Mattayo 6:24 - Bibliyeeda Ghaydit

²⁴ “Manda siida ammu gagadiiyeesa fiisu hees iyeenya. Aba gideaba gayghwasit agi nea ghabwariiy niirja, ghana ghoang'waay geat sea nih ak gafool niirja. Majoamuusa agadiyeesiina ASEETA ea baruureega.

NEAJEEDA EESH BEA BUUNEESSEAN

²⁴ “Manda siida ammu gagadiyeesa fiisu hees iyyeenya. Aba gideaba gayghwasit agi nea ghabwariiy niirja, ghana ghoang'ngwaay geat sea nii ak gafool niirja. Majoammuusa agadiyesiina Aseetta ea baruureega.”

Mattayo 6:24 Mawu Ofanana

GIING'EETA 47:17

Hean gweadu dugwa nyaawa heeda Yosefu; ak ghoadaw Yosefu hamita nea gooyamuuji faraasajeega, ea nooga, ea dugwa, ea digeeniga: ak ghoadaw saawa hamita nea gooyamuuji dugwa nyaawa sean aba gweaydida.

1 SUGOODIGA 18:21

Ak gwaneekiisa Eliya heeda mida buuneesean ak gwayi, “Gajabeacheewana jeedeaba ng'asheesu asiyeenyean ea ghoah eeju? Inyas NG'UTAMIIDA ea ASEETA gil, ghoayaachi geeshta, ama inyas ea Baali gil, eara ada ghoayaachi geeshta.” Ak ea mwasha buuneeda ghuutaanyi.

2 SUGOODIGA 17:41

Hean eemeeni ghabwat NG'UTAMIIDA, nea eara ada gagadiiyeesa sanaamu. Diibiga nyaawa, ak eara diibiga nyaawa gwasinda gidasinda ghweaniga nyaawa, ak eara saawa gwasindunu ea ghoah ghamneawa.

ESEKIELI 20:39

“Nea aba iita ng'asheegeagwa, Ea fuga Israeli, gwayi NG'UTAMIIDA was ASEETA, “Aweayeena aghadoawana sanaamajeegeagwa eara iidu, iimoogasi ooleeysean iit, nea gheawungeasu ghaydit ea maygudu ang'udana ririnnyeanda aba haleanjeedeang'wa bea guskuseega ea sanaamajeegeagwa.

SEFANIYA 1:5

ea giika inyeesa gwatkuy aba iheenga ghoorajeegean ea miinga mida humng'eedean; ea giika inyeesa gwatkuy nea ghwaak habeawooda aba heeda NG'UTAMIIDA ak gweaksa habeawooda Milkomu;

Mattayo 4:10

Hean gwayeesha Yesu, “Ng'amwana hiji Shataani! aba gideaba geang'waar, ‘Ghadoawana Ng'utamiida was ASEATAANG'U ak gibwadi niny nea gaba geaw.’”

Lukka 16:11

Asi iimoowoosi doobiiweadi aba meanang'oocheanduumeeda mwadoabiiwa, gaygagooneegwa ng'eaha meanang'oocheanduumeeda huumwa?

Lukka 16:13

Manda soomjeanda jea ghoamu gagadiiyeesa fiisu hees iyeenya, aba gideaba gayghwasit nih ak ghabwariiy nih, ghana ghoang'waay geat sea nih ak gafool nih. Moamuusi agadiyeesiina ASEETA ea meanang'oocheanduumeeda.”

Lukka 16:9

Asi geayeeshiineegwa, asisiina geat rooroocheeda aba meanang'oocheanduumeeda mwadoabiiwa, ama ashealaneegwa gil, ghwadeaptaneegwa aba jeeda giibinda manda muudeanooda.

Galattiya 1:10

Neada ghoaghanyi gili eagasayi dashiit buuneeda, ghana ASEETA? Ghana eagasayi deahoosan buuneeda? Asi iidu deahoosani buuneeda, ea maydoaw soomjeanda Gristo.

1 Dimotteo 6:17

Fuga ghamneawa was meanang'oodiga aba badayda ng'eanyiida rukusiina gideaba adagagwara geat nea ghaghus meanang'oocheanduumeani jea gooshean, gagasa ghaghus ASEETA goona haleanjeeda sean saang'a, ak geegadiyeati aba hooseaneega.

2 Dimoteo 4:10

Aba gideaba Dema ghabwariiy haleanjeeda muunda ng'eanyiida ak ghang'eat gwanung'usean heeda ak gawa Desalonike, ak Greske gawa ng'eanyiida Galatiya, nea Dito gawa ng'eanyiida Dalmatiya.

Yakkobo 4:4

Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

YOSHUWA 24:15

Ak iyoadaayi gideaba mwadoabiiwa gadiyeesiinda NG'UTAMIIDA, abeeda ghoaloachi askweareani dea jea agadiyeesiina, ii aseecheeka ghayi gadiyeesa ghweanigeagwa aba ng'eanyiida giigheawda eenda Furati, ghana aseecheeka Amori oopiidi ng'eanyiida nyaawa; ak aniini ea gheanyu, gajeegadiyeesiina NG'UTAMIIDA.”

1 SAMWELI 7:3

Ng'ata gwayeesha Samweli fuga sean bea Israeli, “Iyoobiigu heeda NG'UTAMIIDA aba gurooruunatkeagwa sean, abeeda ghoanung'wi heeda aseecheeka rabasta ea Ashtaroti mida jeedeang'wa, ak ghoatawji gurooruunatkeagwa NG'UTAMIIDA, ak googadiyeesi niny ak ghwahit, ak gaygwalealnaneegwa geatinga fuga Filisti.”