MIKA 1:16 - Bibliyeeda Ghaydit

¹⁶ Sisiina geaw mearumeeda nea gireaghwi buudeagaagu, aba badayda diibiga ahoosanyi; sisiina geaw mearumeeda uurji dea soombiida, aba gideaba gayghabeawa headaang'u diibigaagu ak gaweay soomjeandumeeda.

MIKA 1:16 Mawu Ofanana

2 SUGOODIGA 17:6

Gweaydeaba shageash bea sugoocheanduumeeda Hosheya. Hean ghoang'waay sugoocheanda Ashuru Samariya, ak goobaleak fuga Israeli ea ghwahita Ashuru ak ghamwanya Hala ea Habori, neekeewa eenda Gosani, bea mujiineeda eemeeda Meedi.

AYUBU 1:20

Hean ghang'eat Ayubu ak ghabwaashaada hang'weakaaschi ak ghwareakgh uhuudaanyi, ak goobeedeaysa ng'eanyi ak ghamwaash ASEETA.

ISAYA 15:2

Fuga Diboni ghwascheang'da gaweay gheeda sibata ASEETA goonyahuushi; nea fuga Moabu gooyeawda aba badayda Nebo ea Medeba ak ea nireakghu sean buudeega nyaawa, nea eara deamuuka nyaawa nilajaada;

ISAYA 22:12

Eaweedida NG'UTAMIIDA was ASEETA lugweega gaygaguursa buuneeda gooyeawda nea goonyahuushi, nea gwalootu buudeega nyaawa nea gookwa guniyajeega.

YEREMIYA 16:6

Nea gaygooshealsa hiji fuga hees ea gea manang'i; ak ea majeebuy, nea manda siichea gagutu heareega aba badahuuka nyaawa, ghana gwareekushi, ghana ghwalajaada geaw aba badahuuka nyaawa.

YEREMIYA 4:8

Asi aba ng'asheanji ookweala hang'weaka beareadi, ak googutu heareega nea gooyeawdi; aba gideaba nyarasta ng'waan bea NG'UTAMIIDA miighang'amwa heedeanya.”

YEREMIYA 47:5

Fuga Gaasa nireakghu iheenga gamearniidi nea gooyeawda, mujiineeda Ashkeloni sinyarja. Fuga Anakimu, oaghuyi, gajalajaada geat ea ghoah eeju aba giiseaneega?

YEREMIYA 6:26

Ea hudeaba fugeasu, akweala beareadanga, ak giyeashti deareeda; agutuuni heareega ng'weani awuurjeewana siida ayeawdi jeaptaanyi asagi, aba gideaba gayghwahidu weajoocheanda gwashameasa.

YEREMIYA 7:29

Areaghwa iheengeagwa ak ghoaraghwachi; agutuuni heareega aba iheenga heayeeniga gajeami, aba gideaba NG'UTAMIIDA nisideegwa nea nijaktaneegwa seaygeeda oowooschi fuga anyareas niny.’

HEAREEGA 2:19

Ng'eada, eawa ak giiyeawdi, aba giing'eeta ghuuta giing'weernooda! Ahiida gurooroadaang'u gawuurji beega aba madeeda Ng'utamiida! Ak gimiindi geatingaagu ageala headaanyi aba eaweega diibigaagu, ahiili aba jalooda aba iheenga naweedinga.

AMOSI 7:11

Aba gideaba gwayi Amosi, ‘Yeroboamu gayghami aba ng'uta, ak fuga Israeli gaygaweay soomjeandumeeda ghwanung'wa heeda ng'eanyiida nyaawa.’”

AMOSI 7:17

Aba gideaba gwayi NG'UTAMIIDA: ‘Gatmoadaang'u gaygwahiseada aba jeeda mujiini, nea orjoagaagu ea haweagaagu gayghoabeada aba ng'uta, ak ng'eanyiidaang'u gajeelaja aba mareamarooda; nea ang'iing'i gaymeewsiina ng'eanyiida ririnnyeanda, ak fuga Israeli gajeesheagiida ng'eanyiidaanyi eayaat soomjeandumeeda.’”

AMOSI 8:10

Ak gaydayam ghweelmoojigeagwa ghoah giiseaneega, nea sarmoojigeagwa sean ghoah heareega; ak gaydayiin mananuunatka sean hang'weaka guniyajeega, nea gaba uhuuni mideawa mearumeeda; ak gaydanung' gawuurji giiseaneega bea orjeeda sighus, ak huuydeandaanyi eaweecheanji gajea ng'waan.

GIIPKEATA DIIGHEANDA 28:41

Gayjiila diibiga orjooga ea haweega, nea ea mayghoah gaagu, aba gideaba gaygaweay ghoah soomjooga.