MIKA 1:13 - Bibliyeeda Ghaydit

¹³ Rasiina Faraasajeega mutukwajeega, fuga abiita Lakishi; oowooschi fuga ghayi ang'eat riing'eeda aba hudeaba Sayuni, aba gideaba headaang'u nidaajiit giidiinyeanyeeka fuga Israeli.

MIKA 1:13 Mawu Ofanana

GIING'EETA 19:17

Iidu nea niiruudu, gwayeesha, “Amng'eawa eaweagaagu; adisachsi ghaat bwadaw ghana miinaada aba heeda wassean aba mooheeda; mang'awsiina heayeeniga, ea mimeawi.”

1 SUGOODIGA 14:16

Nea gaygooruutu fuga Israeli aba ng'asheega riing'eeda Yeroboamu, ghayi sin ea gea nung' gwasin fuga Israeli.”

1 SUGOODIGA 16:31

Nea gawuurji gil asas aba headaanyi eadita geeshta riing'eeda Yeroboamuheeda was orjeeda Nebati, ghaghi huda siguura Yesebeli was hudeaba Etibaali was sugoocheanda Sidoni, gawa ak gagadiiyeesa Baali ak ghabwat.

1 SUGOODIGA 4:28

Eara ngaano ea mbarariida geataw faraasajeega ea diyeanga ng'weani ak geeyeadu heeda doobiiwsa gilinyoo ea siida gil ea gadiyeadaanyi.

2 SUGOODIGA 14:19

Hean geamwaal gichea eenuusta niny aba Yerusalemu, hean jeeng'u gamng'aw ea ghwahita ng'eanyiida Lakishi, ng'ata geecheakta buuneeda eayaat geeshta ea eahita Lakishi ak geenuus aba hoowa.

2 SUGOODIGA 18:17

Iidu goojeakta sugoocheanda Ashuru shirikarajeanda haw ea siida haw ambal fuga sigul, ea shirikarajeanda haw ambal lugooda, ea lugoosaang'a. Ak ghang'eada Lakishi ak gaweay ea ghwahita Yerusalemu heeda Hesekiya was sugoocheanda. Hean geascheang'da ea eahita Yerusalemu. Nea geahita, geeweay ak geamiinaada nea neekeewa dabascheanda beega, mida naweeda bareanda gal heeda siihuuna hang'weaka.

2 SUGOODIGA 8:18

Hean gwasik naweeda sugoodiga Israeli, gawuurji gidasinda gheeh Ahabu. Aba gideaba ghaghi hudeaba Ahabu, ak gwasin gea munyas aba madeeda NG'UTAMIIDA.

2 DAMANYOOJIGA 11:9

ea Adoraimu, ea Lakishi, ea Aseka,

2 DAMANYOOJIGA 32:9

Iidu nea ning'ata ng'asheesu Senakeribeeda was sugoocheanda Ashuru, nea ea gudu ghwanaaw Lakishi sea shirikarajeagaaschi, goojeakta fugaaschi bea gadiyeeda Yerusalemu heeda Hesekiya was sugoocheanda Yuda ea heeda fuga sean mida Yerusalemu, ak gwayeesha,

AYUBU 39:10

Gajamuusa rada muweasta gawuurji gili bwar ng'eanyi, ghana gagis mageemng'eanda sibariida?

RITEAYDA 32:21

Ghwalamda Musa ak gwayeesha Haruni, “Fiisu gwasimaneey naaha ea eani riing'eeda haw deenu badahuuka nyaawa?”

ISAYA 10:31

Fuga Madmena gamng'aw, nea fuga Gebimu gwasalda ghoaghu eaweega nyaawa.

ISAYA 36:2

Hean goojeakta sugoocheanda Ashuru shirikarajeanda haw, ghang'eada Lakishi ea ghwahita Yerusalemu, heeda Hesekiya nea goodeayi lugooda saang'a. Ak ghamiinaada aba ghuuta mapariida dabascheanda mida heeda diyeada, mida ghuuta naweeda bareanda gal heeda siihuuniisa hang'weaka.

ISAYA 37:8

Hean nea gabiikta shirikarajeandida hawiin, ghwahita nea gang'uchi sugoocheanda Ashuru sea mujiineeda Libina, aba gideaba abeeda niyiiy gideaba sugoocheanda ninung'wa heeda Lakishi.

YEREMIYA 3:8

Hean nea ghwadaah ng'asheega sean bea hiseadayeanduumeedeaba diita mandeawana masaweegean, Israeli neasiksi gawa sing'adayi; nea huda ghaamwat bea ng'uyeega ea mabeala, ak gawa ak gwahiseada eara niny.

YEREMIYA 34:7

Damandida ghayi ng'ucheewa lugooda Babeli ea Yerusalemu ea mujiinajeega sean bea Yuda abit ea Lakishi, ea Aseka, aba gideaba mujiinajeega abit suh gil gabeachi, aba mujiinajeega Yuda mideawa hilooga majeekcheewi.

YEREMIYA 4:29

Aba giijuureanda fuga ding'iida faraasajeega ea fuga ghuweanga gaygaba mujiineani mang'aw; gaygwasalsa jeeda dareabeeta ea jeeda gwaleadinga; mujiinajeega sing'amwa jeeda, manda siida abiita jeeda.

ESEKIELI 23:11

“Hean ghwadaah huda ghaamwat siguura Oholiba ng'asheesu, ak gamunyiit muuchi ea ghang'al niny, aba ng'asheagaaschi bwariiy ea hiseadayeanduumeadaanyi haw ea ghang'al hiseadayeanduumeeda huda ghaamwat.

MIKA 1:5

Suh seaniin gweagu giidiiyda Yakobo ea riing'eega gheeh Israeli. Giidiinyeanda Yakobo naaha? Neada ea mii Samariyahi? Ak riing'eega gheeh Yuda ea naaha? Neada ea mii Yerusalemu?

YOSHUWA 10:3

Hean Adoni-sedeki was sugoocheanda Yerusalemu goojeaksa Hohamu, sugoocheanda Hebroni, ea Biramu sugoocheanda Yarmuti, ea Yafiya sugoocheanda Lakishi, ea Debiri sugoocheanda Egloni nea gwayeesha,

YOSHUWA 15:39

Lakishi, ea Boskati, ea Egloni,

Giidaheechta 2:14

Ak geandeawi ng'asheesu ng'ay aba badaydaang'u: gideaba gindeawi fiisu ng'ay aba hoowa aat geeshta giinealshooda Balaamu, niny ghayi ghoanaal Balaki ak gwaruusa orjooga Israeli ak ghwanung' ghwaak hamichoojiga siyaat lukghumajeega siitaw sanaamu ea biissa mealuuleega.

Giidaheechta 2:20

Ak geandeawi ng'ashaan aba badaydaang'u, bea gideaba ang'iing'i gimilikghti gatmoodida siguura Yesebeliin, guura geaw sibaneeda ak ghoareat soomjoogeasu ak ghoanaal mealuuleega nea ghwaak haleanjeeda siyaat lukghumajeega siitaw gidamawoosa ASEETEAN.