Mattayo 5:16 - Bibliyeeda Ghaydit

¹⁶ Asi eara weeshindeang'wa gagasa ghoabwaay buuneesean, amadu nea ghwadaah gadiyoojigeagwa miyaasiin ghoaghaambiit Ghweandeang'wa mida humng'eeda.

NEAJEEDA EESH BEA BUUNEESSEAN

¹⁶ Asi eara weeshindeang'wa gagasa ghoabwaay buuneessean, amaduw nea ghwadaa gadiyoojigeagwa miyaas ghoaghambiit Ghweandeang'wa mida humng'eeda.”

Mattayo 5:16 Mawu Ofanana

RITEAYDA 34:35

ghwadaah fuga Israeli gheamamda Musa, nea muunda gheamamda Musa ea niweeshiit, ak gageanu Musa gwarasa weasta gheamamdaanyi gicha, ea eaghus gawa gea gabalool sea niny.

GHWASIILDEANGA 4:18

Ak naweadinga fuga doobiiweadi gawuurji weeshinda abwaay muuchi askwearda sean.

ISAYA 58:8

Abeeda weeshindaang'u gaygawuurji gidagharda gayeew, nea iyoomnyaanyi gajabean ahaabwa, ak doobiiwnataang'u gaygawa madeadaang'u, ak gaygweadu geashtaang'u giigheambiita NG'UTAMIIDA gafurnyi.

ISAYA 61:3

Ak ghaadawji fugiga ayeawdean aba Sayuniin– shiipka deakghweeda gawa hoorgeeda deareeda, ea nagheeda ghweelmeeda aba hoorgeeda giinyahuushooda, eaghwada gwarsiinda gawa hoorgeeda guroorooda durumwana ak saawa gajeeguura sawacheeka doobiiweadi ghayi ng'aapta NG'UTAMIIDA aba gideaba eakghaambiit.

Mattayo 23:5

Gicha sinaweega nyaawa sean inyeesa gwasin ghwadaah buuneeda aba gideaba iissa gooheetu barawajeegeagwa bea mooshta ghawooda, nea googeawiidi seapseapta nyaawa.

Mattayo 23:9

Nea adooguuri siida, Bwaabwa aba ng'eanyiida aba gideaba, Ghweandeang'wa ea akaleala nea gwanda humng'eeda.

Mattayo 5:45

Abeeda gajahuuwa orjooga Ghweandeang'wa mida humng'eeda; aba gideaba niny iissa daknoadaanyi gooboong'sa fuga munyas ea gea miyaas, ak gwaroobassa roopta fuga doobiiweadi ea gea mii doobiiweadi.

Mattayo 6:16

“Nea iyoolluuldi geat, ea adoowuurjeewi fuga amitu geat, saawa iissa gookaroomnyi gheamamuunatka nyaawa ghoahiimu geat ghwadaah buuneeda gideaba niiluulda geat. Aba gideaba geayeeshiineegwa suh ninyas giimearda nyaawa.

Mattayo 6:9

Asi amwaashtunu ASEETA: Ghweandeanya mida humng'eeda, Gheawungaagu eakghaambiida.

Mattayo 9:8

Daah eemeeda siidida ghang'ut muuwda ak ghoaghaambiit ASEETA ghayi adaw buuneeda gheambalmeeda sunuun.

Lukka 11:2

Gwayeesha saawa, “Iyoamwaashchi ASEETA gooyeenyi, “Ghweandeanya gheawungaagu nung' eakghaambiida. Nung' ghwahidu sugoocheanduumeadaang'u.

Yohaana 15:8

Aba nih geakghambiit Bwaabwa, iissa iyoojiili haghweega saang'a, nea ghoahuuyi giinealangeasu.

Gadiyeeda Giijasoodiga 9:36

Abeeda gwanda ng'eanyiida Yopa giinealaneeni siguura gheawungaaschi Dabita, nea gideaba Dorkasi gil. Abeeda gwasina gadiyoojiga ninyas nea gaweeda buuneeda.

1 Goriinto 14:25

Makcheameeda jeadaanyi gajeanung' ghwadaajiit; ak abeeda gwatkuy, ak gayghabwat ASEETA ak gwarugu gideaba aba huumwa ASEETA gwanda jeedeang'wa.

2 Goriinto 9:13

Aba simsimdeaba gadiyeeni, gajoakghaambiida ASEETA aba mureedeang'wa aba masooda Giijasta miy bea Gristo, ea aba badayda inyeanda jeesingeagwa oatawji saawa ea buuneesean;

Galattiya 1:24

Hean geekghaambiit ASEETA aba badaydeanyu.

Efeeso 2:10

Aba gideaba aseasa geawooschi gadiyeadaanyi, gwasinneasa naweeda Gristo Yesu, aba gadiyoojiga miyaas, ghayi bean gwasin ASEETA aba mwadi, gideaba eeyaada geeshta.

Efeeso 5:8

aba gideaba ghayi agooga goowooschi misaneeda, ak ghamneawa goowooschi weeshinda aba jeeda Ng'utamiida; asi abeeda diibiga weeshinda

1 Desaloniikke 2:12

ak ghoabeadi gidahaguuwdaneegwa aba madeeda ASEETA, ghayi guurneegwa agooga ak abeeda gooweayi jeeda sugoocheanduumeadaanyi ea giigheambiitaanyi.

1 Dimotteo 2:10

Ak suulga nyaawa gidabal ea giibinda nyaawa miy gil aba gideaba nih gidamiisa gadeemga awali ASEETA.

1 Dimotteo 5:10

Ak ea simoowuuna badaydaanyi ng'asheega miyaasiin bea giireerda diibiga, ak ea nideapta rabasta nea niihuun geeshanga fuga ghaydidi ak ea niweat fuga mida jeeda sawanadeeda, ak ea nisin muuchi ng'asheega miyaas.

1 Dimotteo 5:25

Ak aba sareani sinooda ng'asheega miyaasiin aadaach ak eara giika miidaajiin ea majeamu eafuy.

1 Dimotteo 6:18

Dasina ng'asheega miyaasiin ak ghoaw meanang'oodiga aba sinooda gea miyaas, ak ghoadayda haleanjeeda nyaawa nea gabareanyi sea buuneesuurja aba jeeda miy,

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ditto 2:7

Ahiimda geaw aba mureeda sean eadaa oormeeda gadiyoojiga miyaas, nea aba giinealshoadaang'u giihiimu seareeda miy, ea gideeneadayda,

Ditto 3:14

Ak eara fugaasa saawa gammiisa gideaba ghoanaal geat giibinda jeeda sinooda ng'asheega miyaas, ak gwasisin ng'asheega gasa ealamwach sinooda, ak ea mawoosa gea manda haghweega.

Ditto 3:4

Ak miyinda ea bariinyeega ASEETA was lealnoocheandeanya geataajiit,

Ebraniya 10:24

ak geanali gichea eanung' gabarinyiida geat buuneeda ea gadiyoojiga miyaas,

1 Betro 2:12

Andeawana searoojiga miyaasiin aba jeeda Eemoojiga, aba gideaba iisinapsa badahuukeagwa ng'uyeega gideaba goosinyi ng'asheega munyas, hean iing'ula sinaweegeagwa miyaasiin ghoaghaambiit ASEETA eaweeda jea ghwahina.

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

1 Betro 3:1

Asi eara agooga gadeemga, asisiina siyeenndigeagwa mureeda, aba gideaba, iimida gea masisiina mureeda ng'asheega, geeksu nea manda ng'asheanda geaghus searoojiga gadeemga nyaawa,

1 Betro 3:16

nea ghoanung' gamiyeasiidi fughareengeagwa, ak abeeda iisiipwaaspwaaseegwa, abeeda fugiga ang'eawi alooheedeang'wa aba jeeda Gristohiin abeeda geanung' ghabwaspwas,

1 Betro 4:11

siida wassean balool, gawuurji dea ruku ng'asheega ASEETA; nea dea wassean sin gadiyeeda, dawuurji dea sin gadiyeeda aba uurda adaw ASEETA; ak abeeda aba haleanjeeda sean geakghaambiit ASEETA aba naweeda Yesu Gristo. Giigheambiita gammiisa niny ea gheambalmeeda ea ghoah damanda manda muudeanooda. Amin.

1 Betro 4:14

Iisiyaataneegwa ghuut aba gheawunga Gristo ea ng'wanaweegeagwa gil aba gideaba guroorooda giigheambiita bea ASEETA gwanda badaydeang'wa.