Mattayo 3:12 - Bibliyeeda Ghaydit

¹² Niny gidaanyi aleeliida gwanda geatindaanyi, ak gaygoobuus heeda jea gooleelsa, ak gooweamsa ngaanoadaanyi jeeda gijigooda, nea looyda gayghaghwarda aba beasta maygamis.”

NEAJEEDA EESH BEA BUUNEESSEAN

¹² Niny gidaannyi alleeliida gwanda geattindaannyi, ak gaygoobuus muuchchi bugharjeandaannyi, ak gooweamsa nganoadaannyi gijigooda, nea looyda gayghaghwarda aba beesta maygamis.”

Mattayo 3:12 Mawu Ofanana

AYUBU 21:18

Ak gawuurji saawa mbarariida gajeami mida madeeda jeameeda, ak gawuurji looyda aat shaarara?

NYIIGHEEGA 1:4

Ak ea masunu aba heeda fuga mii doobiiweadi, saawa gawuurji looyda ghuuta jeameeda.

NYIIGHEEGA 35:5

Dawuurji looyda aba madeeda jeameeda nea ghabwaanyaada malaykajeanda NG'UTAMIIDA!

ISAYA 1:31

Ak siida gaygawuurji nyeega gajeami, ak gadiyeadaanyi gaygawuurji rarayga beasta, ak gaygwayeeduuday, nea manda siida jea gwanuus.

ISAYA 17:13

Eemoojiga ghwanyaashta nyeashta beega saang'a, ak gaygoowoowsa saawa, ak gaygwasalda gwasheagiit muuchi, ak gajeahoan gawuurji gidahiniida jeameeda looyda aba uhuuda giijeeda ak gawuurji birjeanda shaarara.

ISAYA 27:4

Meandeawani nyarasta aba jeedeanyu. Inyeeda gwachi goobissean ng'eamga ea halaghweenga gwachi gaydang'uchi saawa, ak ghaaghwardi sean aba beasta.

ISAYA 28:28

Siidida las ngaano mayghwalas ea gwanyarjeawi gheanyanga? Niny ghwanal gichea ghwalasta, aba mutukooda angiiri heewgean, nea maygwanyarja eara gheang'nyeanda ngaano

ISAYA 30:24

Heewga ea digeeniga barooda gajeaghwal ghoajeada aba hijagi nea nyeega nyaawa ea sisisin muuchi ak geayiin balang'da nea siileal.

ISAYA 41:16

gajaleala saawa ak gayghwaat jeameeda, ak ghwanung' shaarara gaguudeadayi. Ak gayhoosasiina NG'UTAMIIDA was dea asagi Ghaydit bea Israeli ak gajoakghaambiida.

ISAYA 5:24

Asi gaygawuurji ng'ushapta beasta inyeesa ghwaak mbarariida gajeami, ea nyeega gajeami abissa jeeda beasta, ak eara hawunga nyaawa gajea munyas, nea eara deakghweeda nyaawa gayghwaraghwaata jeameeda gawuurji birjeanda; aba gideaba ghaheawa deaweedeeda NG'UTAMIIDA lugweega, nea gafool ng'asheandaanyi dea Ghaydit bea Israeli.

ISAYA 66:24

“Ak gaygwarita jarooda ak ghwadaah muscheeka fuga heawanaan. Aba gideaba ghuughuutka nyaawa maygameewa, nea eara beasta nyaawa ea maygamis, ak saawa gayghoah gidamuy aba madeeda buuneesean.”

YEREMIYA 15:7

Naalalakti aba gida silalakiideawa booga Aba jeeda gidaghuudajeega sean bea ng'eanyiida; Neahuteawayi saawa, ak ea neahuuydi goosha fugeasu.

YEREMIYA 17:27

Ama inyas ea mooleeysiinean iit, ak ea moakghaydiidi eaweeda sabaato, ama inyas ea moanung'waadani sareenda haleanjeeda ak goosikchi gidaghuudajeega Yerusalemu eaweeda sabaato, abeeda gaydang'uda beasta gidaghuudajeagaaschi ak gayghwaak gealga sean bea Yerusalemu nea maygamis.’”

YEREMIYA 4:11

Aba damandida fiisu ea mujiineeda Yerusalemu gajeeyeesha, “Jeameeda geayda ng'waan leabu iheenga heayeeniga balang'da gaygaweesa fugeasu, ak ghoaleal ghana gwasisin,

YEREMIYA 51:2

ak aniini gaydaat Babeli jeameeda jea gwanyarja ak gaygoobuus jeameeda niny, ak gaygoobuus ng'eanyiida ea ghoah raghoonyeanda; damanda jea ghapkaana gang'uchi sea niny aba meadajeega sean aba eaweeda sawanadeeda.

YEREMIYA 7:20

Asi gwayi NG'UTAMIIDA: ng'ula gaydahisa nyarasteanyu hiji, badayda buuneeda ea diyeanga, badayda geediga dareabeeta ea haghweega ng'eanyiida; hean gayghwayeat nea majeamu eenuus.”

HOSEYA 13:3

Hean gaygawuurji shamooghooda sakteayda ghana gawuurji rahooda inyeesa gabay goosha sakteayda, gawuurji ghuusiga booga dardaawa heeda silakiisa booga ghana aroosta riteawa seawadeeda.

AMOSI 9:9

“Aba gideaba gaydaadayda diigheanda, ak geaduumduumnyi gheeh Israeli aba bugusta eemoojiga sean gawuurji siida aleal ngaano, ak eara gheang'nyeanjagi ea maygoobisa badayda ng'eanyiida.

MALAKI 4:1

“Aba gideaba ng'ula, eaweedida gayghwahidu, nea ghwayeat gawuurji duwayda, nea fuga sean bea ghwarjeeda ea fuga sean sin ng'asheega munyas gayghoah mbarariida; nea eaweecheanji jea ghwahiduun gayghwalas uhuuda, gwarugu NG'UTAMIIDA bea lugweega, ak ea mayghwanung'wa heeda hawunyeanda ghana damealeanda.

Mattayo 13:30

Anung'waada gwaheetu sean ea ghwahita damanda lajita; damandida gaydayeesha fugiga jea ghwalajiin, oosheeda oamughuusha morooka ak ghoarachi gharmucheeka ak geaghwarda, nea ngaano gooweamsi gijigoodeanyu.’”

Mattayo 13:41

Orjeeda Siida gaygoojeagu malaykajeagaaschi, ak ghoawaam aba jeeda sugoocheanduumeadaanyi haleanjeeda sean eadu riing'eeda ea fuga sean sina ng'asheega munyas.

Mattayo 13:42

Ak geehisa jeeda duwayda beasta; ak gooyeawda fuga nyaawa aba hoowa nea goowiiri geeshatka aba sawanadeeda.

Mattayo 13:43

Abeeda gea doobiiweadi gayghoameang'daayda ASEETA aba jeeda sugoocheanduumeeda Bwaabeeda nyaawa. Siida mideawa iidiga ea dayiinya.

Lukka 3:16

ghwasha Yohana nea gwayeesha buuneesean “Aniini geabaatiisananeegwa beega; nea siida jea ghwahidu gaburdeawean uurda, ak aniini ea mamiisean deatineada deanga geakaaschi; nea niny gaygoobaatiisananeegwa Guroorooda Ghaydit ea beasta.

Lukka 3:17

Gida aleela booga gwanda geatindaanyi, ak gaygoobuus heeda jea gooleelsa, ak gooweamsa ngaanoadaanyi jeeda gijigooda, nea looyda gayghaghwarda aba beasta maygamis.”

Yohaana 15:2

Gilinyoo ea damealeanda gil mida jeedeanyu iimaji haghweega, iissa ghwalach, nea gilinyoo ea damealeanda jihi iissa gwasisin, ak abeeda gwaji muuchi.