Mattayo 5:6 - Bibliyeeda Ghaydit

⁶ “Ghang'wana fuga bearji jalooda ea muwooshta gasooda doobiiwnata, aba gideaba gajeelang'u.

NEAJEEDA EESH BEA BUUNEESSEAN

⁶ Ghang'wana fuga bearji jalooda ea muwooshta gassooda doobiiwnatta, aba gideaba gajeellang'u.

Mattayo 5:6 Mawu Ofanana

NYIIGHEEGA 107:9

Aba gideaba ghwanung' gwalang'u siida bearji muwooshta, nea dea bearji jalooda goolang'u aba haleanjeeda miyaas.

NYIIGHEEGA 145:19

Gayghoadaw fuga bada niny haleanjeeda gasa, ak gayghwayiiy shooka nyaawa, ak gwalealu saawa.

NYIIGHEEGA 17:15

Ak aniini, gaydang'ula gheamamdaang'u aba doobiiwnata; nea iyaang'eachi gealang'uuchi aba deaktaang'u.

NYIIGHEEGA 63:5

Gurooroodeanyu gahoosanda gili aayaaji hamita miy ea nagheeda, nea ghuuteanyu gayghoaghaambiinyi aba hooseaneega gaydasarman giigheambiitaang'u,

NYIIGHEEGA 65:4

Ghang'wana siidida iloadiin ak ginung' gwaneekiit goobiida jeedeaba gheang'u ghaydit! Ak gajeelang'uuda alooheedeaba gheang'u ghaydit sibateeweey.

NYIIGHEEGA 84:2

Gurooroodeanyu gagasa muuchi heeda abiita NG'UTAMIIDA nea ghaahiili; gurooroodeanyu ea saseedeanyu gwasarmana hooseaneega aba badayda ASEETA mideawa eaweega.

GHWASIILDEANGA 10:24

Gidawal siida muy gichea ghwanyas gil, nea fuga doobiiweadi gayghwanyas gidagasa.

GHWASIILDEANGA 21:21

Siida gasa doobiiwnata ea baydeayda, gayghwanyas giibinda geaw nea geataw mureeda.

SARMEEDA SULEMANI 5:1

Geawi jeeda boostaaneedeanyu, ng'wasaneedeanyu, ea huda eanyearayi, geaptu geedigeasu ng'andidi, ghaayaaji bearga maleedeanyu ea maleedeanyu, ghaaleayi difaayeedeanyu ea eanoogeasu. Ayeagiischeena, ea fugeasu eaduupcheewi, ak gooleeshi aleaha muuchi fugeasu aabwariinyi.

ISAYA 25:6

Ak aba uhuudeaba giijeeni NG'UTAMIIDA bea lugweega gaygwasissa buuneesean ghweelmeeda, haleanjeeda riisheadi, ea ghweelmeeda difaayeeda miy, ea banyeega miyaas, ea nagheeda, ea difaayeeda miyaas.

ISAYA 41:17

Damanda gaseewa beega fuga barbari ea gea mandeawana gil, ak ea mwanyasa, ak ea nijeama ng'ushapkeaka nyaawa aba muwooshta aniini geawooschi NG'UTAMIIDA gaydasha ghuusiga nyaawa, aniini geawooschi ASEETA Israeli maydanung'wa heeda saawa.

ISAYA 44:3

Aba gideaba gaydeadalealsa beega uhuuda ng'eanyiida gasa beega, nea ghaanung' gwarina ghealooniga beega jeeda ng'eanyiida ghajaam, ak gaydeadalealsa gurooroodeanyu jeacheengaagu nea ghaadawji ghawoodeanyu giika jea jiilean.

ISAYA 65:13

Asi gwayi NG'UTAMIIDA was ASEETA, “Ng'ula fugeasu bea gadiyeeda gaygweagiischi, nea agooga gayghwayeadeagwa jih, ng'ula fugeasu bea gadiyeeda gaygwaleeshi nea agooga gayghwageagwa muwoash, ng'ula fugeasu bea gadiyeeda gaygahoosan, nea agooga gajeapwaaspwaaseagwa.

ISAYA 66:11

agooga gajareera ea alang'uuda aba eanoagaasa ak gajahoosana aba seang'ayda giigheambiitaanyi.”

YEREMIYA 31:25

Gea mideawa bureanda gaydanung' goosha bureanda nyaawa, nea gea mandeawana uurjeenga gaydanung' ghwanyas uurjeenga.”

Lukka 1:53

Ninyiit fuga bearji jalooda aba haleanjeeda miyaas, nea meanang'oodiga gaweay nea ghwadalaada.

Lukka 6:21

“Ghoang'wani agoogeeda yeadeagwa jih ghamneawa, aba gideaba gajoolang'uuda. “Ghoang'wani agoogeeda ooyeawdi ghamneawa, aba gideaba gajoayaaga reari.

Lukka 6:25

“Ashageada agoogeeni oowooschi lang'uudeat ghamneawean, aba gideaba gajadaaha jalooda. “Ashageada agoogeeni oayaaji reari ghamneawean, aba gideaba gajagutuuni heareega nea gooyeawdi.

Yohaana 4:14

amaduuku siichea ghwali beega jea daadaw aniini mayghwaak muwoash earahay; aba gideaba beegiga jea daadawiin gayghoah aba jeadaanyi gheang'deenda nea goobeakbeaksa eaweega manda muudeanooda.”

Yohaana 6:27

Adiidu goodeawiichi aba hamita jea gabay gamuudean, adeawiisiina hamita jea gwanyagu eaweega manda muudeanooda, jea gagooneegwa Orjeeda Siida; aba gideaba nigeawiit gooroor ASEETA was Ghwaan.”

Yohaana 7:37

Eaweeda huuydean asheala ghweelmeeda eaweecheanda haw gil, ghamiinaada Yesu ak gwarugu aba ghuuta haw nea gwayi, “Siida bearji muwooshta, doani heedeanyu ghwaleayda.

Giidaheechta 7:16

Ak ea maygudu ghwadaah jalooda, ghana ghwaak muwoash gicha; ak ea mayghwaak daknooda saawa, ghana giliwas daknooda ng'waan.