeni mideayi sea gatmooda giischeewoocheandaanyi, heapi? Gajageanda ng'eanyiini?

ESEKIELI 45:9

“Gwayi NG'UTAMIIDA was ASEETA. Agooga biissa nideay, ea fuga hees bea Israeli anung'waada ghabasta buuneeda ea giireeta haleanjeeda. Asina girgweageeda doabiiwaat anung'waada hoanda fugeasu aba jeeda ng'eanyiida, gwarugu NG'UTAMIIDA was ASEETA.

ESEKIELI 46:18

Ak siida haw ea maygageandeawa buuneeda hearaniischooda nyaawa. Nea maygooruuteawa buuneeda ng'eanyiida nyaawa aba uurda, gayghoadaw orjoagaaschi hearaniischooda aba jeeda haleanjeadaanyi, adiidu ghwadarda fugeasu nea gwasheagiida hearaniischoadaanyi.”

ESEKIELI 8:17

Hean gwayeeshiinean ASEETA, “Ea orjeeda siida, heapi nidaahi ng'asheesu? Geabwada nih fuga Yuda ghwadaah gideaba ng'asheesu munyasiin gideaba ea manang'i ghwanung' ghwanyiit ng'eanyiida ng'asheega munyas, nea ghoanyareasan muuchi. Ng'ula, gidabitbita aba hoowa ghoanyareasan ea gabun.

AMOSI 2:7

inyeesa geapuuta uhuuda siida bwarbwar jeeda birjeanda badayda ng'eanyiida, nea geayam geat eegal naweeda mwadoabiiwa, nea inyeesa siida ea ghwaan gaweay hichpa gatmoanagi sina gadiyeeda, ak aba sareani geadatas gheawungeasu ghaydit;

AMOSI 4:1

“Olleeysiiniit ng'asheanji, agoogeeni was dugwa Bashaniin, oondi uhuuda giijeeda Samariyahiin, agoogeeni ooghabwaschi siida barbariin, nea ghoalasaadi iheenga fuga gasa weeta, eeniisa siyeenatka nyaawa, ‘Ayeani gajealeaha!’

AMOSI 8:4

Ooleeysiiniit ng'asheanji agoogeeda inyeesa ghoanukghuti fuga sawana, nea googasayi anung' goosha fuga barbari bea ng'eanyiida,

MIKA 3:9

Ayiinya ng'asheesu, agooga fuga hees bea gheeh Yakobo ea fuga ambaliischi bea gheeh Israeli, agoogeeda eaheawi doobiiwnatean nea ghoaschoardi gea miyaasiin sean,

MIKA 6:12

Aba gideaba meanang'oodigaagu gooreedi fih haleanjeeda; nea fugaagu bea ng'eanyiida gabaloola ng'uyyeega, nea ng'ushapta nyaawa gaba reengaweega aba ghuusiga nyaawa.

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

1 Dimotteo 6:10

Aba gideaba gumdooda ng'asheega munyas sean gweadu bariinyeega lapiya, ak buuneeda mwaatkwa ea ninung'waada masaweega aba bariinyeesu bea lapiyaan ea gwasawan jeesinga nyaawa.