MIKA 1:11 - Bibliyeeda Ghaydit

¹¹ Ang'ata aweayeena agoogeeda was fuga Shafiri, aba baspaseega nea goowooschi dawiiri; fuga abiita Saanani adagwardu jarooda; shooka fuga Beteseli gaygageandeawa heedeang'wa heeda jea gamng'awsa.

MIKA 1:11 Mawu Ofanana

ISAYA 16:2

Fuga Moabu gaygawuurji dariidaka deawiit, ng'eat gagal hoowa ea hoowa, gawuurji dariidaka sihoana jeeda ghoorajeega nyaawa aba bunooda eenda Arnoni.

ISAYA 20:4

asi gayghwaadeagwa sugoocheanda Ashuru soomjeandumeeda, fuga Misri ea fuga Gushi fuga hees ea gea diibiga manang'i. Ak gaygaweay nea dawiiri nea mandeawana geeka, nea meekwa apoojiga nyaawa geebaysiina gideaba eapwaaspwaas Misri.

YEREMIYA 13:22

Ama inyas giyeeni aba gurooroadaang'u, ‘Ghwasaan anda ghwanyasan habitkweeni?’ Hean gweagu hawunda munyindaang'u hean ghoah gisijaada eaghwadaang'u nea gisinayi ng'ooweata.

YEREMIYA 48:6

Amng'awa! Oakghuuha geat! Asaldeayda digeeda jarooda aba dareapcheeda!

YEREMIYA 48:9

“Agurgursiina Moabu bung'eeda, ak abeeda gaygabay ghwanyar; nea mujiinajeagaaschi gayghoah raghoonyeanda, ak ea maygwanda jeeda sih.

ESEKIELI 16:37

Asi ng'ula gaydabwadageat ng'wasangaagu sean ibwariinyi ghayi ihoosani aba badayda nyaawa, ea gea ibwariinyi sean, ea fuga sean isti. Asaha gaydabwadageat aba badaydaang'u aba meadajeega sean, ak gaydaamwaalda dawiishnataang'u, ak geadaah dawiishnataang'u sean.

ESEKIELI 23:29

Ak gajeesineey ng'asheega aba nyarasta, nea gajeegeandeawaneey gadiyoojigaagu sean ak gajeenung'useey heeda nea guwoosi dawiish, maymideawana eaghwada ak baspaseega ng'asheagaagu bea hiseadayeanduumeeda gajeatahaach, hiseadayeanduumeadaang'u ea mealuuleagaagu.

MIKA 1:8

Aba badaydeaba ng'asheesu gaydagutu heareega nea geayeawdi, gaydawa nea neajakti eaghwada nea geawooschi dawiish; nea geayeawdeaydi fureayooda, ak geanyahuusheati shageerooda.

NAHUMU 3:5

Ng'ula, aniini Neanyareekseey, gwarugu NG'UTAMIIDA bea lugweega, ak gayghoamwaalda hanang'weendigeagwa ak ghwayiin gheamamuunatkeagwa; ak gaydanung' gang'ula eemoojiga dawiishnataang'u ak ghwadaah sugoodiga baspaseegaagu.

SAKARIYA 14:5

Ak agooga gajasalda nea ghoayaachi naweeda moangoachiyda giijeegeasu. Aba gideaba moangoachiydida bea giijeegean gayghwadarda ea ghwahita Aseli. Ak gajasaldeayda gidaghayi oosaldeaydi aba damanda sawooda ng'eanyiida, bea damanda Usiya was sugoocheanda Yuda. Ak gayghwahidu NG'UTAMIIDA was ASEETEANYU, gayghwahidu nea goodeana fuga ghaydidi sean.

YOSHUWA 15:37

Senani, ea Hadasha, ea Migdal-gadi,