Mattayo 4:23 - Bibliyeeda Ghaydit

²³ Gwaneayeewa jeeda ng'eanyiida sean bea Galilaya, nea goonealshi aba jeeda ghoorajeega nyaawa siinealshacheewa, nea gwarukwiida giijasta miy bea sugoocheanduumeeda, nea ghoahaap geeyoonung'weaka sean ea sawanaduutka mideawa buuneeda.

NEAJEEDA EESH BEA BUUNEESSEAN

²³ Gwaneayeewa jeeda ng'eanyiida sean bea Galilaaya, nea goonealshi aba jeeda ghoorajeega nyaawa siinnealshachcheewa, nea gwarukkwiida giijasta miy bea sugoochcheandumeeda, nea ghoahaap geeyoonung'weakka sean ea sawanaduutka mideawa buuneeda.

Mattayo 4:23 Mawu Ofanana

NYIIGHEEGA 103:3

ak ea dasamseey ng'asheagaagu sean munyas, ak ghoahaap geeyoonung'weakaagu sean,

NYIIGHEEGA 74:8

Nea gwayeeniisa geat, “Asi ealasa uhuuda goosha”; ak ghaghwarda hiji wassean siroondooscheesa sibatiisa ASEETA aba jeeda ng'eanyiida.

Mattayo 11:5

fuga ng'oowi ghoang'wearda, fuga badeeda gaweelweel, gea bearji udamusuura geamiidu, gea miinyi gwayiing'shi, fuga meewa gwaduutu nea fuga barbari geerukusa Giijasta Miy.

Mattayo 12:9

Ghabeawa hoowa ak gawa jeeda ghooriida nyaawa siinealshacheewa.

Mattayo 13:19

Siida wassean iiy ng'asheanda sugoocheanduumeeda ak ea mwanala, ghwahidu gidida muyiin ak ghoasealda gidida sihisa guroroadaanyiin.

Mattayo 13:54

gawa ng'eang'da nyaawa hita hoowa goonealshi aba jeeda ghooriida nyaawa siinealshacheewa, ak goonealshi ea ghahamng'eanyi buuneeda nea gwayi, “Siisi ghwanyasa yeenu weaghuumeeni ea ng'asheesu deamdeameadiin?

Mattayo 14:14

Hita Yesu ghuuta basooda ghwadaah eemeetuw ak gwasamsa amadu ghoahaap geeyoonung'weaka nyaawa.

Mattayo 24:14

Gicha gajeerukwiida Giijasta Miy bea sugoocheanduumeeda aba ng'eanyiisean ghoah muuwuunooda aba eemoojiga sean, ama ng'ata abeeda ghwahidu muudeanooda ng'eanyiida.

Mattayo 3:2

“Aduukuunana, aba gideaba sugoocheanduumeeda humng'eeda nineekiit.

Mattayo 9:35

Gwaneayeewa Yesu jeeda mujiinajeega sean ea gharang'weaka nea goonealshi aba jeesinga ghoorajeega nyaawa siinealshacheewa ikaanyaawa nea gwarukwiida Giijasta miy bea sugoocheanduumeeda, nea ghoahaap geeyoonung'weaka sean ea gili nyooh ea sawanadeeda.

Marko 1:14

Iidu nea sijaksa Yohana ghealooniga gawa Yesu ng'eanyiida Galilaya, nea gwarukwiida Giijasta Miy bea ASEETA

Marko 1:21

Ghwahita Yesu ea ginealangaaschi mujiineeda Gapernaumu. Hean hita eaweeda sabaato gawa Yesu jeeda ghooriida siinealshacheewa ak ghoang'eat giinealshooda.

Marko 1:39

Iidu gawa gwaneayeewa jeeda ng'eanyiida Galilaya sean nea gwarukwiida ng'asheega aba ghoorajeega nyaawa siinealshacheewa sean nea ghahoan meangeenda.

Marko 3:10

Abeeda nihaap fuga saang'a, ghapka fuga geeyoonung'weaka nea gagasa ghanyi ghawaas Yesu.

Marko 6:2

Muchu nea eaweeda mideewa sabaato gil, gawa jeeda ghooriida fuga Yahudi siinealshacheewa goonealshi. Ghahamng'eanyi fuga saang'a aleeysiit nea gwayeena, “Asiisi ghwanyasa yeenu ng'asheesu? Ea bareaynadi bea uhuudean. Ak gwasindaan deamdeamanga sina

Marko 6:6

Ghahamng'eanyi Yesu iidaah gidamwamwasta buuneeda ng'asheagaaschi. Iidu gwaskeada Yesu gealga aba hoowa nea goonealshi.

Lukka 10:9

oahaabwa fuga miyean mida jeedida nea goorukusi fugiga gideaba, ‘Sugoocheanduumeeda ASEETA nineekiiseegwa.’

Lukka 13:10

Hean eaweecha nea goonealshi aba jeeda ghooriida siinealshacheewa eaweeda sabaato.

Lukka 16:16

“Deaweedajeega ea sibanga ea gagul Yohana; hean geerukwiida Giijaasta miy bea sugoocheanduumeeda ASEETA, nea gaba siisi abwasaay geaw.

Lukka 20:1

Eaweecha nea ghoanaal buuneeda aba jeeda gheeda sibata ASEETEAN, nea gwarukwiida giijaasta miy, gaweay headaanyi ashoohoodiga hees ea ng'oorshoodiga ea gweargwa

Lukka 4:14

Iidu gabiigu Yesu aba uurda Guroorooda ak gawa Galilaya, ak gageawiit iitaanyi aba darooraka sean neeki.

Lukka 5:17

Eaweecheanjagi aba jeedeaba eawoojigiga goonealshi, abeeda goobiitpiit Farisaayajeega ea giinealshoodiga deaweeda leabu gilinyoo ea gharang'da Galilaya, ea Yudeya ea gealeabu Yerusalemu; nea gwandeawa uurda Ng'utamiida ak ghoahaap buuneeda.

Lukka 6:17

Iidu nea ghwararang'aan sea saawa ak ghamiinaada aba heeda miy ng'eanyi, abeeda gwandeawa fuga saang'a was ginealangaaschi ea eemeetuw leabu meatkwajeega sean bea Yudeya, ea Yerusalemu ea ghuuta basooda Diro, ea Sidoni, nea ghapka gooleeysiit niny nea geahaap geeyoonung'weaka nyaawa;

Lukka 6:6

Eaweecha nuut bea sabaato, damanda beawa jeeda ghooriida siinealshacheewa ak goonealshi, gwanda jeeni siisi aptu geatinda dugwa.

Lukka 7:21

Ak aba damandida ghoahaap fuga saang'a miyeani ea gea bearji meangeenda, ak eara fuga ng'oowi ea niimu ghoang'wearda.

Lukka 7:22

Ghwasha nea gwayeesha, “Aweayeena ak goorukusi Yohana ng'asheesu oayiinyiin ea gea oadaayi, fuga ng'oowi niimu ghoang'wearda, fuga badoojiga gaweelweel, fuga udamusuura siimiidu, fuga miinyi niyiing'shi, muscheeka siituutu, gea barbari geerukusa Giijasta Miy.

Lukka 8:1

Iidu ghang'eat gwasik jeeda mujiinajeega ea gharang'weaka, gwarukwiida nea gweadu Giijasta Miy bea sugoocheanduumeeda ASEETA. Nea abeeda gwandeayi sea ginealangaaschi atamaniyeenya,

Lukka 9:11

Iidu nea gwajeeng'u eemeetuw, geayaat geeshta; ama sihita ghwadeapta saawa ak goobaloola iita sugoocheanduumeeda ASEETA, ak ghoahaap fuga gasa giiheapta.

Lukka 9:60

Gwayeesha niny, “Nung'waada muscheeka gabuy muscheeka nyaawa; ak ang'iing'i, guwi rukwiida sugoocheanduumeeda ASEETA.”

Yohaana 18:20

Ghwasha Yesu nea gwayeesha, “Aniini eawoojisu iissa geabalooli ng'eanyiida aba eeshpwara; nea iissa geanealshi aba jeeda ghoorajeega siinealshacheewa ea jeeda gheeda sibata ASEETA galeagasean, heeda roondooscheesa fuga Yahudi sean; nea moang'wa darukuta ng'asheanda wassean aba makcheameeda.

Yohaana 6:59

Gwarugu ng'asheesu nea goonealshi aba jeeda ghooriida siinealshacheewa aba ng'eanyiida Gapernaumu.

Yohaana 7:1

Ng'ata ng'asheesu gwaneayeewa Yesu jeeda ng'eanyiida Galilaya, aba gideaba magassa gwaneayi aba jeeda ng'eanyiida Yudeya aba gideaba fuga Yahudi gagasa gwanuus niny.

Gadiyeeda Giijasoodiga 10:38

gidamwaarda ASEETA Yesuheeda Nasareti aba Guroorooda Ghaydit ea uurda; ea gidaneayeata nea gwasin ng'asheega miyaasiin nea ghoahaap buuneesean minighis meang'nyeandeendean, aba gideaba ASEETA gwandeayi sea niny.

Gadiyeeda Giijasoodiga 18:4

Inyeesa eaweeda Sabaato, gawa jeeda ghooriida siinealshacheewa ak gabalool nea ghaghurghur fuga Yahudi ea gea Yunani.

Gadiyeeda Giijasoodiga 20:25

Asi ghamneawa, ng'ula, aniini ghaanaaleegwa oogasean nea geaneayeewi jeedeang'wa nea geerukwiidi giijasta sugoocheanduumeeda ak ea manda siida jea gudughwadaah gheamamdeanyu.

Gadiyeeda Giijasoodiga 28:31

gwarukwiida sugoocheanduumeeda ASEETA nea gooneali ng'asheega badayda Ng'utamiida was Yesu Gristo ng'asheesu gwasin aba eeshpwara nea manda siisi adeal.

Ruumi 10:15

Ak gay gwarukwiideaydaan siida ii miyeecheakta? Gawuurji gissing'oarda bea gideaba, “Aamiyaastaan geeshanga fuga rukwiida Giijasta miy!”