Mattayo 5:5 - Bibliyeeda Ghaydit

⁵ “Ghang'wana fuga ng'eeni, aba gideaba gaygoombal ng'eanyiida.

NEAJEEDA EESH BEA BUUNEESSEAN

⁵ Ghang'wana fuga ng'eeni, aba gideaba gaygoombal ng'eanyiida.

Mattayo 5:5 Mawu Ofanana

NYIIGHEEGA 147:6

NG'UTAMIIDA iissa gagatkat fuga ng'eeni, ak gwajaksa fuga munyas ng'eanyi.

NYIIGHEEGA 149:4

Aba gideaba NG'UTAMIIDA iissa gafuuf aba jeeda fugaaschi; iissa goohoosan fuga ng'eeni aba jooriischooda.

NYIIGHEEGA 22:26

Fuga ng'eeni barbari gaygweagiischi ea gwalang'u, fugiga gasa NG'UTAMIIDA gayghoaghaambiit niny! Gidabal goobiida gurooruunatkeagwa damanda manda muudeanooda!

NYIIGHEEGA 25:13

Siida sunu gayghwanyagaada galeaga sean, nea diibigaaschi gaygwahearan ng'eanyiida.

NYIIGHEEGA 25:9

Fuga ng'eeni gajadoabiiwa aba girgweageeda, ak ghoanaal fuga ng'eeni naweadaanyi.

NYIIGHEEGA 37:11

Nea fuga ng'eeni gaygwahearan ng'eanyiida, gaygoohoosana geat hawunda miyeenooda.

NYIIGHEEGA 37:22

Aba gideaba fuga adaw ASEETA ghawooda gaygwahearan ng'eanyiida, nea fuga mwaashta niny gajeabwar.

NYIIGHEEGA 37:29

Fuga doobiiweadi gaygwahearan ng'eanyiida, ak gaygoobiida jeeda damanda manda muudeanooda.

NYIIGHEEGA 37:34

Ang'iing'i amuukghuni NG'UTAMIIDA, nea giing'waanyi naweadaanyi, ak gayghoaghaambiinyi hearana ng'eanyiida ak gayng'ula gichea eahoanda fuga munyas.

NYIIGHEEGA 37:9

Aba gideaba fuga sina ng'asheega munyas gajeabwar; nea fugiga amuughu NG'UTAMIIDEAN gaygoombal ng'eanyiida.

NYIIGHEEGA 69:32

Fuga sisawan iidaah gaygahoosan; nea fuga awali gheang'da ASEETA gayghahawda gurooruunatka nyaawa.

ISAYA 11:4

ak gaygoorgweaksa fuga barbari aba doobiiwnata, nea ghamiin gheang'da fuga eada geat ng'eanyi bea ng'eanyiida, nea ghwalas ng'eanyiida; aba ng'asheanda leabu ghuutaanyi, nea gwanuuseada fuga munyas aba jeameeda leabu ghuutaanyi.

ISAYA 29:19

Fuga eadageat ng'eanyi gayghoahaada hooseaneega nyaawa aba badayda NG'UTAMIIDA, nea fuga barbari mida bugusta buuneeda gaygahoosan aba badayda dea Ghaydit asagi bea Israeli.

ISAYA 60:21

Abeeda fugaagu gajea doobiiweadi sean, ak gaygwahearan ng'eanyiida damanda manda muudeanooda. Nih damealeanda aang'aapti aniini gil was gadiyeeda geatingeasu, ak abeeda geakghaambiidan.

ISAYA 61:1

Guroorooda NG'UTAMIIDA was ASEETA gwanda badaydeanyu, aba gideaba NG'UTAMIIDA nimwaaran dawa darukwiisa fuga garbapi giijasta miy, ak goojeaknean daahaap gea nibur gurooruunatka nyaawa, nea gearukwiisi fuga mida ghealooniga siksiinda nyaawa, nea fuga ng'uta ghwanyas giibaldeaba geat.

SEFANIYA 2:3

Agasa NG'UTAMIIDA, agoogeeni seaniin ooyeadayi geat ng'eanyi aba badayda ng'eanyiidean, agoogeeni oang'waanyi diigheandeani; agasa doobiiwnata, agasa eatoodeaba geat bea ng'eanyi; gwadeaba eafunyeagwa eaweeda nyarasta NG'UTAMIIDA.

IITOODA 12:3

Nea abeeda siisi was Musahiin ea siida garbabu muuchi gil ea ghang'al buuneesean mida badayda ng'eanyiida.

Mattayo 11:29

Aghasana geat yookeedeanyu, ak ghoanaalanaan ng'asheega; aba gideaba aniini geewooschi ng'eeni nea geayeadayi geaw ng'eanyi aba guroroodeanyu, ak abeeda gajanyasa hooseaneega aba jeesingeagwa.

Mattayo 21:5

“Ayeeshiina hudeaba Sayuni, Ang'wearda, sugoocheandaang'u ghwaan headaang'u, ea ng'eeni nea gwading'da digeeda, gureenda digeeda, dayeenda digeeda.”

Ruumi 4:13

Aba gideaba heeleesiindida bea Abrahamu ea jeataanyiin, bea gideaba gaygwahearan ng'eanyiida mwaani aba deaweeda geataw aba doobiiwnata siitaw aba masaweegean.

Galattiya 5:23

Garbabanda, giing'ooydeaba geaw, aba badaydeaba ng'asheesu manda deaweeda.

Efeeso 4:2

nea gooyeadayi geat ng'eanyi ak goowooschi garbapi, nea ghoahang'waanyi nea goomilikideaysi geat aba bariinyeega,

Golosaayi 3:12

Asi ookwealsheata fuga niloat ASEETA, ghaydidi sibwariiy, bea jeesinga bayiida buuneeda, ea ng'eeninda, eatoodeaba geat bea ng'eanyi, miyinda ea milikghteayda,

1 Dimotteo 6:11

Asi ang'iing'i siida ASEETA, ang'aamwana geaw ng'asheesu ak giyaadi geeshta doobiiwnata, ea badita ASEETA ea masaweega ea bariinyeega milikghteayda ea garbabanda.

2 Dimoteo 2:25

Aba damandida reekusiina fuga mamwasa ng'asheagaaschiin, gammiisa ea garbabu aba gideaba iideepa gwasa gwadeepa ghoadaw ASEETA fiisu duukuunooda ak ghwanal huumeanda.

Ditto 3:2

adagoong'eawi siida wassean, amulsiina jaliida, ahuwa eemoojiga miyaas, nea ghoahiimu garbabanda sean aba heeda buuneesean.

Yakkobo 1:21

Asi oosheagiidana geat ririnnyeanda ea gasooda hawunda muy ak ghoang'waanyi aba garbabanda ng'asheandida, ammu gwaleabu gurooruunatkeagwean.

Yakkobo 3:13

Nih ng'eaha aba jeedeang'wa mideawa weaghuumeeda ea fughareeda? Aba giibindaanyi miy dahiimna gadiyoojigaaschi aba garbabanda ea weaghuumeeda.

1 Betro 3:15

aba jeesinga gurooruunatkeagwa asisiina Gristo mureeda gawuurji Ng'utamiida. Nea galeagasean goowooschi hideadi nea goofurji giliwas sih guurneegwa aba rarooda mida jeedeang'wean, ak goosinyi aba garbabanda ea mureeda;

1 Betro 3:4

gammiisa gawoos siida funyaat aba guroorooda bea suulga mayghwadatasa ak gabiissa ea ng'eeni nea siindeawoot gurooru, nea aba madeeda ASEETA ea haw sheayeat.