Mattayo 5:7 - Bibliyeeda Ghaydit

⁷ “Ghang'wana fuga mideawa baydeayda, aba gideaba eara saawa gajeabwayda.

NEAJEEDA EESH BEA BUUNEESSEAN

⁷ Ghang'wana fuga mideawa baydeayda, aba gideaba eara saawa gajeabwayda.

Mattayo 5:7 Mawu Ofanana

2 SAMWELI 17:28

Nea gweadu bulaleenga jea eabwat, ea haragweaka, ea dahuundiga, ea ngaano, ea shayiiri, ea dearanga, ea booga sibeash, ea loosiida ea sagharooda,

2 SAMWELI 22:26

“Heeda siida doabiiwaat gaywoosa ang'iing'i doabiiwaat, aba alooheeda gajahiimni gideaba gindeawi alooheeda, ak guwoosi miy muuchi aba heeda fuga miyaas;

NYIIGHEEGA 112:4

Weeshinda iissa ghoabwaay siida doabiiwaat aba heeda misana; NG'UTAMIIDA gwandeawa bariinyeega, ea baydeayda, ea doobiiwnata.

NYIIGHEEGA 112:9

Ak goodayiida haleanjeeda aba inyeanda jeeda, ak goodawi fuga barbari; doobiiwnataanyi gaygoobiida damanda manda muudeanooda; nea gujaweadaanyi gajeetiing'u aba giigheambiita.

NYIIGHEEGA 18:25

Nea aba heeda siida doabiiwaat iissa guwoosi doabiiwaat, nea aba heeda siida miy iissa giihiimu geaw gideaba guwoosi miy;

NYIIGHEEGA 37:26

Askwearda sean goodayiida haleanjeeda nea ghwanung' ealaaja haleanjeeda, ak geataw diibigaaschi ghawooda.

GHWASIILDEANGA 11:17

Siida mideawa baydeayda gwasissa saseadaanyi gea miyaas, nea siida ng'waan gwasawan geaw.

GHWASIILDEANGA 11:25

Siida inya jih gayghwanyagaada, nea dea adaw beega leeyda niirja, eara niny gajeataw.

GHWASIILDEANGA 14:21

Siida fool giischeewoocheandaanyi gaba riing'a, nea dea bwayda siida bwarbwar ghang'wana.

GHWASIILDEANGA 19:17

Siida weat siida bwarbwar ghwanung' ghoalaach NG'UTAMIIDA, ak Ng'utamiida gaygawalu aba sinaweagaaschi miyaas.

ISAYA 57:1

Siida doabiiwaat iimea, ea manda siida duupa gil, ama inyeesa ghami siida miy seara, ea manda siida ateemshi nea gwayi. Siisi miyiin sigeanda ea mayghwanyas habitkweeda.

DANIELI 4:27

Asi, Ea sugoocheanda, gagasa mwasa ng'asheegeasu; nung'usiina heeda riing'eagaagu ak gisini ng'asheega doobiiweadi, ea ng'asheagaagu munyas ak ghoahiimu baydeayda aba heeda fuga sisawan, ak abeeda ghoanyaschi ng'asheega miyaasiin bea miyeenooda.”

HOSEYA 1:6

Gabiikta gagweayiit gicha, ak gwaji huda. Ng'ata gwayeesha NG'UTAMIIDA, “Guureewana gheawungaaschi ‘Meebwayda’, aba gideaba maygudu dabwariiy Israeli gicha nea ak ea maydasamsa earahay.

HOSEYA 2:1

Asi aguureewana orjooga giyeang'wa “Fugeasu”, ea haweega giyeang'wa “fuga sibwayda.”

HOSEYA 2:23

Ak gaydahisa jeeda madamnyeanda aba badaydeanyu, ak gaydabwayda dea miyeebwayda, ak gaydayeesha gea mawoosa fugeasu, ‘Agooga goowooschi fugeasu’; ak gaygwayi, ‘Ang'iing'i guwoosi ASEETEANYU.’”

MIKA 6:8

Ea orjeeda siida, niny ghoahiimneey gea miyaas; ak NG'UTAMIIDA gagasa naaha aba headaang'u gagasa gideaba gaysina gitoabiiw, ak gibwariinyi baydeayda, ak guwi nea giyaadi geaw ng'eanyi aba heeda ASEATAANG'U?

Marko 11:25

Ghabwada iyoamiinaadi nea gajamwaasha gil, daba siisi samsa giidiinyeanda wassean deepa ea nisimaneey sih. Abeeda eara ghweandeang'wa mida humng'eeda gaygwasamsa giidiinyeanyeekeagwa.” [

Lukka 6:35

Asi abwariinya weajoodigeagwa, nea goosinyi gea miyaas, nea ghoanung' gooleakshi, nea adoofurdi goodeelneegwa gil; abeeda giimeardeang'wa gajaahaw, ak gajahuuwa orjooga ASEETA haw mida humng'eeda; aba gideaba niny aamiy aba fuga mabadiischeesiina ea gea geawi gheanyan.

Ruumi 11:30

Gawuurji gidaghayi moosisiindani ASEETA mureeda iidu ghamneawa ea noanyaschi baydeayda aba nyoota nyaawa bea mureeda;

1 Goriinto 7:25

Asi ghamneawa aba fuga miigageeshi, meandeawani diigheanda Ng'utamiida, gearugu aba fughareedeanyu aniineeda nibwaydanaan Ng'utamiida aba gideaba geawooschi doabiiwaat.

2 Goriinto 4:1

Asi aba sareani, iinukwa geandeawi gadiyeeni aba baydeayda ASEETA, ghanyea meabealbeali.

Efeeso 4:32

asi awoosa inyeani jeesin aba heeda buuneeda suurja, bayiida buuneeda, samiisa geat, gawuurji gidasamsiindaneegwa ASEETA aba jeeda Gristo.

Golosaayi 3:12

Asi ookwealsheata fuga niloat ASEETA, ghaydidi sibwariiy, bea jeesinga bayiida buuneeda, ea ng'eeninda, eatoodeaba geat bea ng'eanyi, miyinda ea milikghteayda,

1 Dimotteo 1:13

Abeeda aniini ghayi ea mwali inyeessa geanyareesay buuneeda nea geang'eaway, nea geasawanyi ak ghaanyaschi baydeayda aba gideaba geasinyi ng'asheesu aba leendeeda, aba gideaba meandeawani masaweega.

1 Dimotteo 1:16

Ak aba seareeni ea naanyaschi baydeayda aba gideaba aniineani bea madeedean, ghoadaajiit Yesu Gristo milikghteaydaanyi sean, aba heedeanyu, nea ghaahuuyi siida iidu jea eeteaschi ak aba heeda fuga jea ghamwas ak ghwanyas eaweega manda muudeanooda.

Ebraniya 4:16

Asi gagasa eeneekiida aba gidasirarji eapkaana heeda hoorgeeda ghaambiidaat bea dagheerjeanduumeeda, ak abeeda geanyaschi baydeayda ak geanyaschi dagheerjeanduumeeda jea ghaweat fih damanda sigasseewa.

Ebraniya 6:10

Aba gideaba ASEETA mandeawana ghwanooda ea ghoanaawa ghaang' gadiyoojigeagwa ea bariinyeega ghayi oahiimu aba badaydaanyi aba gadiyeesiinda fuga ghaydidi, duu asina eara ghamneawa.

Yakkobo 2:13

Aba gideaba girgweaksiinda mayghabwayda siida mandeawana baydeayda; asi baydeayda iissa ghwajoar girgweageeda.

Yakkobo 3:17

Duuku weaghuumeeda leabu heetiyeada gidamadeeda aamiy, nuut gaba weayda, ak ea garbabu, nea iissa gooleeysiit ng'asheega buuneeda, nea gwandeawa haghweega miyaas, ak ea mayamiisachi ghana gwareengani buuneeda.

1 Betro 2:10

Aba madeeda ghayi moowoosi buuneeda ak ghamneawa ea noowooschi fuga ASEETA; aba mwadi ghayi mii anyasa baydeayda ak ghamneawa ea noanyaschi baydeayda.