Mattayo 8:20 - Bibliyeeda Ghaydit

²⁰ Gwayeesha Yesu, “Fureayoonga gwandeawa shoomeanga, dariidaka gwandeawa ghoorajeega; nea Orjeeda Siida ea mandeawana heechea ghwayiin uhuudaanyi.”

NEAJEEDA EESH BEA BUUNEESSEAN

²⁰ Gwayeeshsha Yeesu, “Fureayoonga gwandeawa shoomeanga, dariidakka gwandeawa ghoorajeega; nea Balleanda Siida ea mandeawana heechea ghwayiin uhuudannyi.”

Mattayo 8:20 Mawu Ofanana

NYIIGHEEGA 104:12

Nea murdajeega goobiita dariidaka humng'eeda ak goobitpisa damealga ak gwasarman.

NYIIGHEEGA 104:17

Ak ea heeda siniisa dariidaka ghoorajeega nyaawa; nea udoombalalajeega gwasissa ghooriidaanyi uhuuda hoonyaweega.

NYIIGHEEGA 109:22

Aba gideaba aniini geawooschi ng'arng'ar nea geawooschi bwarbwar, ak ea sisawanan ea ghwahita gurooroodeanyu.

NYIIGHEEGA 40:17

Nea aniini geawooschi bwarbwar nea geawooschi ng'arng'ar; ak NG'UTAMIIDA ghoapkaadan aniini. Ang'iing'i guwoosi lealnoocheandeanyu ea ASEETEANYU; lamwajaana beeni weadaan!

NYIIGHEEGA 69:29

Nea aniineeda bwarbwar nea geawooschi siida giisan; ASEETA, lealeanoadaang'u gaygagatkadan!

NYIIGHEEGA 84:3

Eara udabwaraada ninyas ghooriida nea udeaghoodoomu gwandeawa ghooriida, heechea gwajiilsa dayeagaaschi, aba headaang'u bea wagiida Ea NG'UTAMIIDA bea lugweega, Sugoocheandeanyu ea ASEETEANYU.

DANIELI 7:13

Ak ghaadaayi aba jeeda giirgweatka eaweeda, asi ng'ula, aba jeeda shamooghuutka humng'eeda ghwaan siida uurji orjeeda siida ak gawa heeda siida ghayi mideawa eaweega damanda manda muudeanooda ak geeyeadu ea ghwahidu madeadaanyi.

Mattayo 12:32

Amadu gicha siida jea gwarukuna ng'asheanda muy badayda Orjeeda Siida gajeesamsa, duuku siidida jea gwarugu ng'asheanda muy badayda Guroorooda Ghaydidiin, ea majeesamsa aba jeedeaba ng'eanyiini, ghana eara aba ng'eanyiita jea ghoahiiduunu.

Mattayo 12:40

Gawuurji gida abiideata Yona jeeda ghweayeanda haw eawooji samwagu eawa ea askweari nih gichea gawuurji Orjeeda Siida gaygoobiida jeesigeeda eawooji samwagu eawa ea askweari.

Mattayo 12:8

Aba gideaba Orjeeda Siida niny Ng'utamiida sabaatohi.”

Mattayo 13:37

Gwayeesha, “Siida hista histeanga miyaasiin Orjeeda Siida;

Mattayo 16:13

Muchu nea gawa Yesu ng'eanyiida Gaysariyayda Filipi, ghoanyaash giinealangaaschi nea gwayeesha, “Buuneeda gwayeena Orjeeda Siida ng'eaha?”

Mattayo 16:27

Aba gideaba Orjeeda Siida gayghoana giigheambiita Ghwaan nea goodeana malaykajeega ak abeeda gayghoadaw gilinyoo ea sihi gidageatindaanyi aba sinaweagaaschi.

Mattayo 17:9

Iidu nea ghwararang'aana giijeeda, gwayeesha Yesu, “Adiidu goorukusi eara sih iiteaba ng'asheesu oadaayiin ea eaghus ea niduuna Orjeeda Siida jeeda miyeeda.”

Mattayo 19:28

Gwayeesha Yesu saawa, “Aba huumwa, geayeeshiineegwa, agoogeeda ooyeadu geeshteanyu aba ng'eanyiideesh, jea ghwahidu eaweeda jea goopteadawa Orjeeda Siida hoorgeadaanyi ghaambiidaat, abeeda eara agooga gajoopiidana hoorgajeegiga atamaniyeenyean ak goorgweaksi eemoojigiga atamaniyeenya bea Israeliin.

Marko 8:38

Siida wassean aba seaygeani bea riing'eeda biissa ea meawala ASEETEAN, siida isinnean gheanyanga ea ng'asheegeasu, abeeda Orjeeda Siida gaygwasissa gheanyanga siidida, damanda jea ghoana nea nighaambiit ghwaan sea giijasoodiga ghaydidi bea humng'eeda.”

Lukka 12:8

“Ak geayeeshiineegwa gilinyoo ea siida gil nyooh ghamwasan aba madeeda buuneeda, eara niny gayghamwas Orjeeda Siida aba madeeda malaykajeega ASEETA;

Lukka 18:8

Geayeeshiineegwa, gayghwalamwach ghoadaw gidamiisa, nea Orjeeda Siida iihidu gayghwadaah masaweega aba jeeda ng'eanyiida?”

Lukka 2:12

Nea gwadeagooda jea adaaha ea nihi; gajadaaha baleanda siikwealsa hang'weaka jeepcheanduumeeda nea geeluul aba jeeda daghwalda leeha dugwa beega.”

Lukka 2:16

Gaweay nea ghwalamwajaada ak geanyasa Mariya ea Yosefu heeda mida baleanda nea gwalil aba jeeda daghwalda leeha dugwa beega.

Lukka 2:7

Gwaji duweacheadaanyi was orjeeda ak gookwealsa hang'weaka jeepcheanduumeeda ak gooluul aba jeeda daghwalda leeha dugwa beega, aba gideaba mwanyasa heeda jea gwalla aba ghooriida rabasta.

Lukka 21:36

Asi agooga afura geat galeagasean, nea ghoamwaashchi ASEETA gagooneegwa uurda jea oataraamwa ng'asheesu sean jea gapnuun, ea aminaada aba madeeda Orjeeda Siida.”

Lukka 8:3

ea Yoana gatmooda Gusa, ea haghweadoocheanda haleanjeeda Herodehi, ea Susana, ea suuk gea saang'a, gadiydooscheesa saawa aba haleanjeeda mideawa.

Lukka 9:58

Gwayeesha Yesu niny, “Fureayoonga gwandeawa shoomeanga, nea dariidaka gwandeawa ghoorajeega nyaawa, nea Orjeeda Siida ea mandeawana eara heeda jea ghwayiin uhuudaanyi.”

Yohaana 1:51

Hean gwayeesha niny, “Aba huumwa, aba huumwa, geayeeshiineegwa, gajadaaha nea ghwajaada humng'eeda, ak gajadaaha malaykajeega ASEETA heeda mwascheeng'da suurja ghwararang'aan ghapka heeda Orjeeda Siida.”

Yohaana 12:34

Hean ghwasha eemeeda ak gwayeesha, “Aseasa gwarukuneasa deaweeda gideaba Gristo gayghwashng'u eaweega manda muudeanooda. Abeeda ghoamuustiin gideaba gajayeena Orjeeda siida gajeetiing'da humng'eeda? Orjeeni bea siidean ng'eaha?”

Yohaana 13:31

Iidu nea ghang'eat gawa, gwayi Yesu, “Asi ghamneawa Orjeeda Siida siikghaambiit ak eara ASEETA ea siikghaambiit aba jeadaanyi.

Yohaana 3:13

Manda siida ghayi nidiyeada ea gawa humng'eeda geaghus Orjeeda Siida ghayi rarang'aana humng'eeda

Yohaana 3:14

Gawuurji gida ghayi atoasta Musa ichibooda aba dareapcheeda, gwasunu eara Orjeeda Siida gajeatoastunu.

Yohaana 6:27

Adiidu goodeawiichi aba hamita jea gabay gamuudean, adeawiisiina hamita jea gwanyagu eaweega manda muudeanooda, jea gagooneegwa Orjeeda Siida; aba gideaba nigeawiit gooroor ASEETA was Ghwaan.”

Yohaana 6:53

Gwayeesha Yesu saawa, “Aba huumwa, aba huumwa, geayeeshiineegwa, iimoayaagi saseeda Orjeeda Siida, ak ghoaleayi foojeandaanyi, ea maygwanda jeesingeagwa eaweega;

Yohaana 6:62

Abeeda gaygawuurjiin iyoadaayi Orjeeda Siida nea ghwascheang'da gawa heeda ghayi mida bea aba mwadi?

Gadiyeeda Giijasoodiga 7:56

Ak gwayi, “Ang'ula, ghaadaayi humng'eeda nea ghwajaada, nea Orjeeda Siida ghamiinaada aba meatkweeda geatinda dugwa bea ASEETA.”

2 Goriinto 8:9

Aba gideaba noanali dagheerjeanduumeeda Ng'utamiideanya was Yesu Gristo, earapeadi baruuriin, hean ghabwarbwariit aba badahuukeagwa, ak abeeda aba barbarandaanyi ghoahuuyi baruurji.