Mattayo 5:9 - Bibliyeeda Ghaydit

⁹ “Ghang'wana fuga aduuptooschi suurja, aba gideaba fiisu gajeeguura diibiga ASEETA.

NEAJEEDA EESH BEA BUUNEESSEAN

⁹ Ghang'wana fuga aduptooschi suurja, aba gideaba fiisu gajeeguura diibiga Aseetta

Mattayo 5:9 Mawu Ofanana

1 DAMANYOOJIGA 12:17

Ng'ata gawa Dawdi gwaroonyi saawa ak gwayeesha fugiga, “Iyoapkaanyi heedeanyu aba duupcheeda nea googasayi aweadaan, abeeda gayghamwaseagwa gurooroodeanyu; ama oapkaanyi nea googasayi asawanean aba heeda weajoodigeasu, earapeadi manda geatingeasu giidiinyeanda, abeeda gidabal ghwadaah ASEETA ghweanigeasu ak gayghwadaah ak gwareekuseey.”

NYIIGHEEGA 120:6

Aniini neapteadi muuchi ea gageawiit aba bugusta fuga sit hoyyoo.

NYIIGHEEGA 34:12

Nih ng'eaha siidida gasa eaweegean, gaseadayi eaweega geawi ak abeeda ghwanyas gea miyaas?

Mattayo 5:45

Abeeda gajahuuwa orjooga Ghweandeang'wa mida humng'eeda; aba gideaba niny iissa daknoadaanyi gooboong'sa fuga munyas ea gea miyaas, ak gwaroobassa roopta fuga doobiiweadi ea gea mii doobiiweadi.

Mattayo 5:48

Awoosa hidaat awuurjeewana gidahidaata Ghweandeang'wa mida humng'eeda.

Lukka 20:36

ea maygabiikta gameewa aba gideaba gaygawuurji malaykajeega, ak saawa ea orjooga ASEETA gil ea gideaba saawa orjooga siituutu.

Lukka 6:35

Asi abwariinya weajoodigeagwa, nea goosinyi gea miyaas, nea ghoanung' gooleakshi, nea adoofurdi goodeelneegwa gil; abeeda giimeardeang'wa gajaahaw, ak gajahuuwa orjooga ASEETA haw mida humng'eeda; aba gideaba niny aamiy aba fuga mabadiischeesiina ea gea geawi gheanyan.

Gadiyeeda Giijasoodiga 7:26

Iimuchu eaweeda bassa ghwadaah fih iyeenya bea Israeli nea gabearji hean gawa gooheeli ak gwayeesha, ‘Agooga goowooschi orjoopa gheawagi, iijea eeyi bwak ea abearjeena.’

Ruumi 12:18

Iidu aba meatkweedeang'wa abeaha hoyyoo aba heeda buuneesean.

Ruumi 8:14

Aba gideaba buuneessean adoabiiw Guroorooda ASEETA, fiisu abeeda ea orjooga ASEETA gil.

Ruumi 8:16

Guroorooda niny gamuuwu sea gurooruunatkaasa gideaba aseasa geewooschi diibiga ASEETA,

Ruumi 8:19

Aba gideaba haleanjeeda sean weelweel aba badayda ng'eanyiida gafurda nea gahoosan aba furdeayda giidaheachta orjooga ASEETA;

1 Goriinto 6:6

iissa gawa siida ghoahaakta orjeeda ghaamwat, ea biissa aba madeeda fuga mandeawana masaweega?

2 Goriinto 13:11

Aba huuydeanda, abeaha seayu fuga eaduupcheewi. Asina naweadingeagwa, ayiinya gideargu, daba siisi mwas nuut, abeaha weayda, ak abeeda ASEETA mideawa bariinyeega ea weayda gaygoobiida heedeang'wa.

2 Goriinto 5:20

Asi geewooschi fuga siicheakta bea Gristo, hean gamusiischooweasa ASEETA. Geemearmearaneegwa aba badayda Gristo, ootuupcheewana geat ASEETA.

Galattiya 5:22

Ak haghweega Guroorooda ea bariinyeega, hooseaneega, hoyyoo, milikghteayda, inyeanda jeeda, miyinda, ea doobiiwnata,

Efeeso 4:1

Asi aniini, geawooschi siida ghealooniga aba badayda Ng'utamiida, geamuscheegwa gideaba oatoabiiwa eaweega deaschi sea guurnooda ghayi siguurneegwa,

Filippi 4:2

Geamuschi Eudiya ak geamuschi Sintike gideaba aduupcheena aba jeeda Ng'utamiida.

Golosaayi 3:13

daba siisi sar sareemba nuut, nea goosamiisi geat, iimida siida niidiiysa nuut, gawuurji gidaghayi samsiindaneegwa Ng'utamiida, ak gwasunu eara agooga asindunu.

Ebraniya 12:14

Gagasa giimiriikta hoyyoo aba heeda buuneesean, aba ghaydidanda nea manda siida jea ghwadaah Ng'utamiida iimandeawana.