Mattayo 3:11 - Bibliyeeda Ghaydit

¹¹ “Geabaatiisananeegwa beega aba duukuunooda, nea dea jea ghwaduupnaan geash gaburdeawean uurda, ak aniini ea mamiisean eara sareenda geakaaschi; niny gaygoobaatiisananeegwa Guroorooda Ghaydit ea beasta.

NEAJEEDA EESH BEA BUUNEESSEAN

¹¹ Geabattisananeegwa beega aba dukkuunooda, nea dea jea ghwaduupnaan geash gaburdeawean uurda, nea mammisean eara sareenda geakkaaschi; niny gaygoobattiisananeegwa Gurorooda Ghaydit ea beasta.

Mattayo 3:11 Mawu Ofanana

ISAYA 4:4

Damanda jea goohuuna NG'UTAMIIDA ririnnyeanda haweega Sayuni, nea goohuun foojeanda Yerusalemu mida bugustaanyi aba guroorooda girgweaksiinda ea guroorooda ghaghwarda.

ISAYA 44:3

Aba gideaba gaydeadalealsa beega uhuuda ng'eanyiida gasa beega, nea ghaanung' gwarina ghealooniga beega jeeda ng'eanyiida ghajaam, ak gaydeadalealsa gurooroodeanyu jeacheengaagu nea ghaadawji ghawoodeanyu giika jea jiilean.

SAKARIYA 13:9

Ak gaydeadu gharmucheandida bea samwaguun, ak ghaayiinyi jeeda beasta. Ak gaydadaay saawa ea gawuurji lapiya, iisisim, ak geasimnyi gawuurji gidasisimiida lagheanga dahaabu, ak abeeda gaygaguuriisa gheawungeasu, ak gaydealeeysa iit saawa. Ak gaydayi, ‘Suh fugeasu gil’, Ak gaygwayi niny, ‘NG'UTAMIIDA ASEETEANYU gil.’”

Mattayo 3:6

ak geepaatiisan aba jeedeenda Yordani, nea gwaduukuuna riing'eega nyaawa.

Marko 1:4

Yohaneeda Abaatiisachi geedeaksa jeeda dareapcheeda nea gwarukwiisa buuneeda gideaba aduukuunana ng'asheega munyas ak geepaatiisan ak gwasamsa ASEETA riing'eega nyaawa.

Lukka 1:17

ak Gaygoosheedeawa aba jeeda guroorooda ea uurda Eliya, ak ghwayam gurooruunatka ghweaniga gagal diibiga, nea fuga mandeawana mureeda ghoadaw weaghuumeeda doobiiwnata, ak gwasissa Ng'utamiida fuga hideadi.”

Lukka 3:16

ghwasha Yohana nea gwayeesha buuneesean “Aniini geabaatiisananeegwa beega; nea siida jea ghwahidu gaburdeawean uurda, ak aniini ea mamiisean deatineada deanga geakaaschi; nea niny gaygoobaatiisananeegwa Guroorooda Ghaydit ea beasta.

Lukka 3:3

Hean ghang'eat gawa ng'eanyiisean neaweesa Yordani, nea gwarukwiida giibaatiisanda samsiinda riing'eega.

Yohaana 1:15

(Yohana gamuuwu iitaanyi, ak goojuur, “Nih dea ghayi earuku nea geayi, ‘Nih dea ghayi eayeenyi gay gweadu geeshteanyu ak ea haweewaneani aba gideaba gwanda madeedeanyu.’”)

Yohaana 1:30

Nih dea ghayi earuku eayeenyi, ‘Gwanda siisi jea gamaseawneani, aba gideaba niny ghayi gabay gwanda madeedeanyu, aba gideaba gwanda madeedeanyu.’

Gadiyeeda Giijasoodiga 1:5

gideaba, Yohana goobaatiisan aba beega, nea heeda miighang'ataawa eawoojisu saang'a agooga gajeepaatiisaneegwa aba Guroorooda Ghaydit.”

Gadiyeeda Giijasoodiga 19:4

Ghwalamda Bawlo ak gwayeesha, “Yohana ghayi goobaatiisan aba giibaatiisanda duukuunooda riing'eega, ak gwayeesha buuneeda amwasa jea gweadu geeshteanyu, was Yesu.”

Gadiyeeda Giijasoodiga 8:36

Iidu nea geeweay aba naweeda geeyi bwak ea eehita heeda mida beega, gwayeesha siidida was gulaneedean, “Hiji gwanda beega! Gwanda gichea ghoadealan ea meebaatiisani?”

Gadiyeeda Giijasoodiga 8:38

Ak ghwanung' ghamiinaada mutuk, ak ghwararang'aada duwaawi ng'eanyi ak gaweay jeeda beega, Filipo sea siidida was gulaneedean, ak goobaatiisan niny.

1 Goriinto 12:13

Nea aba Gurooroanagi geebaatiisaneasa aba saseanagi, fuga Yahudi ghanea fuga Giriki gili, ea giing'oonyanga gil ghanea fuga abal geat gil, hean geanung' ghwaleayda sean Gurooroanagi.

Efeeso 3:8

Aba aniini, earapeadi eawooschi mwanang'eawa fuga sean ghaydidiin, abeeda geegu dagheerjeanduumeani, ak gearukwiisi fuga Eemoojiga meanang'oocheanduumeeda meesikideawana bea Gristo,

Ditto 3:5

hean gwalealneasa, ea meebaysiinana sinaweagaasa doobiiweadi sisinyi aseasa niny gwalealneasa ak geejilneasa niba iyeenya ak ghwanung' eahuuwa fuga eashish aba Guroorooda Ghaydit,

1 Betro 5:5

Gwasunu eara agooga gheareemanga asisiina gweargwa mureeda. Ookweala geat, oogasean, nea gaba siisi sissa nuut mureeda, aba gideaba, “ASEETA iissa ghaheawa fuga ghwarjeeda, ak ghoadaw dagheerjeanduumeeda fuga eada geat ng'eanyi.”