Mattayo 5:12 - Bibliyeeda Ghaydit

¹² Ahoosana nea goong'weelayi, aba gideaba giimeardeang'wa aahaw aba humng'eeda, nih gidaghayi bay gwasawanda buuneeda sibanga ashooynaneegwa.

NEAJEEDA EESH BEA BUUNEESSEAN

¹² Ahoosana nea goong'weelayi, aba gideaba gimeardeeng'wa ahaw aba humng'eeda, nii gidaghayi bay gwasawanda buuneeda sibanga ashooynaneegwa.”

Mattayo 5:12 Mawu Ofanana

GIING'EETA 15:1

Iimuchu nea ghang'ata ng'asheesu ghwahidu ng'asheanda NG'UTAMIIDA heeda Abramu aba giirgweatka, ak geehiimsa nea geeyeesha, “Adibeali Abramu, aniini geawooschi igeamboadaang'u; asi giimeardaang'u gaygwaheedu.”

1 SUGOODIGA 18:13

Miyeerukusa siideanyu haw gideasinyi damanda nuus Yesebeli sibanga NG'UTAMIIDA, gida aafuydi fih bughala bea sibanga NG'UTAMIIDA nea gweata haradam ea damanamughuush aba jeeda gwaleadinga, ak ghaang'aataawi mukaate ea beega?

1 SUGOODIGA 18:4

Nea Yesebeli ea nihuuyda sibanga NG'UTAMIIDA, gageanu Obadiya siban bughala ak ghafuy nea ghwanung' gabadiina haradam ea damanamughuush aba jeeda gwaleeda, ak ghoadaw mukaate ea beega.)

1 SUGOODIGA 19:2

Hean goojeaksa Yesebeli giijasoocheanda heeda Eliya, nea gwayeesha, “Gagasa gwasinnean aseecheeka, ea suuk gea saang'a inyas meanung' gawuurji eaweagaagu geaba siyagi aba jeenyaawa numuji damanda uurji ghamneawa.”

1 SUGOODIGA 21:20

Gwayeesha Ahabu Eliya, “Ninyaschaan, Ea weajoocheandeanyu?” Hean gwayeesha Eliya, “Naanyascheey, aba gideaba nishaaydi geaw aba heeda siida muy aba madeeda NG'UTAMIIDA.

1 SUGOODIGA 22:8

Ng'ata gwayeesha sugoocheanda Israeli Yehoshafati, “Gwanda siyagi jea eepearsiina ng'asheanda NG'UTAMIIDA, Mikayaheeda was orjeeda Imla; nea aniini ghaasichi niny, aba gideaba moang'wa ghwaramoaran gea miyaasiin aba heedeanyu, geaghus gea munyas.” “Manda adiidu ghwanyaashtunu sugoocheanda.”

2 SUGOODIGA 1:9

Ng'ata goojeakta sugoocheanda shirikarajeanda haw ambal lugooda. Sea fih haradam ea damanamughuush. Ak geeweesa Eliya hean geahita nea goopteada aba uhuuda heayeeda. Hean geeyeesha “Ea orjeeda siida ASEETA gwayi sugoocheanda, ‘rarang'aana.’”

2 DAMANYOOJIGA 16:10

Ng'ata ghoanyareas Asa meang'nyeandida, ng'ata gwajaksa jeeda gheeda ghealooniga, aba gideaba ghoanyareas ng'asheandida. Hean ghoang'eat Asa aba damandida sawanda fuga mwaatkwa.

2 DAMANYOOJIGA 36:16

ak saawa gaminda gwajuuga giijasoodiga ASEETA, nea gafool ng'asheagaaschi, ak gabara reari sibangaaschi, bwak ea goobissa nyarasta NG'UTAMIIDA heeda fugaaschi, bwak ea eamudu gwanda siida jea ghaghu.

NEHEMIYA 9:26

“Ak ea miigwasineey mureeda nea ghaheawaneey ak gwajaksa deaweedeadaang'u mureeda badahuuka nyaawa, nea ghabwar sibangaagu, ghayi rukwiisa saawa ng'asheega gabiigu saawa headaang'u, ak geesin ng'asheega hees munyas.

NYIIGHEEGA 19:11

Ak siidaang'u gadiyeeda iissa geamiina gheang'da ng'asheesu; nea iing'waanyi ng'asheesu gwanda giimearda haw.

NYIIGHEEGA 58:11

Ak gaygwayi siida, “Aba huumwa gaygwanda gidageatinda siida doabiiwaat; aba huumwa gwanda ASEETA laja girgweaguutka aba badayda ng'eanyiida.”

GHWASIILDEANGA 11:18

Siida muy gayghwanyas mushahareeda ng'uyeega, nea dea sin ng'asheega miyaasiin gayghwanyas nyageadayda huumwa.

ISAYA 3:10

Ayeeshiina fuga doobiiweadi gideaba saawa ghang'wana, aba gideaba gayghwaak haghweega gadiyoojiga nyaawa.

YEREMIYA 2:30

Aniini naayaagi fugaagu ghoorjooda ak ea marachi gil, ak ghaheawa girgweaksinda; ak ng'utaang'u ea nihuuydeayda sibangaagu ng'adiida bearji jalooda.

YEREMIYA 26:8

Hean ahiit Yeremiya rukunooda ng'asheega sean ghayi adaw NG'UTAMIIDA jea gwarukwiisa buuneeda, hean ghwaang'waayi ashoohoodiga, sea sibanga ea fuga sean ak geeyeesha, “Ang'iing'i gaymeawa!

YEREMIYA 37:14

Ghwalamda Yeremiya ak gwayeesha, “Manda aniini meawani daguuy sea fuga Galdayo.” Ak Iriya niny ea mamwasa, ak ghoang'waay Yeremiya ak ghwaat heeda fuga hees.

Mattayo 16:27

Aba gideaba Orjeeda Siida gayghoana giigheambiita Ghwaan nea goodeana malaykajeega ak abeeda gayghoadaw gilinyoo ea sihi gidageatindaanyi aba sinaweagaaschi.

Mattayo 6:16

“Nea iyoolluuldi geat, ea adoowuurjeewi fuga amitu geat, saawa iissa gookaroomnyi gheamamuunatka nyaawa ghoahiimu geat ghwadaah buuneeda gideaba niiluulda geat. Aba gideaba geayeeshiineegwa suh ninyas giimearda nyaawa.

Lukka 13:34

Ea Yerusalemu, Yerusalemu, gibarayi sibanga nea giftayi aba lagheanga fuga siicheagu headaang'u! Neagasayi niba hada damuughuushta diibigaagu gida amuguuriida nghaghooda dayeagaaschi aba jeesinga meang'eagaaschi, ak ghoaheawi!

Lukka 6:23

Ahoosana aba eaweedida, nea ghoang'waschi aba hooseaneega, aba gideaba giimeardeang'wa aahaw aba humng'eeda, aba gideaba nih gidaghayi hinda ghweaniga nyaawa sibanga.

Lukka 6:35

Asi abwariinya weajoodigeagwa, nea goosinyi gea miyaas, nea ghoanung' gooleakshi, nea adoofurdi goodeelneegwa gil; abeeda giimeardeang'wa gajaahaw, ak gajahuuwa orjooga ASEETA haw mida humng'eeda; aba gideaba niny aamiy aba fuga mabadiischeesiina ea gea geawi gheanyan.

Gadiyeeda Giijasoodiga 16:25

Hita bugusta eaweeda abeeda Bawlo ea Sila ghamwaash ASEETA nea gwasarman sarmeeda giigheambiita ASEETA, nea gooleeysiit buuneesuurja bea ghealooniga,

Gadiyeeda Giijasoodiga 5:41

Gwarita ak ghang'amwa madeeda girgweageeda, nea gahoosan aba gideaba gammiisa sawanadeeda aba gheawunga Yesu.

Ruumi 5:3

Ea meakghusa nih, aseasa geehoosanyi aba jeeda sawanaduutkaasa, nea geanali gideaba sawanadeeda iissa gweadu milikghteayda,

1 Goriinto 3:8

Siida hista ea dea iin beega gooyang'deay, amadu gay gaba siisi nyas giimeardaanyi gawuurji gidaghayi sinda gadiyeeda.

2 Goriinto 4:17

Aba gideaba sawanadeedeanya sinyaschi gaba gheadi nuwaas ak gwasinneasa giigheambiita haw manda gichea eegala,

Filippi 1:29

Aba gideaba agooga geegooneegwa gheata aba badayda Gristo jea agadiyeesiina, ea mabeachi masaweega gwanda eara gideaba gajeesawaneegwa aba badaydaanyi,

Filippi 2:17

Eara eayiinan uhuuda haleanjeeda sisapa geadi bea ghadooweeda aba badayda masaweegeagwa, aniini geahoosanyi nea geang'weelayi sea agoogeeni seaniin.

Golosaayi 1:24

Ak ghamneawa geang'weelayi aba sawanadeeda aanyaschi aba badahuukeagwa, nea aba saseedeanyu ghaahiichi giika shoodaan aba sawanadeeda Gristo aba badayda saseadaanyi, nea ea ganiisa,

Golosaayi 3:24

Nea ghoanali gideaba gaygagooneegwa Ng'utamiida gidageatindeang'wa bea hearaniischooda, ak googadiyeesi Ng'utamiida was Gristo.

1 Desaloniikke 2:15

dea ghayi nuus sean Ng'utamiida was Yesu ea sibanga, ak gooruutaneasa jarooda, ak ghoanyareas ASEETA nea ghaheawa buuneesean

Ebraniya 10:34

Aba gideaba noondeawi baydeayda aba badahuuka fuga mida ghealooniga, ak ghoamwaschi nea goohoosanyi aba giireeta haleanjeedeang'wa, nea ghoanali gideaba agooga goondeawi haleanjeeda miyaasiin jea ghwashng'u.

Ebraniya 11:26

Ak ghwanung' ghoah giing'weaka ea sawanadeeda Gristo meanang'oocheanduumeeda haw mawuurji maghasuuka siitiing'da bea ng'eanyiida Misri, aba gideaba ghoamuughu giimearda.

Ebraniya 11:33

nea aba naweeda masaweega ghwajoar darooraka, ak ghwanung' eesin gitoabiiw, ak ghwanyas heeleesiinda, ak ghwarat ghuusiga ng'anyeeka,

Ebraniya 11:6

Nea iimanda masaweega ahang'waay gideaba gajahoosana niny. Aba gideaba siida wassean jea gwaneekiisa ASEETA gagasa ghwanal gideaba niny gwanda ak goomeari fugiga gaseadayi ninyiin.

Yakkobo 1:2

Anung' ghoah haleanjeeda sean hooseaneega, fuga eaduupcheewi, aba iisisimsimeegwa aba gilakil,

Yakkobo 5:10

Aba gideaba gichea agalana was sawanadeeda ea milikghteayda, fuga eaduupcheewi, oapkaada sibanga ghayi rugu ng'asheega aba gheawunga Ng'utamiida.

1 Betro 4:13

Asi ahoosana aba gideaba noopareanyi sawanaduutka Gristo, ak abeeda eara agooga goohoosanyi nea goong'weelayi damanda jea eatahaaja giigheambiitaanyi.

RUTI 2:12

Gagasa gooheaneey NG'UTAMIIDA giliwas aba gida iisini, ak gagasa gagoonyi giimearda NG'UTAMIIDA was ASEETA Israeli, inyasi giibinda aba jeeda meang'eagaaschi.”