MIKA 1:4 - Bibliyeeda Ghaydit

⁴ Ak giijeega gaygwanyara aba hing'eadaydaanyi nea moangoachihajeega gajeabwaashaada, gawuurji mughoondooda mida madeeda beasta, gawuurji beega weay nea gagal burgadeeda.

MIKA 1:4 Mawu Ofanana

NYIIGHEEGA 46:6

Eemoojiga geanung' ghabeal, nea geetuumduum darooraka; ak ghwanya ghuutaanyi, ak ghwanyar ng'eanyiida.

NYIIGHEEGA 68:2

Gawuurji gidasiguutiideayda aroosta, nih gida ighuutaaydi saawa; gawuurji gidanyariida hideeda aba madeeda beasta, nih gida jea gooshealda fuga munyas aba madeeda ASEETA!

NYIIGHEEGA 97:5

Ak ghwanyarda giijeega hideeda aba madeeda NG'UTAMIIDA, aba madeeda NG'UTAMIIDA ng'eanyiisean.

AMOSI 9:5

Ng'utamiida, was ASEETA bea lugweega, dea inyas ghwasat ng'eanyiida ak ghwanyari, ak gagiisan fuga sean mida jeeda, ak ghang'eat sean gawuurji Nayli, nea ghoashoay gicha gawuurji Nayleeda Misri;

NAHUMU 1:5

Giijeega iissa ghaboadan aba madeadaanyi, nea gwanyara heayeeniga; ak geegatkat ng'eanyiida aba madeadaanyi, ng'eanyiida ea haleanjeeda sean mida jeeda.

HABAKUKI 3:10

Giijeega ghwadaanyi, ak ghaboadan; ak ghwahidu roopta ng'waan; ak goojuur beega mida uuta ng'eanyiida, nea gwadiyeada laweajajeagaaschi gagal humng'eeda.

HABAKUKI 3:6

Ak ghamiinaada ak goodeen ng'eanyiida; ghoang'wearda ak gooduumduum eemoojiga; nea giijeega manda muudeanooda geataarda, heayeeniga manda muudeanooda ghwararasa ea gawa ng'eanyi. Naweadingaaschi gawuurji gea ghayi bea garayi.

SAKARIYA 14:4

Eaweedida abeeda geeshangaaschi gayghamiinaada aba uhuuda giijeeda saytuunajeega. Mida madeeda Yerusalemu bea meatkweeda ghayeawa, ak giijeeda saytuunajeega gayghabwaasha bugusta nibiyeenya. Ghang'eada heeda ghayeawa ea gagul heeda biyeara, ak gaygwanda hoowa moangoachiyda haw muuchi. Ak meatkweenagi bea giijeeda gayghang'eat gagal wiilooda ng'eanyiida ghayeawa, nea meatkweeda niirja gagal wiilooda ng'eanyiida biyeara.

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaanyi gamng'aw ng'eanyiida ea humng'eeda, ak ea meadaaha heeda jea goobiida.

FUGA LAJA GIRGWEAGUUTKA 5:4

“Ea NG'UTAMIIDA, damanda iriteawi Seiri, Damanda ibeawi ng'ucheeda ak ging'eadi aba jeeda ng'eanyiida Edomu, Gwaduumduum ng'eanyiida ak ghwahiing'aan humng'eeda nea shamooghuutka goorareang'u beega.