MIKA 1:5 - Bibliyeeda Ghaydit

⁵ Suh seaniin gweagu giidiiyda Yakobo ea riing'eega gheeh Israeli. Giidiinyeanda Yakobo naaha? Neada ea mii Samariyahi? Ak riing'eega gheeh Yuda ea naaha? Neada ea mii Yerusalemu?

MIKA 1:5 Mawu Ofanana

1 SUGOODIGA 11:7

Ng'ata gwadeeksa Sulemani Gemoshi heeda geaw was munyinda aba heeda eemeeda Moabu, ea Moleki was munyinda aba heeda eemeeda Amoni, aba uhuuda giijeeda was gayeewda Yerusalemu.

1 SUGOODIGA 13:32

Nea ng'asheega ghayi ayeawda bea NG'UTAMIIDA deaschi heeda wagiida aba Beteli, nea gwadeaschi gealga mida deageaw mida jeeda mujiinajeega Samariya, aba huumwa gaygang'atiida.”

1 SUGOODIGA 16:24

Ghwasha heayeeda Samariya aba heeda Shemeri aba dalaantaji iyeenya bea lapiya; ak ghwajap heayeeda, ak gaguura gheawunga mujiineeda haw deas, Samariya, aba badayda gheawunga Shemeri was siida bea heayeeda.

2 DAMANYOOJIGA 34:3

Gweaydeaba sis bea gheambalmeadaanyi, nea ea gudea baleanda, hean ghoang'eat gagaseada ASEETA Dawdi was ghwaan, ak aba gweaydeaba damaniyeenya hean ghoang'eat ghwalalakta heetiyeada aba Yuda ea Yerusalemu, ea Asherimu, ea sanaamajeega sisna gearinda ea beasta.

2 DAMANYOOJIGA 34:4

Hean gwanyarjeaweada heeda wagiida bea Baali aba madeadaanyi, ak gwalalaksa ng'eanyi heeda wagiida siyiina geediga ng'andidi mida diyeadayda nyaawa, ak ghwalajaada ghoah banajanga Asherimu ea sanaamajeega sisna gearinda ea beasta, ak ghwanung' ghoah birjeanda ak goohisa badahuuka bung'eadinga fuga siitaw lukghumajeega.

ISAYA 7:9

Ak Efraimu goombal Samariya, nea Samariya goombal orjeeda Remaliya. Inyas ea moamwasi, aba huumwa mwajanyasa majeeknata.’”

YEREMIYA 2:17

Ng'asheesu noanung' goobisseegwa aba gideaba ghoanung'waadi NG'UTAMIIDA was ASEETEANG'WA, damanda ghayi adoabiiweagwa aba naweeda?

YEREMIYA 2:19

Asi ang'iing'i gaygabiikseey munyindaang'u, nea ng'ooweataang'u gayghwaaknyi, Nala ak gidaahi gideaba eamuy ak ea ng'waan, asi nala ak gidaahi gideaba nih ng'asheanda muy muuchi mideawa ng'weaniidooda; aba gideaba ninung'usi heeda NG'UTAMIIDA, was Ng'utamiida bea lugweega.

YEREMIYA 23:13

Aba heeda sibanga Samariya naadaayi ng'asheanda muy; inyeesa gwaramooran aba gheawunga Baali ak ghwanung' ghwaschoarda fugeasu bea Israeli.

YEREMIYA 23:14

Nea aba jeeda sibanga Yerusalemu ea naadaayi ng'asheanda nung' ghahamng'eanyi buuneeda inyeesa gamealuuli nea gwanaba ng'uyeega; inyeesa ghaweat fuga sina ng'asheega munyas, nea manda dea jea ghwayamwa geaw jeeda munyinda; aba giteena saawa niwuurji fuga Sodoma aba heedeanyu, nea fuga mida hoowa ea niwuurji Gomora.”

YEREMIYA 4:18

Naweadingaagu ea ng'asheagaagu niihaaknyi ng'asheesu. Nih nyariidaang'u gil nea ea ng'waan; Niny bwak ea gwasawan gurooroadaang'u.”

YEREMIYA 5:25

Munyasnacheekeagwa niisheagiit haleanjeeni seaniin, nea riing'eegeagwa ea ning'amwa miyinda heedeang'wa.

YEREMIYA 6:19

Aleaydiit, Ea ng'eanyiida; ng'ula gaydeadu nyariida badaydeaba fiisu, ghoah haghweega sinaweega nyaawa, aba gideaba miigooleeysiita ng'asheegeasu; nea nijakta eara diigheanyeekeasu.

HEAREEGA 5:16

Shiipka niibit aba iheengaasa; eeshageada, aba gideaba sisinyi riing'eeda!

ESEKIELI 16:46

Huda geamadu haw Samariya gil, sea haweagaaschi gwanda meatkweadaang'u bea wiilooda ng'eanyiida ghayeawa. Nea huda geamadu mwanang' Sodoma gil, sea haweagaaschi gwanda meatkweadaang'u bea wiilooda ng'eanyiida biyeara.

HOSEYA 7:1

Damanda eagasayi dahaabwa fugeasu was Israeli, geanung' ghwadaajiit munyinda Efraimu, ea munyasnacheeka ng'asheega sina Samariya. Aba gideaba iissa gwareengani fih; mareanghweanda gwanyarja, nea fuga areetiida haleanjeeda iissa ghoareat haleanjeeda aba naweeda.

AMOSI 6:1

“Dashageada gea miyeeni aba Sayuni, ea giika abiitpiit aba uhuuda giijeeda Samariya nea gaba seayuun, fuga siiwal gheang'da bea eemoojiga madeeda, inyeesa gaweesa fuga Israeli!

AMOSI 7:9

nea heeda meaji gwadiyeada bea Isaka gayghwanyas salgheang'da, ak heeda ghaydit bea Israeli gajeadatas, ak gaydang'eat dang'uchi gheeh Yeroboamu aba ng'uta.”

AMOSI 8:14

Ea giika ak habeawooda Ashimayda Samariya, nea geeyi, ‘Aba gidabiideata ASEATAANG'U, Ea Dani,’ ea ‘gidabiideata naweeda Beer-sheba,’ gaygoobeedeay, ak ea maygudu gabiikta gicha ghang'eatng'eat.”

MIKA 1:13

Rasiina Faraasajeega mutukwajeega, fuga abiita Lakishi; oowooschi fuga ghayi ang'eat riing'eeda aba hudeaba Sayuni, aba gideaba headaang'u nidaajiit giidiinyeanyeeka fuga Israeli.