Mattayo 9:6 - Bibliyeeda Ghaydit

⁶ Geagasayi anala gideaba, Orjeeda Siida gwandeawa gheambalmeeda aba badayda ng'eanyiida jea gwasamsiina riing'eega”; ak gwayeesha siidida abitu damealgean, “Ng'eada, sareana muundaang'u ak guwi ghoah.”

NEAJEEDA EESH BEA BUUNEESSEAN

⁶ Geagasayi anala gideaba, Balleanda Siida gwandeawa gheambalmeeda aba badayda ng'eanyiida jea gwasamsiina ring'eega;” ak gwayeeshsha siitta abittu damealgean, “Ng'eada, sareana muundaang'u ak guwi ghoah.”

Mattayo 9:6 Mawu Ofanana

ISAYA 43:25

“Asi aniini geawooschi ASEETA samiisa riing'eagaagu, ak geasinyi nih aba gideaba geabaysi nea geabwaageaw, ak ea maygudu daapkaat riing'eagaagu.

MIKA 7:18

ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.

Mattayo 4:24

Gageawiit iitaanyi aba ng'eanyiisean bea Shaamu, geeyeassa fuga sean miyeani, bearji heeluutka geeyoonung'weaka ea gea mideawa sawanaduutka, ea gea bearji meangeenda, ea gea ahiili, ea gea abitu damealga, ak ghoahaap.

Mattayo 8:20

Gwayeesha Yesu, “Fureayoonga gwandeawa shoomeanga, dariidaka gwandeawa ghoorajeega; nea Orjeeda Siida ea mandeawana heechea ghwayiin uhuudaanyi.”

Mattayo 9:2

Hean geeyeassa siida abitu damealga nea geeyeana badayda bulaliida, hean dea Yesu masaweega nyaawa, gwayeesha siidida abitu damealgean, “Nung' gahoosan gurooroadaang'u Orjeedeanyu; sisamsa riing'eagaagu.”

Mattayo 9:5

Ea wusis aneeda gideaba geeyi, ‘Sisamseey riing'eagaagu,’ ghana eeyi, ‘Ng'eada ak guwi?’

Mattayo 9:7

Ghang'eat siidida ak gawa gheanyi.

Marko 2:10

Asi geagasayi anala gideaba Orjeeda Siida gwandeawa Gheambalmeeda jea gwasamsiina buuneeda riing'eega aba ng'eanyiida”–ng'ata gwayeesha Yesu siidida bearji giibituunooda damealgean–

Marko 2:7

“Siisi gwarukuteaydaan ng'asheesu? Nih goong'eawi ASEETA! Ghanyea manda siisi ammu gwasamsa riing'eemba nuut, geaghus ASEETA ak ghwahit.”

Lukka 5:21

Goonyeari geat Farisaayajeega ea ng'oorshoodiga nea gwayeena, “Siisi ng'eaha ang'eawi ASEETEAN ghanyea manda siisi ammu gwasamsa riing'eeda geaghus ASEETA ak ghwahit.”

Yohaana 10:28

aniini iissa ghaadawji eaweega manda muudeanooda, ak eara saawa ghanyea maygwarooda earahay ea ghoah eaweega manda muudeanooda, nea ghanyea manda siida ammu gageandeawa geatindeanyu.

Yohaana 17:2

aba gideaba ghayi giidawi niny uurda aba badahuuka buuneassean ak abeeda ghoadaw eaweega manda muudeanooda fugiga sean ghayi iidawiin.

Yohaana 5:27

ak gabiissa ghoadaw gheambalmeeda jea goorgweaksiina buuneeda, aba gideaba niny Orjeeda Siida gil.

Yohaana 5:8

Gwayeesha Yesu niny, “Ng'eada, geanda muundaang'u ak guwi.”

Gadiyeeda Giijasoodiga 5:31

Nih deaghayi adiing'u ASEETA gil ak gawa geatindaanyi bea dugwa ak ghoah siida haw ea lealnoocheanda, ak ghwanung' gwaduukuuna fuga Israeli ak geesamsa riing'eega.

Gadiyeeda Giijasoodiga 9:34

Hean gwayeesha Betaro niny, “Aineya niihaapnyi Yesuheeda was Gristo; ng'eada mughuda muundaang'u.” Deagheata ghang'eat aba geeshangiga.

2 Goriinto 2:10

Siida wassean oosamsi, eara aniini gaydasamsa. Gidaneasamsi, ama deepa ea neasamsi gida wassean, nih gweagu badahuukeagwa aba madeeda Gristo,

2 Goriinto 5:20

Asi geewooschi fuga siicheakta bea Gristo, hean gamusiischooweasa ASEETA. Geemearmearaneegwa aba badayda Gristo, ootuupcheewana geat ASEETA.

Efeeso 4:32

asi awoosa inyeani jeesin aba heeda buuneeda suurja, bayiida buuneeda, samiisa geat, gawuurji gidasamsiindaneegwa ASEETA aba jeeda Gristo.

Golosaayi 3:13

daba siisi sar sareemba nuut, nea goosamiisi geat, iimida siida niidiiysa nuut, gawuurji gidaghayi samsiindaneegwa Ng'utamiida, ak gwasunu eara agooga asindunu.