Mattayo 8:8 - Bibliyeeda Ghaydit

⁸ Gwayeesha shirikarajeandida hawiin, “Ng'utamiida aniini mamiisean gideaba gaynyuunyi jeedeaba gheenyu; ang'iing'i rukuni ng'asheanda ak ghwahit, ak gayghahaap soomjeandeanyu.”

NEAJEEDA EESH BEA BUUNEESSEAN

⁸ Gwayeeshsha shirikkarajeandida hawiin, “Ng'uttamiida aniini mammisean gideaba gaynyuunyi jeedeaba gheenyu; ang'iing'i rukuni ng'asheanda akghwahit, ak gayghahaap soomjeandeanyu.

Mattayo 8:8 Mawu Ofanana

GIING'EETA 32:10

Mamiisean eara gilimwanang' aba alooheeda isinnean aniineeda was soomjeandaang'u, aba gideaba aniini ghaaghaawi Yordani nea ghaaghuschi bileangida; ak ghamneawa ea naang'achi niba iyeenya.

NYIIGHEEGA 10:17

Ea NG'UTAMIIDA, niyiinyi gidagasa fuga munyas; gajamajeega gurooruunatka nyaawa, ak gayghamwada iitaang'u.

NYIIGHEEGA 107:20

ak ghwanung' gawa ng'asheandaanyi, ak ghoahaap saawa, ak gwalealna saawa jeeda nyariida nyaawa.

NYIIGHEEGA 33:9

Aba gideaba niny ghayi gwarugu ak gwasa; ak ghwanya ghuuta ak gamajeegiit.

IITOODA 20:8

“Geani bileangida ak gibwadigeat eemeeda, ang'iing'i ea orjeeda geamadu was Haruni, ak giyeeshi lagheaneeda aba madeeda gheanyanga nyaawa gideaba aruuni beega; ak gajaruuni beega aba jeeda lagheaneeda aba badahuuka nyaawa; ak gajadawa fuga bwatgeat beega jea ghwali ea dugwa nyaawa.”

Mattayo 3:11

“Geabaatiisananeegwa beega aba duukuunooda, nea dea jea ghwaduupnaan geash gaburdeawean uurda, ak aniini ea mamiisean eara sareenda geakaaschi; niny gaygoobaatiisananeegwa Guroorooda Ghaydit ea beasta.

Mattayo 3:14

Hean gagasa Yohana ghaheawa nea gwayeesha, “Geagasayi aniini gideaba gajabaatiisan ak giwuni ang'iing'i heedeanyu?”

Mattayo 8:3

Ghoahaakta geadi ak ghawaasa nea gwayeesha, “Geagasayi; miini.” Deagheata ghahaabwa udamusuura.

Mattayo 8:7

Gwayeesha niny, “Gaydoan daahaap.”

Mattayo 8:9

Aba gideaba eara aniini geewooschi siida ghayi mida hing'eadayda gheambalmeeda, mida hing'eadaydeanyu shirikara, ama eayeeshi nih, ‘Una,’ gawa, ghana nih ‘Beeni,’ ghwaan, ak eara soomjeandeanyu iyeayeeshi ‘Sina gili,’ gwasin.”

Lukka 15:19

ak ea mamiisean gideaba gajeeguureewean baleandaang'u, nung' dawuurji fiisu was soomjoogeaba gheang'uun.”’

Lukka 15:21

Hean gwayeesha Orjeedida niny, ‘Bwaabwa aniini neadiiysi humng'eeda ea madeadaang'u, mamiisean gideaba gajeeguureewean orjeedang'u.’

Lukka 5:8

Daah Simon Betaro ng'asheanji, goobeedeaysa madeeda Yesu nea gwayeesha, “Ea Ng'utamiida, asiipteawana heedeanyu, aba gideaba geabea riing'a.”

Yohaana 1:27

siisi gaygamaseawnean, ak aniini ea mamiisean deatineada deanga geakaaschi.”