Mattayo 7:15 - Bibliyeeda Ghaydit

¹⁵ “Ashageada sibanga ng'uyyeega fuga iissa ghapka heedeang'wa nea niikwa eagweega gisilga, nea aba jih ea suuyeeka ng'weani.

NEAJEEDA EESH BEA BUUNEESSEAN

¹⁵ “Ashageada sibanga ng'uyyeega fuga iissa ghapka heedeang'wa nea niikwa eagweega gisilga, nea aba jih ea suyeekka ng'weani.

Mattayo 7:15 Mawu Ofanana

1 SUGOODIGA 13:18

Ng'ata gwayeesha niny, “Eara aniini geawuurjeeweey geawooschi sibaneeda, goobaloolan giijasoocheanda humng'eeda aba ng'asheanda NG'UTAMIIDA, nea gwayi, ‘Adeelni siisi jeedeaba gheang'u ghwaak mukaate nea ghwali beega.’” Nea ghana gwareengani.

YEREMIYA 29:21

‘Ng'ata gwayi NG'UTAMIIDA bea lugweega, was ASEETA Israeli, aba badayda Ahabu was orjeeda Golaya ea Sedekiya orjeeda Maaseya, ghayi ramooran ng'uyeega aba gheawungeasu: Ng'ula gaydaahaak saawa geatinga Nebukadinesa was sugoocheanda Babeli ak gayghabwar goosha aba madeedeang'wa.

YEREMIYA 29:32

ak aba ng'asheanji gwayi NG'UTAMIIDA: Ng'ula, gaydeargweaksa Shemayeeda ng'eanyiida Nehelamu niny sea jeacheangaaschi; ak ea maygwanda eara siyagi jea eapuut aba jeeda fugaaschi jea ghwadaah miyeenooda jea dasisa fugeasu, aba gideaba ninung' ghaheawa buuneeda NG'UTAMIIDA.’”

ESEKIELI 13:16

Was sibanga Israeli ramoorani ng'asheega Yerusalemu, nea ghwadaah gisiihiimu bea hoyyoo aba ng'asheagaaschi nea manda hoyyoo, gwarugu NG'UTAMIIDA was ASEETA.

ESEKIELI 13:22

Aba gideaba agooga noanung' ghwanyareas guroorooda siida doabiiwaat aba ng'uyeega. Nea aniini ea mii danung' ghang'ut gurmeahiida ak ghana goomajeekchi geatinga siida muy ak ea mwayamwa geaw nea mwanung'waada naweadingaaschi munyas ak ghoaghu eaweagaaschi.

ESEKIELI 22:25

Foolayda sibangaaschi gwanda jeadaanyi gawuurji ng'adiida amuum nea ghabwaashaada diyeayda. Ak ea niyaak gurooruunatka buuneeda, ak gageanda haleanjeeda siitiiw aba uurda ea haleanjeeda sheayeeda haw, saawa ghoahaat mooneeda masinung'weagaaschi aba jeadaanyi.

ESEKIELI 22:27

Fugaaschi heeda mida headaanyi gawuurji suuyeeka bwaashaada diyeayda, aba gideaba ghoahiida foojeanda. Nea ghwadatas gurooruunatka buuneeda, ak ghwanyagaada aba naweeda mwadoabiiwa.

DANIELI 11:34

Damanda sibwara fuga ASEETA, gayghwanyas weedi mwanang'. Ak gaygooguuyi geat fuga saang'a saawa aba milmilanda;

MIKA 3:11

Fugaaschi hees gwasin girgweageeda aba gideaba ghwanyas seawshooda, ashoohoodigaaschi goonealshi aba gideaba ghwanyas gidageatinda, nea sibangaaschi gwaramooran ghwanyas lapiya; ak eara aba sareani gayghaghus NG'UTAMIIDA nea geeyi, “Neada NG'UTAMIIDA ea manda bugusteanya? Manda gidamuy jea gwahisseasa.”

SAKARIYA 13:4

Abeeda eaweedida gilinyoo ea sibaneeda gil. Gayghabwaspwas aba gili itaanyi siihiimsean iramoaran, ak ea maygookwa hang'da mideawa buudeega, aba gideaba gwareengani buuneeda.

Mattayo 10:17

Ashageada buuneeda aba gideaba gayghwaadeagwa gheeda siirgweacha nea ghabwareagwa aba jeesinga gealga nyaawa siinealshacheewa.

Mattayo 16:11

Gayghoawataan ea moapkaadi gideaba meabaloolani ng'asheega mukaatajeega? Asi ashageada geat aba gidamwataw bea Farisaayajeega ea Sadukayajeega.”

Mattayo 16:6

Gwayeesha Yesu, “Ang'ula nea gooshageachi geat aba gidamwataw bea Farisaayajeega ea dea Sadukayajeega.”

Mattayo 24:11

Amadu gayghwahidu sibanga saang'a bea ng'uyyeega ak gaygwareengani fuga saang'a.

Mattayo 7:14

Gidaghuuta ea mwariis nea naweeda ea mwariis dea jea gagal ghuhooda, ak gajea ng'ay fuga jea ghwadaa.

Lukka 12:15

Ak gwayeesha saawa, “Afura geat aba geawunda gheang'da; aba gideaba eaweega siida manda jeeda haleanjeeda saang'a mideawa.”

Lukka 6:26

“Ashageada agoogeeni, jea gagwarseegwa buuneesean iin aba gideaba eara ghweaniga nyaawa ghayi gwahindunu sibanga ng'uyeega.

Yohaana 10:12

Siida siitaw gidageatinda mawoosa haghweadoocheanda biissa gisilga ea mii gaaschi, iidaah suuyeanda nea ghwaan, gwanung'usa heeda gisilga ak gamng'aw; ak ghoang'waay suuyeanda ak ghoadaarda.

Gadiyeeda Giijasoodiga 13:40

Asi ashageada geat, adaghwanyaseagwa gea ghayi bean gwarugu sibanga nea gwayi:

Gadiyeeda Giijasoodiga 13:6

Iidu nea geesuut ng'eanyiida neaweesa basooda hean geahita ng'eanyiida Bafo, sihita geanyasa hoowa siisi was beeneetkweanda, bea eemeeda Yahudi was sibaneeda ng'uyeega siguura Bar-Yesu.

Galattiya 2:4

Iidu aba badayda orjoogiyya bea ng'uyyeega siyeana makcheameeda, ahuudaan ak ghamwaal giibaldeanya bea geat aba jeeda Gristo Yesu, ak gagasa ghwaadeasa jeeda soomjeandumeeda–

Efeeso 4:14

aba gideaba adeebiikti gicha eahuuwa diibiga, ak geejakseasa hoowa ea hoowa, nea ghwadeasa gilinyoo ea jeameeda bea giinealshooda fughareenga, aba milmilanda buuneeda ea seechmeeda nea geayaachi naweedinga reengani buuneeda.

Efeeso 5:6

Adagwareenganeegwa sih aba ng'asheega mwadaagha, aba gideaba ng'asheega uurji suh, gayghwahidu nyarasta ASEETA badahuuka orjooga manda mureeda.

Filippi 3:2

Ashageada gudajeega, ashageada fuga gadiyeeda munyas, ashageada fugiga iissa ghwalajaada saseedean.

Golosaayi 2:8

Asi ashageada adaghaghaseagwa siida ak gahutaneegwa aba fughareadaanyi bea mwadaagha aba searoojigiga bea buuneedean, aba haleanjeedeaba garayi bea meangeenda mida jeeda ng'eanyiida nea mii dea Gristohi.

2 Dimoteo 3:13

Ak fuga munyas searooji ea gea ng'uyeega gayghang'ata mwadi ak ghwaraanya buuneeda nea eara saawa geereengani.

2 Dimoteo 4:3

Aba gideaba gayghwahidu damanda jea eaheawa giinealshooda mideawa eaweega ak ghwaat geeshta naweeda gidagasiida saawa ak gwanyaksa geat gheamughuushcheeka giinealshoodiga aba gideaba gwandeawa iidiga jea gwasikiideawa ng'asheega.

2 Betro 3:17

Asi fugeasu aabwariinyi, iyoobean anala ng'asheesu aba mwadi, asi afura geat, adaghwaadaneegwa ghaat giidiinyeanyeekeaba fiisu, ak ghoanung'wi heeda giibindeang'wa majeek.

1 Yohaana 4:1

Fuga aabwariinyi, adoamwaschi giliwas guroorooda, iissa ghoonyo asima gurooruunatsu ak ghoadaayi ea gaba ASEETA; aba gideaba nihidu jeeda ng'eanyiida sibanga saang'a bea ng'uyeega.

Yuuda 1:4

Aba gideaba gheata ninyas fuga mwaatkwa gaseadayi aba makcheameeda ghang'eada garayi ak geegwalu aba girgweaksiinda, fuga maba ASEETA huteawi dagheerjeanduumeeda ASEETEANYA ak ghoabuuta jeeda hiseadayeanduumeeda nea ghwashaang' Siideanya haw asakaleala was Ng'utamiida, Yesu Gristo.

Giidaheechta 16:13

Ng'ata ghaadaayi, ng'asheega rinna ghuuta ichibooda ea ghuuta diyeayda ea gea ghuusiga sibanga ng'uyeega, ea gurooruunat samwagu munyas uurji udagheambagajeamajeega;

Giidaheechta 17:6

Ghaadaayi gatmoodida, nea niboogit aba foojeanda fuga ghaydidi sea foojeanda sinuus aba badayda Yesu. Hean nea ghaadaayi gatmoodida ghahamwan ng'eanyi gidahaw.

Giidaheechta 19:20

Hean geang'waay diyeaydida, sea sibaneeda ng'uyeega ghayi sina gwadeagwajeega aba madeadaanyi, ak gwareengani fugiga ghayi niing'waay giirooraneedeaba diyeaydida ea fugiga ghadoawan gidasiratiida ninyiin. Hean geejaksa suh asiyeenyean jeeda basooda beasta nea majeekcheewi ak ghwaak beasta ea giikayda.

Giidaheechta 20:10

ak geejaksa meang'nyeandida reengani saawaan jeeda basooda beasta ea giikayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoah damanda manda muudeanooda.