Mattayo 8:29 - Bibliyeeda Ghaydit

²⁹ Ng'ula Goojuur nea gwayeena, “Geendeayeesi naaha sea ang'iing'i, Ea Orjeeda ASEETA? Guwuni sawaneasa nea miighwahidu damandeanya?”

NEAJEEDA EESH BEA BUUNEESSEAN

²⁹ Ng'ulla Goojuur nea gwayeena, “Geendeayeesi naaha sea ang'iing'i, Ea Balleanda Aseetta? Guwuni sawaneasa nea miighwahidu damandeanya?”

Mattayo 8:29 Mawu Ofanana

2 SAMWELI 16:10

Hean ghwalamda sugoocheanda ak gwayeesha, “Neada geendeayeesi naaha sea ang'iing'i orjoagaagu Seruya? Niny iimwaashta aba gideaba nirukusa NG'UTAMIIDA gideaba, ‘Mwaashta Dawdi,’ jea iidu gwayi, ‘Ghwasaan inyas gisini ng'asheesu?’”

2 SAMWELI 19:22

Ghwalamda Dawdi ak gwayeesha, “Aniini gaydasimaneey naaha, agooga orjooga Seruya, bwak ea ahuwa weajoodigeasu askweareani? Neada gwanda siida wassean jea eenuus askweareani aba Israeli? Aba gideaba askweareani aniini neada ea mwaanali gideaba geawooschi sugoocheanda Israeli?”

1 SUGOODIGA 17:18

Hean gwayeesha Eliya, “Geendeayeesi naaha, Ea orjeeda siida ASEETA? Gihidu heedeanyu apkeanean riing'eedeanyu ak ginung' ghwahidu miyeeda orjeedeanyu!”

2 SUGOODIGA 3:13

Hean ghwalamda Elisha ak gwayeesha sugoocheanda Israeli, “Geendeayeesi naaha aniini ea ang'iing'i? Una heeda sibanga ghweanigaagu, ea sibanga geamadu.” Ghwalamda sugoocheanda Israeli ak gwayeesha, “Manda, masnu; aba gideaba niroonyi NG'UTAMIIDA sugoodi samwagu ak ghwayiin geatinga Moabu.”

2 DAMANYOOJIGA 35:21

Ng'ata goojeakta niny giijasoodiga heeda Yosiya, ak gwayeesha, “Gigasayi eesimana naaha geat, ea sugoocheanda Yuda? Aniini mwawuni dang'ucheeweeyi, askwearjeanji, aniini ghaawunyi dang'uchi gheeda miisa ng'ucheeda; ak ea nigoonan diigheanda ASEETA gideaba gaydalamwajaada. Adiidu gisheang'nyeewi ASEETA, mida meatkweedeanyu, adiidu ghabwarnyi.”

YOELI 3:4

“Asaha, ama agooga goowooschi naaha aba heedeanyu, ea Diro ea Sidoni, sea ng'eanyoojiga sean bea Filisti? Heapi gajawalneani ghana jea asimanean ng'asheanda wassean? Gaydalamwach nea ghaarabwaaschi ak gaydaaghuumneegwa waliideang'wa gayghoan badahuukeagwa agooga.

Mattayo 4:3

Ghwahidu headaanyi gichea gwasimsim ak gwayeesha, “Iiwoosi Orjeeda ASEETA giyami lagheang'su ghoah mukaate.”

Mattayo 8:30

Abeeda gwanda hawanyeanda ukurmajeega nea sheagi nea ghoajeada.

Marko 1:24

Goojuur nea gwayi, “Geendeayeesi naaha sea ang'iing'i Yesuheeda Nasareti? Guwuni lasa uhuudeanya? Ghaanali siida uwoosi guwoosi siida Ghaydit bea ASEETA!”

Marko 3:11

Nea fuga bearji meang'nyeandeenda iinyo gwaroonyi Yesu, goobeedeaysa madeadaanyi nea goojuur nea gwayeesha, “Ang'iing'i guwoosi Orjeeda ASEETA!”

Marko 5:7

ak goojuur nea gwayeesha, “Geendeayeesi naaha Yesu sea ang'iing'i, Orjeeda ASEETA haw? Geamuscheey aba gheawunga ASEETA adisawanyean!”

Lukka 4:34

“Seh! Ak gayhindaneasaan ang'iing'i Yesuheeda Nasareti? Ghwasaan anda giineayaneasa? Ghaanali siida uwoosi guwoosi dea Ghaydit bea ASEETA.”

Lukka 4:41

Gwariteaysa fuga saang'a meangeenda nea goojuuri nea gwayi, “Ang'iing'i guwoosi Orjeeda ASEETA!” Goowoowsa saawa, ak ghwarat ghuusiga ea mabaloola aba gideaba eara saawa ghwanal niny Gristo gil.

Lukka 8:28

Daah siiteani Yesu goobeedeaysa madeadaanyi ak goojuur aba ghuuta haw nea gwayeesha, “Geendeayeesi naaha sea ang'iing'i Yesu Orjeeda ASEETA mida humng'eeda? Eaniyean adisawanyean.”

Yohaana 2:4

Gwayeesha Yesu ghaamwat, “Ea iyya, ang'iing'i geendeayeesi naaha? Damandeanyu miighwahidu.”

Gadiyeeda Giijasoodiga 16:17

Hean ghwaat hudida geeshta Bawlo ea geeshteanya nea goojuur nea gwayeena, “Fiisu soomjooga ASEETA haw gil, ak ghapka gwarukuneegwa naweeda lealeanooda.”

Yakkobo 2:19

Ang'iing'i gumwasi gideaba ASEETA ea agi; giidoabiiwi. Eara meangeenda ghamwas nea ghaboadan.

2 Betro 2:4

ASEETA ghayi iimwanung'waada malaykajeega adiiy, hean gwahisa jeeda maloonghajeega ak ghwayiin jeesinga shoomeanga misana earassa ea ghwahita eaweeda girgweaksiinda;

Yuuda 1:6

Nea malaykajeega mang'ula muuchi hoorgajeega nyaawa ak ghang'amwa heeda eawoojisu abiita ea niratiisa niny jeeda munyaloalajeega maygamuudean aba jeeda misaneeda ea ghwahita eaweeda haw bea girgweaksiindean;

FUGA LAJA GIRGWEAGUUTKA 11:12

Ng'ata goojeakta Yefta giijasoodiga heeda sugoocheanda fuga Amoni, ak gwayeesha, “Ang'iing'i geendeayeesi naaha iiy bwak ea nyunyi ng'ucheena sea ng'eanyiideanyu?”