Mattayo 5:22 - Bibliyeeda Ghaydit

²² Ak aniini geayeeshiineegwa, siida wassean jea gwanyareeksa orjeeda ghaamwat gammiisa girgweaksiinda; ama dea ang'eawi orjeeda ghaamwat gammiisa eata madeeda gweargwa, ama dea eesha orjeeda ghaamwat, ‘Guwoosi leekghteanda!’ Gammiisa beasta maloonghajeega.

NEAJEEDA EESH BEA BUUNEESSEAN

²² Ak aniini geayeeshshineegwa, siida wassean jea gwanyareeksa oorjeeda ghaamwat gamiisa giirgweaksiinda; ama dea ang'eawi oorjeeda ghaamwaat gamiisa eatta madeeda gweargwa, ama dea eeshsha oorjeeda ghaamwat, ‘Guwosi leekghteanda!’ Gammiisa beasta maloonghajeega.

Mattayo 5:22 Mawu Ofanana

GIING'EETA 37:4

Hean daah orjooga ghaamwat gideaba ghabwariiy ghwaan muuchi ea ghoadaraam orjooga ghaamwat, hean geesit, ak iissa ea meebaloola aba ghuuta miy.

GIING'EETA 37:8

Ng'ata gwayeesha orjooga ghaamwat niny, “Aba huumwa ang'iing'i gajambalaneasa? Ghana ang'iing'i jea ahaaghwaneasa aba huumwa?” Hean geesit muuchi aba giirgweatkaaschi ea aba ng'asheagaaschi.

2 SAMWELI 16:7

Iidu gwayi Shimeyi aba mooshteaydaanyi, “Una, una, siida foojeanda, was siida marachi gil!

2 SAMWELI 6:20

Ak gabiikta Dawdi googeachi gheanyi. Gwardu Mikali was hudeaba Sawli ak ghwaan roonyeeda Dawdi, ak gwayeesha, “Sugoocheanda Israeli ninung' gwaheedu gheawungaaschi askweareani, ak ghoahiimu dawiishnataanyi askweareani aba madeeda gheanyanga haweega fugaaschi bea gadiyeeda, gawuurji siitasha!”

1 SUGOODIGA 21:4

Ak gabiikta Ahabu gheanyi nea gagiisan nea ghwanyareas aba gida rukusa Naboteeda ng'eanyiida Yesneli; aba gideaba gwayeesha, “Maydagoonyi hearana heeda ghweanigeasu.” Ng'ata gawiil geaw aba badayda bulaliidaanyi ak ghwasach uhuuda nea ghaheawa gweagiischi.

2 DAMANYOOJIGA 16:10

Ng'ata ghoanyareas Asa meang'nyeandida, ng'ata gwajaksa jeeda gheeda ghealooniga, aba gideaba ghoanyareas ng'asheandida. Hean ghoang'eat Asa aba damandida sawanda fuga mwaatkwa.

2 DAMANYOOJIGA 19:5

Ng'ata ghwaloat fuga laja girgweaguutka aba jeeda mujiinajeega sineaweesa hilooga bea Yuda, aba jeemba gilinyoo ea mujiini gil,

NEHEMIYA 5:8

ak geayeeshi saawa, “Aseasa aba gidasimuusti silealu fugaasa siduupcheewi was fuga Yahudi, ghayi sishaayda aba heeda fuga eemoojiga; ak agooga googasayi ashaayda fugeagwa ooduupcheewi nea googasayi anung' eashaaha aseasa!” Hean geasiinda, nea manda ng'asheanda sirugu.

NYIIGHEEGA 109:3

Ak ea nineaweesean aba ng'asheega sicheeda, ak geang'ucheewi mwadaagha.

NYIIGHEEGA 14:1

Siitasha gwayeena aba jeeda gurooroadaanyi, “Manda ASEETA.” Niramwas sean, nisin ng'asheega munyas, manda siida sina gidamiy.

NYIIGHEEGA 25:3

Asaha, fuga amuukghuneey mayghabwaspwas eara akaleala; dabwaspwasa fuga sean heawaneey mwadaagha;

NYIIGHEEGA 35:19

Fuga was weajoodigeasu adinung'waadi ghwaak badaydeanyu, nea fuga sidan ea adagwajuukean mwadaagha.

NYIIGHEEGA 37:8

Aheeleewana geaw nyarasta, ak ginung'waadi ghuuteaba geaw! Adinyareasi; aba gideaba huuydeanda gaysina gidamuy.

NYIIGHEEGA 49:10

Huumwa, gayghwadaah gideaba eara fuga weaghoodi gameewa, siitasha ea rageananeeda gaygoosha duwaawi ak gwanung'usa baruureega nyaawa fih suuk.

NYIIGHEEGA 69:4

Fuga sidan mwadaagha aasaang'a ea gaburdeawa buudeega uhuudeanyu; ak fuga gasa ghabwaran gwandeawa uurjeenga muuchi, fuga bwaran aba ng'asheega ng'uyeega. Neada gaydaamu deadeelu gida mii dajagwadi?

NYIIGHEEGA 7:4

ghana iineasimi gidamuy siida eaduupcheewi, ghana dang'eesa weajoocheandeanyu ak ghaabwarji mwadaagha,

NYIIGHEEGA 92:6

Siitasha moamu ghwanal nea rageananeeda ea moamu ghwanal ng'asheesu.

GHWASIILDEANGA 14:16

Siida mideawa weaghuumeeda inyeesa ghoawal riing'eeda, ak gamuliisa ng'asheega munyas, nea siida bearji leendeeda inyeesa ghoabita jeeda nea maduupa.

GHWASIILDEANGA 18:6

Ng'asheega siida dasha inyeesa gweadu jaliida, gilinyoo gwarugu sean gooruuta ghoorjooda.

YEREMIYA 17:11

Siida nyas meanang'oocheanduumeeda aba naweeda ghwanaat, gawuurji udamughusheanda amughuush dayeega mooruuna niny; ak aba jeeda eawoojigaaschi gajeanung'wa heeda niny, ak muudeanooda eaweagaaschi gayghoah siitasha.

HEAREEGA 3:52

“Aniini geayaaganaan shageata dawuurji dariideanda aba gisin weajoodigeasu nea mwanung'waada;

DANIELI 3:13

Hean ghwanyareas Nebukadinesa muuchi ak gwarukuta gideaba ayeani Shadraki, ea Meshaki, ea Abedinego. Ak geeyeadu fiisu madeeda sugoocheanda.

DANIELI 3:19

Hean ghwanyareas muuchi Nebukadinesa, ea ghwayamwa gheamamdaanyi aba badayda Shadraki, ea Meshaki, ea Abedinego. Ak ghwanung' eaghwar duwayda niba ispwa ea ghwanaawa damanda eawoojisu.

OBADIYA 1:10

Ak ng'asheanda muy isisi orjeeda geamadu was Yakobo, gaynyasa baspaseega, ak gajeasachnyi damanda manda muudeanooda.

OBADIYA 1:12

Ak ea ading'ulayi eawoojiga orjeeda geamadu was eawoojiga habitkwajeega; ak ea adihoosani aba badayda fuga Yuda eaweeda habitkwajeega nyaawa; ak ea adiidiing'u geaw eaweeda sawanadeeda.

Mattayo 10:17

Ashageada buuneeda aba gideaba gayghwaadeagwa gheeda siirgweacha nea ghabwareagwa aba jeesinga gealga nyaawa siinealshacheewa.

Mattayo 10:28

Adoawali fuga ammu gwanuus saseeda ak ea moamu gwanuus guroorooda; ghang'wana giiwali siidida ammu gwanuus saseeda ak gwajaksa guroorooda jeeda maloonghajeega.

Mattayo 12:24

Iiy Farisaayajeega ng'asheesu gwayi, “Siisi ghahoan meangeenda aba gideaba gwandeawa uurda Beelsebuli, meang'nyeandida bea eenda hawiin.”

Mattayo 17:5

Damani duu gabaloolean deagheata ghwahidu shamooghooda eesh ak gwadukuta, ak ghwanyaasha ghuuta jeeda shamooghooda nea gwayi, “Nih Orjeedeanyu aabwariinyi ahoosanani, ooleeysiina iit niny.”

Mattayo 18:21

Iidu gawa Betaro heeda ak ghoanyaash nea gwayeesha, “Ng'utamiida, heapi orjeeda giyeanya iyadiiysean gaydasamsa niba hada? Niba ispwa?”

Mattayo 18:35

Asi gwasunu eara Bwaabeeda mida humng'eeda gaygwahinduneegwa eara agooga iimaba siisi samsa orjeeda geanyaawa aba jeadaanyi sean.”

Mattayo 23:15

Ashageada geat ng'oorshoodiga ea Farisaayajeega amiitu geat! Aba gideaba gooneayeewi jeesinga baskweega ea ng'eanyiida bwadaw nea googasayi siyagi jea ghwalaalaan, amadu nea niiw, ghoanung' ghoah baleanda maloonghajeega niba iyeenya ea ghwanaawaneegwa agooga.

Mattayo 23:33

Ea ichipkeega ea dayeega udang'usheega, gajoamuustaan amulsiina girgweageeda jea ghwaadeagwa heeda maloonghajeega?

Mattayo 25:41

Iidu gaygwayeesha fugiga mida meatkweadaanyi bea geatinda ghaadaamiin, ‘Oang'amwana madeedeanyu, fuga ghayi simwaashta, aweayeena jeeda beasta manda muudeanooda ghayi sibay eerarsa meang'nyeandeenda ea malaykajeagaaschi;

Mattayo 26:59

Hean gagasa Ashoohoodiga hees ea gweargwa sean bea gheeda girgweageeda ng'asheanda ng'uyyeega jea eemuuwu aba badayda Yesu jea iidu eenuuksa,

Mattayo 3:17

deagheata, ghwanya ghuuta nyaasha humng'eeda nea gwayi, “Nih Orjeedeanyu aabwariinyi, ahoosanani.”

Mattayo 5:34

Ak aniini geayeeshiineegwa, adiidu ghoayaaji habeawooda eara gili mwanang', eara aba humng'eeda aba gideaba hoorgeeda sugoocheanduumeeda ASEETA gil,

Mattayo 5:44

Ak geayeeshiineegwa, abwariinya weajoodigeagwa amoasha ghawooda aba badahuuka fuga sawaneegwa.

Marko 14:55

Iidu gagasa ashoohoodiga hees sea gweargwa girgweageeda siida jea gamuuwu giidiinyeanda Yesu, ak abeeda gwanuus ak ea mwanyasa.

Marko 15:1

Iimuchu nea gudughaghar gayeew gabalool Ashoohoodiga hees sea gweargwa, ea giinealshoodiga diineeda Yahudi ea girgweageeda sean, ak ghwarat Yesu aba biingu, ak ghwaat ea ghwayiin geatinga Bilato.

Lukka 12:5

Gaydamiin gheang'deang'wa aba dea jea oawala, diita ama nuusiin, ghoamu gwajaksa jeeda duwayda mamiisean; asaha geayeenyi oawala niny!

Lukka 22:66

Sakteayda nea goorearu aseeta, gabadageat gweargwa sea ashoohoodiga hees, ea ng'oorshoodiga, ak geeyeadu madeeda girgweageeda, ak geeyeesha,

Yohaana 11:47

Gwasin Ashoohoodiga hees sea Farisaayajeega girgweageeda nea gwayi, “Gajeesina naaha? Anda siisi iissa gwasin gwadeagwajeega saang'a muuchi.

Yohaana 15:25

Ak gwasa gidasung'oar aba jeeda deaweeda gideaba, ‘Ghwastan mwadaagha.’

Yohaana 7:20

Hean ghwasha buuneeda nea gwayeesha, “Gindeawi meangeenda! Gagaseadayi ng'eaha gwanuusnyi?”

Yohaana 8:48

Ghwasha fuga Yahudi nea gwayeesha, “Neada ea meatoabiiwi rukunooda gideaba guwoosi siida Samariya, ak gibwadi gideaba gindeawi meangeenda?”

Gadiyeeda Giijasoodiga 17:18

Iidu gwaroonyi sea fuga siguura Epikureo ea Stoiki mideawa fughareenga. Hean gwayeesha fuga mwaatkwa, “Siisi ajuuriin gagasa gwayiin?” Gwayi mwaatkwa, “Iising'ulayi ea rabascheanda rukwiida giijasta aseecheeka meanala”, aba gideaba gwaruku ng'asheega Yesu ea ng'asheega duunooda.

Gadiyeeda Giijasoodiga 22:30

Iimuchu sakteayda, gagasa danal gidabaysiina fuga Yahudi giihaakteaydaanyi, ak abeeda gootin, ak ghwanung' ghabwat gea ashoohoodiga hees sea gweargwa girgweageeda, ak gweadu Bawlo ak ghwanung' ghamiinaada aba madeanyaawa.

Gadiyeeda Giijasoodiga 23:1

Hean gang'ula Bawlo fugiga bea girgweageedean muuchi ak gwayeesha niny, “Fuga eaduupcheewi, aniini geabiideawi guroorooda miy aba madeeda ASEETA ea ghoah ghamneawa.”

Gadiyeeda Giijasoodiga 24:20

Ghana nung'waada fiisu gwarugu ramaseanda deaksean aba damanda ghayi eamiinaadawi aba madeeda girgweageeda,

Gadiyeeda Giijasoodiga 4:15

Iidu nea gwarukusa saawa gideaba ariteawana jeeda girgweageeda, hean goobalool geat saawa nea gwayi,

Gadiyeeda Giijasoodiga 5:21

Iing'ata nea niyiiy ng'asheesu, muchu gaweay jeeda gheeda sibata ASEETA askweari ak goonealshi. Ng'ata ghwahidu ashoohoocheanda haw sea fuga mideawa ak gaguursa gweargwa girgweageeda ea fuga sean argweaji bea Israeli, ak goojeakta gaweay ghealooniga gweadu fugiga.

Gadiyeeda Giijasoodiga 5:27

Iidu nea siyeadu saawa, geanung' ghamiinaada aba madeeda girgweageeda. Ak ghoang'eat ashoohoocheanda haw ghoanyaash nea gwayeesha,

Gadiyeeda Giijasoodiga 6:12

Ak geeng'uuchi buuneeda ea gweargwa ea ng'oorshoodiga, hean geeweesa niny ak geeng'waay ak geeyaat madeeda gheeda sirgweacha,

Gadiyeeda Giijasoodiga 6:15

Asi gang'ula buuneesean niny, nea fuga sean mida jeeda gheeda sirgweacha ghwadaah gideaba gheamamdaanyi gawuurji sea gheamamda malaykajeanda.

Gadiyeeda Giijasoodiga 7:37

Nih Musa dea ghayi eesha fuga Israeli, ‘ASEETA gaygoojeakseegwa sibaneeda jea gawuurjeewean ak siisi gaygwaleabu jeeda fuga ooduupcheewi.’

Ruumi 12:10

abwariinya geat agooga, aba bariinyeega huumwa bea orjooga giyeang'wa nea aba mureeda goosheedi buuneeda suurja.

1 Goriinto 6:10

ghana mareanghooga, ghana fuga geawi gheanyan, ghana leeyda, ghana fuga giing'weaka, ghana fuga areedi fih haleanjeeda jea gwahearan sugoocheanduumeeda ASEETA.

1 Goriinto 6:6

iissa gawa siida ghoahaakta orjeeda ghaamwat, ea biissa aba madeeda fuga mandeawana masaweega?

GIIPKEATA DIIGHEANDA 15:11

Aba gideaba fuga barbari maygoosha aba jeeda ng'eanyiida; ak ghamneawa gearukuneey gideaba gajahiisiina geatingaagu orjeeda geamadu ea siida gasa weeta ea siida bwarbwar, aba jeeda ng'eanyiida.

GIIPKEATA DIIGHEANDA 16:18

“Gaygwalni fuga aheeldooschi buuneeda ea shirikarajeega hees aba jeeda mujiinajeagaagu goonyi NG'UTAMIIDA was ASEATAANG'U, aba giteena eemoojigaagu; ak gaygwalaja girgweaguutka buuneeda nea ghoadoabiiw.

1 Desaloniikke 4:6

ak ea manda siida adiiy, ghana goodiiysa orjeeda ghaamwat aba ng'asheanji, aba gideaba Ng'utamiida dea jea ghawalda mureandoodeaba haleanjeeni seaniini, gawuurji gissibean eamiinda gheang'deang'wa aba mureeda.

Ditto 3:2

adagoong'eawi siida wassean, amulsiina jaliida, ahuwa eemoojiga miyaas, nea ghoahiimu garbabanda sean aba heeda buuneesean.

Ebraniya 12:25

Asi ang'ula adiidu ghoaheawi ninyeeda balool. Aba gideaba inyeeda saawa ea mamng'awa damanda heaweawa ninyeeda reekusa saawa aba jeeda ng'eanyiida, abeeda gajeemng'awdaan iisiheawi ninyeeda reekuseasa aba humng'eeda.

Ebraniya 5:9

amadu nea siimajeek ghoah giing'eeta lealeanooda mamuudeana aba heeda buuneesean sissa niny mureeda,

Yakkobo 2:20

Ak gigasayi eahiimneeyi ang'iing'eeda was siida marachi gil, gideaba masaweega iimandeawana gadiyeeda ea maygwaji?

Yakkobo 3:6

Ak ng'ushapta ea beasta. Nea ng'ushapta ea gidamiidoabiiwaat gil aba jeeda fugaasa, iissa ghang'uda saseesean ririnnyeanda, iissa goong'eesa beasta haleanjeedeaba garayi, ak ghoang'eat jeeda beasta hang'weaniidooda.

1 Betro 2:23

Niny ghayi iisiing'eawi ea miighoadeelda giing'weaka; nea eara iisawana ea miigoomuuw sih; ghaghus ninyeeda laja girgweageeda nea ghoadoabiiw.

1 Betro 3:9

Adoowaliideawi ng'asheanda muy dea muy ghana giing'weaka ea giing'weaka; ghang'wana giidawi ghawooda, aba gideaba geeguurneey aba badaydeaba ng'asheanji, ak abeeda ginyasi ghawooda.

1 Yohaana 2:9

Siida eena geandi jeeda weeshinda, nea ghwasit orjeeda ghaamwat gwanda jeeda misaneeda eara ghamneawa.

1 Yohaana 3:10

Aba nih abeeda gajeadaah gideaba diibiga ASEETA akeega gil, ak ea akeega gil diibiga meang'nyeandeenda, aba gideaba dea masina ng'asheega doobiiweadi maba ASEETA, ghana dea mwabwariinya orjeeda ghaamwat.

1 Yohaana 5:16

Siida wassean iidaah orjeeda ghaamwat nea gwasin riing'eeda maba miyeeda, abeeda damwaasha ghawooda, ak gayghoadaw ASEETA eaweega aba badahuukeaba suh sina riing'eega maba miyeedean. Gwanda riing'eeda was dea miyeeda; meayeeni gayghamwaash ASEETA aba badaydeaba nih.

Yuuda 1:9

Nea Mikaeleeda was malaykajeanda haw, gang'aleali sea meang'nyeandeenda, nea gwasheang'nyeesa saseeda Musa, mii gabadaksa rukunooda giing'weaka aba badayda girgweageeda mida badaydaanyi, geaghus gideaba gwayeesha, “Gagasa goowoowseey Ng'utamiida.”

Giidaheechta 20:14

Hean geejaksa miyeeda ea Gheeda maloonghajeega jeedeaba basoodida bea beastean. Nea nih ea miyeedeaba iyeenya gil, basooni bea beastean;