Mattayo 6:5 - Bibliyeeda Ghaydit

⁵ “Asi iyoamwaashchi ASEETA, ea adoowuurjeewi fugiga amiitu geadiin; saawa ghabwariiy ghamwaash ASEETA nea ghamiinaada aba jeesinga ghoorajeega siinealshacheewa ea ghuusiga naweadinga, ghwadaah buuneeda. Aba huumwa, geayeeshiineegwa, nigeawiit ghwanyas giimearda nyaawa.

NEAJEEDA EESH BEA BUUNEESSEAN

⁵ “Asi iyoamwaashchi Aseetta, ea adoowurjeewi fugiga ammiittu geadiin; saawa ghabwariiy ghamwaash Aseetta nea ghaminaada aba jeesinga ghorajeega siinnealshachcheewa ea ghuusiga naweadinga, ghwadaa buuneeda. Aba huumwa, geayeeshshineegwa, nigeawiit ghwanyas gimearda nyaawa.

Mattayo 6:5 Mawu Ofanana

NYIIGHEEGA 5:2

Aleeysiina iit ghuuta shookeasu, sugoocheandeanyu ea ASEETEANYU, aba gideaba ang'iing'i guwoosi dea aamoashchi.

NYIIGHEEGA 55:17

Shing'ada ea sakteayda ea askweari ghaaniikghchi nea geayeawdi, ak gayghwayiiy ghuuteanyu.

GHWASIILDEANGA 15:8

NG'UTAMIIDA ghwasit lukghumeeda siida muy seara, ak gahoosan iimwaash ASEETA siida doabiiwaat.

GHWASIILDEANGA 16:5

Siida wassean bea ghwarjeeda ghwasit NG'UTAMIIDA; aba huumwa ea mayghwashiy gajeergweaksa.

ISAYA 1:15

Inyeessa ghoamiindi geatingeagwa ookeala humng'eeda nea ghoamwaashchi ASEETA, gaydafuy gheanyangeasu ea mwadaaheagwa; eara amwaasha ASEETA nea gookeawiichi maydealeeyseegwa iit; aba gideaba geatingeagwa ninyiit foojeanda.

YEREMIYA 29:12

Ak abeeda gajaguurneani ak gajapkaani amoasha ghawooda, ak gaydealeeyseegwa iit.

DANIELI 6:10

Iidu nea ghwadaah Danieli gideaba sing'waar barawajeanda, gawa jeedeaba gheanyi ak ghwajaat seawuutka ghooriida mida humng'eeda duukusa Yerusalemu; ak gwatkuy aba gutung'weakaaschi niba samwagu aba jeeda askwearda ak ghamwaash ASEETA nea gabadiischeesa ASEATAANYI, gawuurji gidasiniida.

Mattayo 21:22

Amadu iyoondeawi masaweega, ak goomuschi nea ghoamwaashchi ghawooda gajanyasa haleanjeeda sean oogasayi.”

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Mattayo 23:5

Gicha sinaweega nyaawa sean inyeesa gwasin ghwadaah buuneeda aba gideaba iissa gooheetu barawajeegeagwa bea mooshta ghawooda, nea googeawiidi seapseapta nyaawa.

Mattayo 23:6

Fuga bwariiy goobiitpiida hoorgajeegeaba mwadi eaweeda ghweelmeeda, nea ghabwariiy goobiida mwadi aba jeesinga ghoorajeega siinealshacheewa.

Mattayo 6:1

“Ashageada adiidu goosinyi alooheedeang'wa aba madeeda buuneeda nea goobaysiini ghwadaheagwa saawa, aba gideaba iyoosindunu ea mwajanyasa giimearda aba heeda Ghweandeang'wa mida humng'eeda.

Mattayo 6:16

“Nea iyoolluuldi geat, ea adoowuurjeewi fuga amitu geat, saawa iissa gookaroomnyi gheamamuunatka nyaawa ghoahiimu geat ghwadaah buuneeda gideaba niiluulda geat. Aba gideaba geayeeshiineegwa suh ninyas giimearda nyaawa.

Mattayo 6:2

“Asi ang'iing'i iidaydi haleanjeeda iiweadi fuga barbari adiidiing'u geaw ak gisindi gidasiniida fuga amiitu geat aba jeesinga ghoorajeega siinealshacheewa ea ghuusiga naweadinga, gagwarsa buuneeda. Aba huumwa, geeyeeshiineegwa suh ninyas giimearda nyaawa.

Mattayo 9:38

asi amoasha Ng'utamiida bea booga goojeagu fuga gadiyeeda ghapka ghwalach boagaaschi.”

Marko 11:25

Ghabwada iyoamiinaadi nea gajamwaasha gil, daba siisi samsa giidiinyeanda wassean deepa ea nisimaneey sih. Abeeda eara ghweandeang'wa mida humng'eeda gaygwasamsa giidiinyeanyeekeagwa.” [

Marko 12:38

Gwayi Yesu aba jeeda giinealshoadaanyi, “Ashageada giinealshoodusu bea Diineeda Yahudi. Fuga bwariiy gwaleamideawa hang'weaka geawi, nea geeyeenniisa seayu aba mureeda aba naada. Fuga ama hita ghoorajeega siinealshacheewa gwajiir hoorgajeega madeeda.

Lukka 11:43

Farisaayajeega ashageada! aba gideaba ghoabwariinyi oopiitpiidana hoorgajeega madeeda aba jeeda gealga siinealshacheewa nea geekeatooscheeweegwa aba naada.

Lukka 18:1

Hean gwarukusa ng'asheega nea gagala geat nea gagasa gideaba gaygamiisa saawa mooshta ASEETA galeagasean nea mapura.

Lukka 18:13

Hean ghamiinaada siidida ang'oonyi gwaadiin nea dildeaweat nea eara gheanyangaaschi ea meageala humng'eeda, gagiisan nea gwayi, ‘ASEETA, bwaydanaan aniini geabea riing'a!’

Lukka 20:47

fuga inyeesa gweagiisachi aba gealga masiinung'weega nea aba giimiinoodeaba geat inyeesa ghamwaash ASEETA nea googeawiit. Asi gayghwanyas girgweaksiinda haw.”

Lukka 6:24

“Asi ashageada agoogeeni oowooschi baruurjeewiin, aba gideaba noanyaschi hawdeayda.

Yohaana 16:24

Eara ghamneawa miyoomusa ng'ashaan aba gheawungeasu; amusa, ak gajanyasa ak abeeda ghwahit hooseaneegeagwa.

Efeeso 6:18

Amwaasha ASEETA damanyoojiga sean aba jeeda Guroorooda aba mooshta sean bea ASEETA ea badita. Ak ghoang'wearu nea ghoashng'u aba badita ASEETA aba badahuuka fuga ghaydidi sean,

1 Desaloniikke 5:17

amwaasha ASEETA damanyoojiga sean,

Yakkobo 4:6

Amadu gagoaneasa dagheerjeanduumeeda naawda; nea gwayi, “ASEETA iissa ghaheawa fuga adiing'u geat, ak iissa ghoadaw dagheerjeanduumeeda fuga eada geat ng'eanyi.”