MIKA 1:7 - Bibliyeeda Ghaydit

⁷ Haleanjeadaanyi sean was sanaamu gajeenyarjeaweada, nea gidageatindaanyi sean gajeaghwarda aba beasta, nea haleanjeadaanyi sean was sanaamu gaydanung' ghwanyas salgheang'da aba gideaba ghoawaam gidageatinda aba hiseadayda, ak gaygabiiksa gidageatinda ghoah dea hiseadayda.

MIKA 1:7 Mawu Ofanana

2 DAMANYOOJIGA 31:1

Iidu nea niduulean ng'asheesu, fuga sean bea Israeli eawoojisu mida hoowa gwarita gaweay jeeda mujiinajeega Yuda ak gwahiirjeawi daranajeega ak gwalalaksa ng'eanyi sanaamajeega siguura Asherimu ak gwanyarjeawi heetiyeada ea heeda wagiida aba ng'eanyoojiga sean bea Yuda, ea Benjamini, ea Efraimu, ea Manase, bwak ea gwanyarjeawi sean. Hean gabiikta jeeda mujiinajeega nyaawa fuga sean bea Israeli, gaba siisi weah gheanyi.

ISAYA 2:18

Nea sanaamajeega gaygwarooda.

ISAYA 23:17

Iing'ata gweanyeew laadam ea damanamughuush, abeeda gayghwaaga NG'UTAMIIDA ghoorjooda ng'eanyiida Diro, ak gaygabiiksa hiseadayeanduumeadaanyi aba darooraka sean bea ng'eanyiida.

ISAYA 27:9

Asi giidiinyeanda Yakobo gajeesamsa, nea ea haghweega majeekcheewi gil bea geandeayda riing'eadaanyi, damanda sina lagheanga sean bea heeda wagiida, gawuurji roonghooda lagheanga sigul ghoah basanga, ak ea maygwanda Asherimu ghana heeda wagiida ng'andit jea ghoabit nea ghamiinaada.

ESEKIELI 6:6

Hiji nyooh oopiidana sean gajeenyarja mujiineedeang'wa nea heetiyeada gayghoah raghoonyeanda, nea eara heedeang'wa bea wagiida gajeenyarja ak ghoah raghoonyeanda ak sanaamajeegeagwa gajeenyarjeaweada ea goosha. Nea eara sanaamajeegeagwa gajealajaada, ak gadiyoojigeagwa gajealas uhuuda.

HOSEYA 2:12

Ak gaydadatas sabiibajeagaaschi ea shaboogheetaanyi nea gwayi, ‘Mii gida geatindeanyu gil ghayi goonan ng'wasangeasu.’ Ak gaydanung' ghoah dareabeeta ak gayghwaak diyeanga jarooda.

HOSEYA 2:14

“Asi ng'ula, gaydasapsap, ea daat jeeda dareapcheeda, ak gaydeabalool ng'asheega jea goohoosan gurooroadaanyi.

HOSEYA 2:5

Aba gideaba nihiseada gheamata nyaawa, ninyeeda jiilu saawa nisin ng'asheega baspaseega. Aba gideaba gwayi, ‘Gaydeadeayi ng'wasangeasu goonean hamiteanyu ea beegeasu ea hang'deanyu durumwana ea dea bumbuni, ea nagheedeanyu ea difaayeedeanyu.’

HOSEYA 8:5

Neajakti meaydaang'u, Ea Samariya Nyarasteanyu niyeesa badahuuka nyaawa. Gaygageanu eawooji hada iijea gwayi bwak ea ghamiyaasiit

HOSEYA 8:6

ak eara aba jeeda Israeli? ea mii ASEETA gil. Meayda Samariya gajeenyarjeaweada.

YOELI 3:3

Ak gwalaja fugeasu aba guura, ak ghoadaw orjeeda gatmooda hiseada, ak ghwashaayda huda aba difaayi, ak ghwali.

NG'ASHEEGA LAWI 26:30

Ak gaydanyarjeaweada ghoorajeegeagwa oobateewean mida heetiyeada, ak gaydabwaay heedeang'wa bea wagiida abiita geediga ng'andidi, ak geahisi muscheekeagwa badahuuka muscheeka haleanjeedeang'wa mawoosa aseecheeka; ak gayghwasteagwa gurooroodeanyu.

GIIPKEATA DIIGHEANDA 23:18

Adiyeadu haleanjeeda nyas siida hiseada, ghana gidasiitaw gudeeda gadiiyi ak giyeadu jeeda gheeda NG'UTAMIIDA was ASEATAANG'U aba gidawas radanyeanda wassean; aba gideaba ng'asheesu duwaawiin ea munyas aba heeda NG'UTAMIIDA was ASEATAANG'U.

GIIPKEATA DIIGHEANDA 9:21

Ng'ata gageanu gida was riing'eedeang'wa, meayda oosisi geat, hean ghaaghwardi aba beasta ng'ata geagulji ak ghaang'aali ea gabumbuniit ea gawuurji birjeanda; hit geajaksi birjeandaanyi jeeda eenda rarang'aana giijeeda.

Giidaheechta 18:3

aba gideaba eemoojiga sean nili difaayeeda ng'asheagaaschi munyas gaseadayi, ak eara sugoodiga ng'eanyiida nihiseada sea niny, nea fuga ageakshi bea ng'eanyiida ea ninyas meanang'oocheanduumeeda aba uurda hiseadayeanduumeadaanyi.”

Giidaheechta 18:9

Nea sugoodiga ng'eanyiida, hiseada abeeda gwahiseada sea niny, gaygooyeawda nea gagutu heareega aba badaydeaba niny iidaah aroosta beasta sighwardaawa niny;

1 SAMWELI 5:4

Ng'ata nea ghang'eatng'eat sakteayda eaweeda niirja, ging'ulayi, niibeada Dagoni nea ghabwada jih ng'eanyi aba badayda sigeeda aba madeeda sandakwajeanda neajeeda bea NG'UTAMIIDA, nea uhuuda Dagoni ea geatingaaschi sean gwalil aba ng'eanyi nea silajaada aba gidaghuuta; ak geapuut mughuushnata Dagoni.