Mattayo 28:2 - Bibliyeeda Ghaydit

² Hean gwasimgeaw ng'eanyiida muuchi, ak gwashuubean malaykajeanda humng'eeda bea Ng'utamiida leabu humng'eeda amwahit ghoaraakghraakghta lagheaneedida sidukuteawa ghuuta bung'eedean ak goopteadawa.

NEAJEEDA EESH BEA BUUNEESSEAN

² Hean gwasimgeaw ng'eanyiida muuchchi, ak gwashubean malaykajeanda humng'eeda bea Ng'uttamiida leabu humng'eeda amwahit ghoarakghrakghta lagheaneedida sidukuteawa ghuutta bung'eedean ak goopteadawa.

Mattayo 28:2 Mawu Ofanana

Mattayo 27:60

Ak ghwayiin jeeda bung'eadaanyi eesh ghayi gurgursa jeeda harearacheanda amwahit gooreakreaksa lagheaneeda haw ghuuta bung'eeda ak gawa.

Mattayo 27:66

Hean gaweay ak gafur muuchi heeda sibunyiisa buuneeda nea geeroor lagheaneedida ak geayiin furiischoocheanda.

Yohaana 20:1

Hean eaweeda madeeda bea wiikajeanda, gawa Mariya Magdalena heeda bung'eeda gheata beashata nea gudea misana ak ghwadaah lagheaneeda nea sigeanda aba ghuuta bung'eeda.

Gadiyeeda Giijasoodiga 16:26

deagheata gwasimgeaw ng'eanyiida, ak ghwanung' gwaduumduum sindeeta gheeda siratiisa buuneeda; miighoah gil gootina gidaghuudajeega ak gootineada eara munyaloalajeega sirata fugiga bea ghealoonigean.

Gadiyeeda Giijasoodiga 5:19

Iidu eawa ghwahidu malaykajeanda Ng'utamiida ak gootin gidaghuuta gheeda ghealooniga; ak gooruuta jarooda ak gwayeesha,

1 Dimotteo 3:16

Ak ea huumwa gil gideaba makcheameeda badita ASEETA aahaw. ASEETA geetaajiit aba saseeda Ak doobiiwnataanyi ghoahiimu Guroorooda Ak ghwadaah giijasoocheanda humng'eeda Ak geerukwiida iitaanyi aba jeeda eemoojiga, Ak geamwas aba jeeda ng'eanyiida, Ak geeyaat humng'eeda heeda ghaambiidaat.

1 Betro 1:12

Hean geetaheachsa saawa gideaba magadiyeesiina badahuuka nyaawa, aba badahuuka haleanjeeda ghamneawa rukuneegwa fuga ghayi rukuneegwa giijasta miy aba naweeda Guroorooda Ghaydit siicheagu leabu humng'eedean, ng'asheesu ghayi gagaseadayi malaykajeega ghwadaah.

Giidaheechta 11:19

Ng'ata geetin Gheeda sibata ASEETA mida humng'eeda, ak geadaah sandakwajeanda diigheanda aba jeedeaba gheanyi sibata ASEETA; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchi bea lagheanga.