Mattayo 4:24 - Bibliyeeda Ghaydit

²⁴ Gageawiit iitaanyi aba ng'eanyiisean bea Shaamu, geeyeassa fuga sean miyeani, bearji heeluutka geeyoonung'weaka ea gea mideawa sawanaduutka, ea gea bearji meangeenda, ea gea ahiili, ea gea abitu damealga, ak ghoahaap.

NEAJEEDA EESH BEA BUUNEESSEAN

²⁴ Gageawiit iittannyi aba ng'eanyiisean bea Sirya, geeyeassa fuga sean miyeani, bearji heeluutka geeyoonung'weakka ea gea mideawa sawanaduutka, ea gea bearji meangeenda, ea gea ahiili, ea gea abittu damealga, ak ghoahaap.

Mattayo 4:24 Mawu Ofanana

2 SAMWELI 8:6

Ak ghwayiin Dawdi heeda jea eeratiisa buuneeda Shamooda Dameski; ak ghoah fuga Shaamu fuga gadiyeeda Dawdi nea gweadu haleanjeeda guskuseega. Ak ghoadaw NG'UTAMIIDA Dawdi jooriischooda aba hiji weah sean.

1 SUGOODIGA 10:1

Hean gatmooda was sugoocheanda bea ng'eanyiida Sheba, iidu nea ghwayiiy baruureega Sulemani bea gheawunga NG'UTAMIIDA, ghoan gwasim aba ng'asheega hang'oonyi.

1 SUGOODIGA 4:31

Aba gideaba niny ea weaghoot ea ghang'al buuneesean, ak ea weaghoot ea ghang'al Etani bea eemeeda Esarahi, ea Hemani, ea Galkoli, ea Darda, orjooga Maholi; ak ghwahita alooheadaanyi ng'eanyoojiga sean neaweesa.

1 DAMANYOOJIGA 14:17

Hean ghwadaambiir gheawunga Dawdi aba ng'eanyoojiga sean; ak gweadu NG'UTAMIIDA muuwudaanyi badahuuka eemoojiga sean.

1 DAMANYOOJIGA 29:2

Ak aba uurdeanyu sean ea neadiiwji haleanjeeda gheeda ASEETEANYU, dahaabu aba haleanjeeda dahaabu, lapiya aba haleanjeeda lapiya, gea dahaabu aba dahaabu, gharinga aba haleanjeeda gharinga, geediga aba haleanjeeda geediga; lagheanga sheayeeda haw, ea gea siinyiit, ea haleanjeeda musumaarajeega, ea gea heeluutka oormoojiga, ea lagheanga sheayeeda haw bea giliwas oorma ea lagheanga siguura marumaru.

RITEAYDA 15:26

nea gwayeesha, “Inyas giileeysiit ghuuta NG'UTAMIIDA was ASEATAANG'U, ak gisini ng'asheega doobiiweadi aba madeeda gheanyangaaschi, nea giileeysiit giirukuneey, nea giing'waanyi diigheanyeekaaschi sean, abeeda maydanung' ghoang'waanyi geeyooda wassean ghayi aang'udi fuga Misri aba gideaba aniini geawooschi NG'UTAMIIDA aheapeey.”

Mattayo 12:22

Hean Geeyeassa siisi ng'oaw biissa ea manda ghuuta bearji meangeenda; ghoahaap ak ghoang'wearda nea gabalool.

Mattayo 14:1

Aba damandida ghwayiiy sugoocheanda siguura Herode geawunda iita Yesu;

Mattayo 15:22

Hean ghwahidu headaanyi gatmoomba fuga Gananayo bea ng'eanyiita goojuur muuchi, nea gwayeesha, “Bwaydanaan, Ng'utamiida, Orjeeda Dawdi, gabearji hudeanyu meangeenda.”

Mattayo 17:15

“Ng'utamiida, eaniyean bwayda orjeedeanyu, aba gideaba goohiili, nea iissa gwasawana muuchi; niny iimiisean gang'adeesa jeeda beasta, ghana galanya jeeda beega.

Mattayo 17:18

Ng'ata goojuursa Yesu niny, ak gwariteaysa meangeenda, ak ghahaap orjeeda aba geeshangiga.

Mattayo 4:23

Gwaneayeewa jeeda ng'eanyiida sean bea Galilaya, nea goonealshi aba jeeda ghoorajeega nyaawa siinealshacheewa, nea gwarukwiida giijasta miy bea sugoocheanduumeeda, nea ghoahaap geeyoonung'weaka sean ea sawanaduutka mideawa buuneeda.

Mattayo 8:28

Iidu nea nuwa giigheawda mida ng'eanyiida Gadarene gwaroonyi fih iyeenya bearji meangeenda, nea gwaleabu heeda sibunyiisa buuneeda. Fiisu abeeda ea ng'weani ea eeyi bwak ea ghoawal buuneeda sigoodeaba naweedida.

Mattayo 8:33

Ghwahal geat haghweadoodiga ak gaweay mujiini ak ghoadaarda iiteaba ng'asheesu seaniin sea iiteaba fugiga bearji meangeendean.

Mattayo 8:6

ak gamearmearani nea gwayeesha, “Ng'utamiida soomjeandeanyu gwalil aba ghoah goobitu damealga nea gwasawana muuchi.”

Mattayo 9:26

Gageawiit iiteaba ng'asheanji aba jeedeaba ng'eanyiita seaniin.

Mattayo 9:35

Gwaneayeewa Yesu jeeda mujiinajeega sean ea gharang'weaka nea goonealshi aba jeesinga ghoorajeega nyaawa siinealshacheewa ikaanyaawa nea gwarukwiida Giijasta miy bea sugoocheanduumeeda, nea ghoahaap geeyoonung'weaka sean ea gili nyooh ea sawanadeeda.

Marko 1:28

Gabay gageawiit iita Yesu aba jeeda ng'eanyiida sean bea Galilaya.

Marko 1:32

Mikta aseeta ghapka buuneeda heeda Yesu nea geeyeassa fuga sean miyeani ea fuga bearji meangeeniga.

Marko 2:3

Iidu ghwahidu Fih ang'wan nea gwasareenu siisi miyaan bearji giibituunooda damealga

Marko 2:4

Siihiidu siida miyaan nea geegasa eayaat gah heeda mida Yesu ghwaroat naweeda aba seang'ayda buuneeda. Gaweay ak ghwasaaw uhuuda gheeda deascheeda mida Yesu, ak geesiik siidida miyaaniin nea gwanda badayda muundaanyi, ea eaghatghat aba madeeda Yesu.

Marko 2:9

Ea wusis aneeda aba heedeang'wa gideaba gearukusi siisi abitu damealgean gideaba, ‘Sisamsa riing'eadaang'u’ ghana gideaba geeyeesha ‘Ng'eada, geanda muundaang'u ak guwi?’

Lukka 2:2

Ng'oordi dea madeeda, nea gwanda sugoocheanduumeeda Shaamu Gireniyo.

Lukka 4:14

Iidu gabiigu Yesu aba uurda Guroorooda ak gawa Galilaya, ak gageawiit iitaanyi aba darooraka sean neeki.

Lukka 4:38

Iidu ghang'eat ak gwariteawa jeeda ghooriida siinealshacheewa, ak gawa gheeh Simon. Nea abeeda gheamata agweaji Simon ghamnyaan, gabearji sheagheeda ng'waan ak geemus ghoahaap.

Lukka 5:15

Ak gageawiit iita aba darooraka sean, ak ghapka eemeeda headaanyi gooleeysiit nea ghoahaap fuga bearji geeyoonung'weaka.

Lukka 5:24

Asi geagasayi anala gideaba Orjeeda Siida gwandeawa gheambalmeeda aba jeeda ng'eanyiida jea gwasamsiina riing'eega” iidu gwayeesha siidida abitu damealgeani, “geayi, ng'eada, sareana muundaang'u ak guwi ghoah.”

Lukka 7:17

Gageawiit iitaanyi aba ng'eanyiida Yudeya ea geeng'oojigaaschi.

Yohaana 10:21

Gwayi mwaatkwa, “Ng'asheega sunu maba siida bearji meangeenda. Neada meangeenda ghoamu ghwajaat gheanyanga siida ng'oowi?”

Gadiyeeda Giijasoodiga 10:38

gidamwaarda ASEETA Yesuheeda Nasareti aba Guroorooda Ghaydit ea uurda; ea gidaneayeata nea gwasin ng'asheega miyaasiin nea ghoahaap buuneesean minighis meang'nyeandeendean, aba gideaba ASEETA gwandeayi sea niny.

Gadiyeeda Giijasoodiga 15:23

ak ghwaat barawajeanda sing'waardunu, “Fuga eaduupcheewi was giijasoodiga ea gweargwa, heeda fuga siduupcheewi was fuga Eemoojiga mida Antiyokiya ea Shaamu ea Gilikiya, ghaaghacheegwa.

Gadiyeeda Giijasoodiga 15:41

Hean ghang'eat gwasik ng'eanyiida Shaamu ea Gilikiya nea goomajeek ganiisajeega.

Gadiyeeda Giijasoodiga 28:9

Iidu nea geesin ng'asheanji, ghapka fuga miyeani sean bea ng'eanyiita ak geehaap.

Gadiyeeda Giijasoodiga 8:7

Aba gideaba gwarina meangeenda munyas jeeda fuga saang'a ghayi ninyas, ak goojuur aba ghuuta haw; ak eara fuga saang'a abitu damealgean ghana fuga badoojiga geahaap.

YOSHUWA 6:27

Abeeda NG'UTAMIIDA gwandeayi sea Yoshuwa; ak ghaghayda alooheadaanyi aba ng'eanyiita seaniin.