MIKA 2:11 - Bibliyeeda Ghaydit

¹¹ Siida iiwea heeda guroorooda ng'uyeega ak gwarugu ng'asheega ng'uyeega, nea gwayi, “Gaydarukuneey iita difaayi ea difaayeeda heeseadi,” abeeda gayghoah siida jea gwarukwiida ng'asheega aba heedeaba fiisu!

MIKA 2:11 Mawu Ofanana

1 SUGOODIGA 13:18

Ng'ata gwayeesha niny, “Eara aniini geawuurjeeweey geawooschi sibaneeda, goobaloolan giijasoocheanda humng'eeda aba ng'asheanda NG'UTAMIIDA, nea gwayi, ‘Adeelni siisi jeedeaba gheang'u ghwaak mukaate nea ghwali beega.’” Nea ghana gwareengani.

1 SUGOODIGA 22:6

Ng'ata ghabwada geat sugoocheanda fuga Israeli aba hijagi sibanga, was fih bughalaji ang'wan, ak gwayeesha, “Gaydawa dang'uchi Ramot-gileyadi ghana jea danung'waada?” Hean gwayeesha sibanga, “Ng'eada una; aba gideaba NG'UTAMIIDA gayghwayiin geatinga sugoocheanda.”

AYUBU 31:5

“Gideaba ghaabeawi jeeda ng'asheega munyas, nea geeshteanyu ea nifachsa ng'uyeega;

GHWASIILDEANGA 25:14

Gawuurji shamooghuutka ea jeameeda manda roopta, ea giduurji siida ghwara geaw giimuusta ng'uyeega.

ISAYA 28:7

Ak suh ea niidiiy aba difaayi, ak ea nirooda aba booktuumeeda; ashoohoocheanda ea sibaneeda niidiiy aba booktuumeeda niibita jeeda difaayi, ak ea nirootiisa jeeda leeshooda, gidasiihiimsa nischoarda nea aba jeeda girgweageeda inyeesa ghwaramwasta.

ISAYA 9:15

Gweargweeda ea siida mureeda siida haw gil nea sibanga anaal ng'asheega ng'uyeega ea shoomng'eanda gil.

YEREMIYA 14:14

Hean gwayeeshiinean NG'UTAMIIDA: “Sibanga gwarukwiida ng'asheega ng'uyeega aba gheawungeasu; Aniini miideajeakta saawa, ghana darukusa gil, ghana deabalool. Inyeesa ghwaramoar giirgweatka ng'uyeega aba heedeang'wa, ea giirgweatka marachi gil, nea inyeesa gang'asa geat ng'uyeega.

YEREMIYA 23:14

Nea aba jeeda sibanga Yerusalemu ea naadaayi ng'asheanda nung' ghahamng'eanyi buuneeda inyeesa gamealuuli nea gwanaba ng'uyeega; inyeesa ghaweat fuga sina ng'asheega munyas, nea manda dea jea ghwayamwa geaw jeeda munyinda; aba giteena saawa niwuurji fuga Sodoma aba heedeanyu, nea fuga mida hoowa ea niwuurji Gomora.”

YEREMIYA 23:17

Inyeesa gwayeeniisa galeagasean fuga fool ng'asheanda NG'UTAMIIDA, ‘Agooga gajabeaha seayu’; ea heeda gilinyoo ghwaduup gida nyaah gurooroadaanyi aba gidaghoosta, ‘Manda gil muy jea ghwanyaseagwa.’”

YEREMIYA 23:25

Naayiinyi gidarukwiida sibanga was gea ramoorani ng'uyeega aba gheawungeasu, nea gwayeena, ‘Nearamoorani, nearamoorani!’

YEREMIYA 23:32

Ng'ula geafuurjeewi fuga ramoorani ng'uyeega, gwarugu NG'UTAMIIDA, ak gwarukwiida nea ghwanung' ghwaschoarda fugeasu aba ng'uyeega nyaawa nea maduupa, nea ea meajeaktani ghana danung' gwasin; saawa hean marachi gil aba heeda fugeasu, gwarugu NG'UTAMIIDA.

YEREMIYA 28:15

Ng'ata gwayeesha Yeremiya sibaneeda siguura Hananiya, “Aleaydiit, Ea Hananiya, ang'iing'i miigoojeakneey NG'UTAMIIDA, nea ea ninung' ghamwas fiisu ng'uyeega.

YEREMIYA 5:31

sibanga niramoar ng'uyeega, nea ashoohoodiga gagadiiy nea ghwaat naweadinga nyaawa; nea fugeasu ghabwariiy gwasunu ng'asheesu, ak gajasina naaha iihidu mudeanoodeaba ng'asheesu?

HEAREEGA 2:14

Sibangaagu nidaah gisiihiimsa aba badaydaang'u bea ng'uyeega ea gea mwadaagha; ak ea miyeetaajiit ng'asheagaagu munyas ak geeteelnaneey ghealoonigaagu, ak geadaah ng'asheega munyas bea ng'uyeega jea gahuteawi buuneeda.

ESEKIELI 13:22

Aba gideaba agooga noanung' ghwanyareas guroorooda siida doabiiwaat aba ng'uyeega. Nea aniini ea mii danung' ghang'ut gurmeahiida ak ghana goomajeekchi geatinga siida muy ak ea mwayamwa geaw nea mwanung'waada naweadingaaschi munyas ak ghoaghu eaweagaaschi.

HOSEYA 7:14

Ak ea mii gooyeawusean aba gurooruunatka nyaawa, inyeesa ghoaniikgh aba iheenga bulaleenga nyaawa, dealeeysiit musiischooda nyaawa bea booga nea ea nijaktaneani.

MIKA 3:11

Fugaaschi hees gwasin girgweageeda aba gideaba ghwanyas seawshooda, ashoohoodigaaschi goonealshi aba gideaba ghwanyas gidageatinda, nea sibangaaschi gwaramooran ghwanyas lapiya; ak eara aba sareani gayghaghus NG'UTAMIIDA nea geeyi, “Neada NG'UTAMIIDA ea manda bugusteanya? Manda gidamuy jea gwahisseasa.”

MIKA 3:5

Ak gwayi NG'UTAMIIDA aba badahuuka sibanga nung' goodiiy fugeasu, ayeawda nea gagasa “Hoyyoo” iinyo gwandeawa gichea ghwaak, nea siida was sean mwayiina ghuusiga nyaawa gil abeeda gaygang'uchi.

Ruumi 16:18

Aba gideaba fuga sina ng'asheesu magadiyeesiina Ng'utamiideanya was Gristo, saawa gagadiiyeesa jeesinga nyaawa, nea gaba geat aba ng'asheega nyaawa bea ng'uyeega iissa gwareengani gurooruunatka fuga manang'i fughareani.

Filippi 3:19

Mudeanoodeaba fiisu nyariida gil, ak aseeta nyaawa ea jeeda gil, ak ng'asheega aghaambiida geat ea gea baspaseega gil, mideawa fughareenga ng'asheega ng'eanyiida.

1 Yohaana 4:1

Fuga aabwariinyi, adoamwaschi giliwas guroorooda, iissa ghoonyo asima gurooruunatsu ak ghoadaayi ea gaba ASEETA; aba gideaba nihidu jeeda ng'eanyiida sibanga saang'a bea ng'uyeega.