Mattayo 6:31 - Bibliyeeda Ghaydit

³¹ Asi adoodeawiichi nea gooyeenyi, ‘Gajeayaaga naaha?’ ghana ‘Gajealeaha naaha?’ ghana ‘Gajeekweala naaha?’

NEAJEEDA EESH BEA BUUNEESSEAN

³¹ Asi adoodeawiichchi nea gooyeennyi, ‘Gajeayaaga naaha?’ ghana ‘Gajealeaha naaha?’ ghana ‘Gajeekkweala naha?’

Mattayo 6:31 Mawu Ofanana

2 DAMANYOOJIGA 25:9

Ng'ata gwayeesha Amasiya siida ASEETA, “Ak abeeda gabeaheesa naaha aba badayda dalaantaji bughala ghayi naadawji shirikareeda fuga Israeli?” Hean gwayeesha siida ASEETA, “NG'UTAMIIDA ghoamu gea saang'a burdeawa suh.”

NYIIGHEEGA 111:5

Ng'ata ghoadaw fuga bada hamita; ak gayghoapkaat neajeadaanyi damanda manda muudeanooda.

NYIIGHEEGA 37:3

Ghusa NG'UTAMIIDA ak gisini ng'asheega miyaas; ak abeeda giibiidi ng'eanyiida, nea gihoosasi.

NYIIGHEEGA 55:22

Adawa NG'UTAMIIDA sareandaang'u, ak gayghoaghuunyi; mayghwanung'waada siidaanyi doabiiwaat eajoar.

Mattayo 15:33

Gwayeesha giinealangaaschi, “Aba hiji geendi dareapcheeda gajeanyasana yeenu hamita jea goolang'u eemeeda saang'a deenu?”

Mattayo 4:4

Ghwasha nea gwayeesha, “Geang'waar gideaba, Siida moamu goobiideewa ng'eanyiida mukaate ak ghwahit, geaghus ng'asheanda rinna ghuuta ASEETA.”

Mattayo 6:25

“Aba sareani geayeeshiineegwa, adoodeawiisi eaweegeagwa, aba gichea ayaaga ghana gichea aleaha, ghana gichea ookwealsiina sasanuukeagwa. Heapi eaweega mwang'ala hamita, nea saseeda ea mwang'ala hang'weaka?

Mattayo 6:27

Ng'eaha gil aba jeedeang'wa ammu goodeawiit geaw ak ghoahaat geawundaanyi eara ea geatinagi gil?

Lukka 10:41

Ghwasha Ng'utamiida nea gwayeesha, “Marta, Marta gihashi nea giideawiidi aba ng'asheega saang'a;

Lukka 12:11

Ama deepa eayaadeagwa ghooriida siinealshacheewa ea fuga ahaaghwa ng'eanyiida ea madeeda gea mideawa gheambalmeeda, ea adoohirbabanyi aba gichea ashaayda ea ng'asheega jea arukuta;

Lukka 12:22

Hean gwayeesha ginealangaaschi, “Asi geayeeshiineegwa, adoodeawiisi eaweegeagwa gajayaaga naaha, ea gichea ookwealana sasanuukeagwa.

Lukka 12:29

Asi adoodeawiichi iheengeagwa aba gasooda gichea ayaaga ghana gichea oaleaha.

Filippi 4:6

Adoodeawiichi geat aba ng'asheanda wassean, geaghus aba mooshta ASEETA nea ghoamwaschi ghawooda, nea ghoabwachi ASEETA ak ghwanal ASEETA gidoogasayi wassean.

1 Betro 5:7

Ak ghoatawji niny sawanaduutkeagwa sean, aba gideaba niny gwadeawiisa muuchi ng'asheegeagwa.