MIKA 2:12 - Bibliyeeda Ghaydit

¹² Gaydaamughuusheagwa oagasean, Ea Yakobo, gaydaamughuush gheaptanga Israeli; gaydeaweamsa saawa hijagi gawuurji gisilga mida muhealeeda, nea gawuurji hawanda gisilga mida haghweeda, gayghwalach booga aba seang'ayda buuneeda.

MIKA 2:12 Mawu Ofanana

GIING'EETA 36:33

Ak ghami Bela, ak ghoaghiis hoorgeadaanyi Yobabu was orjeeda Sera mida mujiineeda Bosra.

1 DAMANYOOJIGA 1:44

Iing'ata nea ghami Bela, gawa hoorgeadaanyi Yobabu was orjeeda Sera bea ng'eanyiida Bosra.

ISAYA 11:11

Ak eaweecheanji Ng'utamiida gayghoahaakta geadi gicha goodeelu boosteangaaschi mida Ashuru, ea Misri, ea Batirosi, ea Gusi, ea Elamu, ea Shinari, ea Hamati, ea ng'eanyiida mida ghuuta basooda.

ISAYA 27:12

Nea eaweedida, ghang'eada eenda Furati ea ghwahita moonghooda Misri NG'UTAMIIDA gayghwalach boagaaschi, ak agooga gajeeliimuunaneegwa, Ea fuga Israeli.

ISAYA 34:6

Ng'uta NG'UTAMIIDA gayghwanyiit foojeanda, ea nagheeda, foojeanda gisilga, ea gea nooga, ea nagheeda manyiinyaka lagweendiga. Aba gideaba NG'UTAMIIDA gwandeawa lukghumeeda aba mujiineeda Bosra, ak gaygoosha buuneeda muuchi aba ng'eanyiida Edomu.

ISAYA 5:17

Hean dayeega gisilga gayghoajeada gawuurji gidagasiida, ak heeda haghweeda nyaawa sinung'wa heeda gayghoahaaghwa rabasta.

YEREMIYA 23:3

Ak abeeda gaydaamughuush easanga hawanyoojigeasu aba jeeda ng'eanyoojiga ghayi eadearsi, ak gaydeadeelu ghapka heeda haghweeda nyaawa, ak gaygabiikta gwaji nea gooheadiischi.

YEREMIYA 3:18

Ak aba eawoojigiga fuga Yuda gaygaguuyi sea fuga Israeli, ak gaygoodeanyi duwaawi nea gwaleabu ng'eanyiida mida wiilooda ng'eanyiida ghayeawa ea ghwahidu ng'eanyiida aadawji ghweaniga nyaawa.

ESEKIELI 34:11

“Aba gideaba gwayi NG'UTAMIIDA was ASEETA, ng'ula, aniineesean, asaha, aniini gaydawa dagasa gisilgeasu ak ghaahaaghwi.

ESEKIELI 34:13

Ak gaydearuuteawa jeeda eemoojiga, ak ghaabwadi geat aba darooraka sean, ak gaydanung' gabiikta ng'eanyiida nyaawa. Ak gaydaahaaghwa aba uhuuda giijeega Israeli, ea ghuusiga ghealooniga beega, ea ng'eanyiisean abiita buuneeda.

ESEKIELI 34:22

Asi aniini gaydaaghu hawandeanyu, nea maygut gabiikta ghoah easanga, ak gaydeargweaksa gilinyoo ea gisilleanda gil.

ESEKIELI 34:31

Ak agooga gisilgeasu, gisilga haghweedeanyu, goowooschi fugeasu, ak aniini geawooschi ASEETEANG'WA, gwarugu NG'UTAMIIDA was ASEETA.”

ESEKIELI 36:37

“Gwayi NG'UTAMIIDA was ASEETA, gaygamusan fuga Israeli danung' ghwasaang'ayiit saawa ea gwadeena hawanda gisilga.

ESEKIELI 37:21

Ak giyeeshi saawa, gwayi NG'UTAMIIDA was ASEETA, ng'ula, gaydearuuna fuga Israeli jeeda eemoojiga ghayi weay jeeda. Ak gaydaaweamna meadajeega sean, ak gaydeadu jeeda ng'eanyiida nyaawa.

HOSEYA 1:11

Ng'ata gaygaguuyi fuga Yuda sea gea Israeli ak ghwaloat siyagi ghoah sugoocheanda nyaawa; aba ng'ata gaygabaruuri aba ng'eanyiida nyaawa. Nea abeeda gayghoah eaweeda ghaambiidaat bea Yesreeli.

AMOSI 1:12

Ak gaydanung' gawa beasta badayda Demani, ak ghwaak gealga Bosra.”

MIKA 2:13

Dea jea ghwajaat naweeda gaygwadiyeada gawa madeanyaawa; gajeenyarja ak geeweay eesik ghuuta dooshta, ak geeweay jarooda. Ak ghang'ata sugoocheanda nyaawa nea gwanda madeanyaawa, NG'UTAMIIDA nyaawa gwanda mwadi.

MIKA 4:8

Ak ang'iing'i, Ea gheeda geaw sideeksa uhuumba nuut bea hawanda, Heayeeda huda Sayuni, gajeapka headaang'u, gayghwahidu dea ambaliischi bea madeeda, sugoocheanduumeeda huda Yerusalemu.

MIKA 5:7

Nea gheaptanga Yakobo gaygoobiida bugusta fuga saang'a gawuurji rahooda leabu heeda NG'UTAMIIDA, gawuurji shiishiiyda aba badayda nyeega, nea makghusa buuneeda ak ea mwoamu ukghuna orjooga buuneeda.

MIKA 5:8

Ak gheaptanga Yakobo gaygoobiida bugusta eemoojiga, aba bugusta fuga saang'a, gawuurji ng'adiida aba bugusta diyeanga dareabeeta, nea gawuurji dayeenda ng'adiida aba bugusta hawanda gisilga, sik bugusta, ak gooleapsa ng'eanyi nea ghabwaashaada, ak ea manda siida jea ghaweat.

MIKA 7:14

Ahaaghwana fugaagu aba bileangidaang'u, hawanda hearaniischoadaang'u, was dea apteada nea gaba geaw aba jeeda dareabeeta mida jeeda shiidaneeda ng'eanyiida; nung' ghoajeada saawa aba jeeda ng'eanyiida Bashani ea Gileyadi gawuurji eawoojigeaba garayi.

MIKA 7:18

ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.

SEFANIYA 3:20

Ak aba damandida gaydeaneey ghoah, aba damandida iyaabwadaneegwa geat; gaydanung' gageawiit iita ea giigheambiita aba badayda buuneesean mida badayda ng'eanyiida, damanda jea daaghuumna fugeagwa mida ghealooniga madeeda gheanyangeagwa,” nih gwarugu NG'UTAMIIDA.