Mattayo 27:52 - Bibliyeeda Ghaydit

⁵² ghwajaada ghuusiga bung'eadinga ak ghang'eatng'eat sasanuuka saang'a bea fuga ghayi lil.

NEAJEEDA EESH BEA BUUNEESSEAN

⁵² ghwajaada ghuusiga bung'eadinga ak ghang'eatng'eat sasanuukka saang'a bea fuga ghayi lil.

Mattayo 27:52 Mawu Ofanana

2 SUGOODIGA 13:21

Ghayi eaweecha nea geebuy siida, hean geadaah lugooda. Hean geejaksa mustida jeeda bung'eeda Elisha nea ghwasat mustida geaka Elisha, hean gwaduudu aba geeshangiga ak ghamiinaada aba geeshangaaschi.

ISAYA 25:8

Ak gaygageanda miyeeda damanda manda muudeanooda, NG'UTAMIIDA was ASEETA gaygoobuus dabeaka mida gheanyanga sean, nea gageanda baspaseega fugaaschi aba badayda ng'eanyiisean, aba gideaba nih gwarugu NG'UTAMIIDA.

ISAYA 26:19

Muscheekaagu gayghwanyas eaweega, saseenuuka nyaawa gaygwaduutu. Ak gealil aba jeeda bung'eadinga nyaawa, gayghang'eatng'eat ak gwasarman aba hooseaneega! Aba gideaba NG'UTAMIIDA gaygweadu rahoadaanyi bea eaweega nea muscheeka gaygwaduutu ak ghapka nea majeekcheew.

DANIELI 12:2

Nea fuga saang'a lil aba jeeda sigeeda gayghang'eatng'eat ak ghwanyas eaweega manda muudeanooda, nea mwaatkwa ghwanyas baspaseega ea foolda maygamuudean.

HOSEYA 13:14

Ak gaydalealna saawa jeeda uurda gheeda miyeeda? Gaydalealna jeeda miyeeda? Ea gheeda maloonghajeega, gwanda yeenu bayiigaagu? Ea gheeda miyeeda, gwanda yeenu nyarjeawdaang'u? Baydeayda sifunya gheanyangeasu.

Yohaana 11:11

Iidu nea ghoahiit Yesu rukunoodeaba ng'asheesu gwayeesha saawa, “Siida siduupcheewi was Lasaro nilil, ak gaydawa daheat.”

Gadiyeeda Giijasoodiga 7:60

Ng'ata gwatkuy ak ghoahaawda nea gwayi, “Ng'utamiida, adiidu ginung' ghwanyas fiisu riing'eeni.” Iidu nea niihiit ng'asheesu, ghami.

1 Goriinto 11:30

Nih gidaghamneawa nung' gang'arng'ariidi fuga saang'a aba jeedeang'wa gil nea gamnyeani, nea mwaatkwa ea nimeewa.

1 Goriinto 15:20

Ak aba huumwa Gristo ea niduuna miyeeda, was haghweega madeeda aba jeeda fuga nimeewa.

1 Goriinto 15:51

Asi ng'ula gearukuneegwa agooga makcheameeda. Aseasa majeemeewa sean, ak gajeayameasa eesa sean,

1 Desaloniikke 4:14

Ghang'eada dea simwaseawi gideaba Yesu ghami ak gwaduudu gicha, eara gwasa, aba naweeda Yesu, gaygweadu ASEETA sea niny fugiga nililiin.

1 Desaloniikke 5:10

dea ghayi meah aba badahuukaasa aba iising'eatng'eachi ghana eela abeeda geendeayi sea niny.