Mattayo 27:4 - Bibliyeeda Ghaydit

⁴ Gwayeesha, “Neadiinyi aba gideaba ghaadaydi siida manda giidiinyeanda eenuus.” Gwayeesha Saawa, “Neada ghwadaseasaani aseasa? Ng'asheanji gabeacheeweey ang'iing'i.”

NEAJEEDA EESH BEA BUUNEESSEAN

⁴ Gwayeeshsha, “Neadiinyi aba gideaba ghadaydi siida manda gidinyeanda ennus.” Gwayeeshsha Saawa, “Neada ghwadaseasaani aseasa? Ng'asheanji gabeachcheeweey ang'iing'i.”

Mattayo 27:4 Mawu Ofanana

1 SUGOODIGA 21:27

Hean ghwayiiy Ahabu ng'asheesu, ak ghabwaashaada hang'weakaaschi, ak gookwa guniyajeega, ng'ata gooluulda geaw ak gawiil geaw aba badayda guniyajeega ak goojiileadayi.

2 SUGOODIGA 24:4

Aba badayda foojeanda manda giidiinyeanda ghayi ahiida, aba gideaba ghoanyiit Yerusalemu foojeanda manda giidiinyeanda. Ak NG'UTAMIIDA ea miighamwas gwasamsa.

AYUBU 13:4

Nea agooga inyeesa goong'aday ng'asheega ng'uyeega, agooga oogasean goowooschi meanga marachi gil.

AYUBU 16:2

“Naayiinyi ng'asheega saang'a uurji suh, agooga goowooschi fuga aheawiida buuneeda manda uurjeenga.

NYIIGHEEGA 94:21

Ak iissa gang'uchi guroorooda siida doabiiwaat, ak goorgweaksiina miyeeda siida manda giidiinyeanda.

RITEAYDA 12:31

Hean gaguursa Farao Musa ea Haruni eawa, ak gwayeesha, “Ng'eada ak guwi riteawana jeeda fugeasu, ang'iing'i sea fuga Israeli, ak gooweayi aghadoawana NG'UTAMIIDA gawuurji gidinyaashti.

RITEAYDA 9:27

Hean goojeakta Farao buuneeda eeguursa Musa ea Haruni, ak gwayeesha, “Asi ghamneawa aniini geabeayi riing'a; NG'UTAMIIDA ea doabiiwaat, nea aniini ea fugeasu geendi jeeda giidiinyeanda.

GHWASIILDEANGA 12:8

Siida gajeegwarsa aba giteena fughareadaanyi, nea siida mideawa hang'ooynata uhuuda gajeefool.

YEREMIYA 26:15

Asi anala ng'asheanji gideaba inyas goonuuscheani, abeeda gajoahaaga geat foojeanda manda giidiinyeanda, ea badaydeaba mujiineani ea fuga mida jeeda, nea ea huumwa gil gideaba goojeakneani NG'UTAMIIDA darukuneegwa ng'asheesu seaniini.”

YONA 1:14

Ng'ata gooyeawusa fugiga NG'UTAMIIDA, “Geemuscheey, ea NG'UTAMIIDA, adiidu gihuydaneasa aba eaweegeaba siisi, nea adiidu giihaageasa foojeanda weay mwadaagha; aba gideaba ea NG'UTAMIIDA, gisini ang'iing'i gida ibwariinyi.”

Mattayo 27:19

Damanda mideawa Bilato uhuuda hoorgeeda argweacha goojeakta gatmoadaanyi siida weah gwayeesha, “Adiidu gighasi geaw siisi doabiiwaadiin, aba gideaba geesawanan muuchi aba jeeda giirgweatka aba badaydaanyi.”

Mattayo 27:54

Hean dea shirikarajeanda haw ea fuga gwachi fur Yesu gidasimda geaw ng'eanyiida ea ng'asheegiga ghwanyawa bunuun, ghabeal muuchi nea gwayi, “Aba huumwa siisi Orjeeda ASEETA gil!”

Lukka 23:22

Gwayeesha gicha deaba samwagu, “Nea giidiinyeandeaba siisi ea naaha gil?” Mwaadaahi ng'asheanji jea eenuusa, asi gaydabwar ak geasiksi gawa.

Lukka 23:41

Nih gamiiseasa aseasa, aba gideaba geanyaschi giimeardeanya aba gisisinyi, nea siisi ea miigwasin gidamuy wassean.”

Lukka 23:47

Daah shirikarajeanda haw gwaduumsheesa ASEETA nea gwayi, “Aba huumwa siisi ea doabiiwaat!”

Yohaana 19:7

Ghwasha fuga Yahudi nea gwayeesha, “Aseasa geandeawi deaweeda amadu aba deaweedeeni ea gideaba gammiisa miyeeda gil, aba gideaba niny gwahinda geaw Orjeeda ASEETA.”

Gadiyeeda Giijasoodiga 13:28

Ak earapeadi ea meadaaha ramaseanda miisa nuustaanyi, geemus Bilato ak ghwanung' eenuus.

Ruumi 3:19

Asi sinali gideaba ng'asheega sean rugu deaweeda gwarukuna badahuuka fuga mida jeeda deaweeda, ak abeeda gearat ghuusiga sean, ak gawa ng'eanyiisean jeeda girgweageeda ASEETA;

1 Dimotteo 4:2

Aba ng'uyeega fuga amiitu geat, hean ghaghwarda jeesinga nyaawa saawa nea gaba geat.

Ditto 1:16

Iissa gwarugu gideaba geanali ASEETA, nea iissa ghwashaang' aba sinaweega nyaawa, nea gwandeawa sicheeda, ak ea mandeawana mureeda, mamiisiina sinooda gadiyeeda miy.

Ebraniya 7:26

Asi ghwahit gideaba gajeendeawana ashoohoocheanda haw uurji nih, ghaydit, meerukunana badayda ng'asheega munyas nyaah siirja, siheeli sea fuga riing'eega, siitiing'da ea ghwalaabwa hoowa humng'eeda.

1 Betro 1:19

geesina foojeanda haw sheayeat bea Gristo, uurji sea dayeenda gisilleanda manda sirjeeda ghana badeeda.

1 Yohaana 3:12

ak ea adoowuurjeewi Gayni ghayi was siida muy ak gwanuus orjeeda ghaamwat. Ak ghwasaan inyas gwanuus? Gweagu searoojigaaschi munyas nea orjeeda ghaamwat ea doabiiwaat.

Giidaheechta 11:10

Nea fuga mida badayda ng'eanyiida gaygahoosan aba badahuuka nyaawa nea gang'weela ak saawa gweatiisa geat haleanjeeda siipareanyi, aba gideaba sibang'su asiyeenyean gwasawan fugiga mida badayda ng'eanyiidean.

1 SAMWELI 15:24

Ak gwayeesha Sawli Samweli, “Aniini neasinyi riing'eeda; aba gideaba naanung'waadi diigheanda NG'UTAMIIDA ea ng'asheagaagu, aba gideaba ghaawali buuneeda ak ghaang'waanyi ng'asheega ghuusiga nyaawa.

1 SAMWELI 15:30

Hit gwayi, “Aniini neasinyi riing'eeda; ak gisinnean mureeda aba madeeda gweargwa buuneedeanyu ea madeeda Israeli, ak giyami geaw sea aniini, ak abeeda ghaabwachi NG'UTAMIIDA was ASEATAANG'U.”

1 SAMWELI 19:5

aba gideaba ghoaghaashta eaweagaaschi ak ghabwar fuga Filisti, ak ghoadaw NG'UTAMIIDA jooriischooda buuneesean bea Israeli. Ak gidaahi, ak gihoosani; ak abeeda ghwasaan inyas gaysina riing'eeda aba badayda foojeanda manda giidiinyeanda ak gaybwara Dawdi nea mandeawana giidiinyeanda?”