MIKA 1:3 - Bibliyeeda Ghaydit

³ Aba gideaba ng'ula, NG'UTAMIIDA ghwahidu nea gwaleabu heeda abiita, ak gayghwararang'aan ak gooleapsa ng'eanyi heeda was heayeeniga mida jeeda ng'eanyiida.

MIKA 1:3 Mawu Ofanana

AYUBU 40:12

Ng'ula, gilinyoo gwandeawa ghwarjeeda giihiing'u nea giilaabi fuga munyas aba hiji midean.

NYIIGHEEGA 115:3

ASEETEANYA gwanda humng'eeda; iissa gwasin gida wasean gasa.

ISAYA 25:10

Aba gideaba geatinda NG'UTAMIIDA gaygoobiida uhuudeaba giijeeni, nea fuga Moabu gajeeleapsa ng'eanyi aba hoowa midean, gawuurji gidasiilaapta nyeega gajeami aba jeeda shoomanda sururuuda.

ISAYA 26:21

Aba gideaba, ng'ula, NG'UTAMIIDA ghwahidu nea gwaleabu humng'eeda heeda abiita, ghwahidu ghwalas uhuuda fuga badayda ng'eanyiida aba riing'eega nyaawa, ak ng'eanyiida ea maygut ghafuy fuga ghayi sibwar, ak gayghoahiimu foojeanyeeka sean ghayi sibwar.

ESEKIELI 3:12

Ng'ata gagatgadan Guroorooda googealan humng'eeda, hean nea gwascheeng'u giigheambiita NG'UTAMIIDA aba heeda abiita, ghaayiinyi nyeashta uurji dea sawooda ng'eanyiida aba badaydeanyu;

AMOSI 4:13

Aba gideaba NG'UTAMIIDA deaghayi sin giijeega gil, ak gwasin jeameeda, ak gwarukusa siida gida ateemsheata; ak ghwanung' gamisaniit ng'eanyiida sakteayda, ak ghwala badayda ng'eanyiida heeda geawiit– NG'UTAMIIDA, was ASEETA bea lugooda gheawungaaschi.

AMOSI 9:5

Ng'utamiida, was ASEETA bea lugweega, dea inyas ghwasat ng'eanyiida ak ghwanyari, ak gagiisan fuga sean mida jeeda, ak ghang'eat sean gawuurji Nayli, nea ghoashoay gicha gawuurji Nayleeda Misri;

HABAKUKI 3:19

ASEETA, was NG'UTAMIIDA, niny uurdeanyu; ak ghwanung' gawuurji geeshangeasu gea mayeanda, ak ghwanung' damiinaada aba heedeanyu diyeada.

SAKARIYA 14:4

Eaweedida abeeda geeshangaaschi gayghamiinaada aba uhuuda giijeeda saytuunajeega. Mida madeeda Yerusalemu bea meatkweeda ghayeawa, ak giijeeda saytuunajeega gayghabwaasha bugusta nibiyeenya. Ghang'eada heeda ghayeawa ea gagul heeda biyeara, ak gaygwanda hoowa moangoachiyda haw muuchi. Ak meatkweenagi bea giijeeda gayghang'eat gagal wiilooda ng'eanyiida ghayeawa, nea meatkweeda niirja gagal wiilooda ng'eanyiida biyeara.

GIIPKEATA DIIGHEANDA 32:13

goodiing'da niny heeda geaw bea badayda ng'eanyiida, ak ghwaak hamita madameega, ak ghwanung' gwareer maleeda leabu jeeda lagheaneeda haw, ea nagheeda leabu jeeda harearacheanda.

GIIPKEATA DIIGHEANDA 33:29

Ng'wanaweagaagu, Ea Israeli! Dea uurjeewaneey ng'eaha, fuga lealu NG'UTAMIIDA, was igeamboadaang'u weanyi, ea ng'uta giigheambiitaang'u! Weajoodigaagu gayghapka nea ghoawal gheang'daang'u, ak gajaleapsiina ng'eanyi heanyaawa mida humng'eeda.”