Mattayo 27:25 - Bibliyeeda Ghaydit

²⁵ Ghwasha buuneesean nea gwayeesha, “Nung'waada foojeandeaba siisi ghapka badahuukaasa ea gea diibigaasa!”

NEAJEEDA EESH BEA BUUNEESSEAN

²⁵ Ghwasha Buuneessean nea gwayeeshsha, “Nung'waada foojeandeaba siisi ghapka badahuukkaasa ea gea diibigaasa!”

Mattayo 27:25 Mawu Ofanana

2 SAMWELI 1:16

Ghwalamda Dawdi ak gwayeesha niny, “Gagasa goobiida foojeandaang'u uhuudaang'u; aba gideaba nirugu ghuutaang'u ng'asheega badaydaang'u, nea gwayi, ‘Aniini naabwarji siida simwaar bea NG'UTAMIIDA.’”

1 SUGOODIGA 2:32

Gaygoodeelsa NG'UTAMIIDA foojeandaanyi uhuudaanyi, aba gideaba damanda mandeawana iita Dawdi was bwaabwa, gwanuus aba ng'uta fih iyeenya doobiiweadi ea ghang'al niny, Abneri was orjeeda Neri, shirikarajeanda haw bea lugooda Israeli, ea Amasa, orjeeda Yeta, was shirikarajeanda haw bea lugooda Yuda.

RITEAYDA 20:5

aditkuyi aba madeenyaawa, ghana gadiyeesiina saawa, aba gideaba aniini geawooschi NG'UTAMIIDA was ASEATAANG'U, ak ea ASEETA lacha ghuut haleanjeeda, ak gaygwasikteawa diibiga aba giidiinyeanyeeka ghweaniga nyaawa, ea ghwahita seaygeedeaba samwagu ea deaba ang'wan bea fuga anyareesean.

IITOODA 35:33

Ak abeeda ea moang'udani ririnnyeanda ng'eanyiida oopiiti; aba gideaba foojeanda gang'uta ng'eanyiida ririnnyeanda; ak ea manda haleanjeeda ghadooweeda jea ghwaahiit aba badayda ng'eanyiida, aba badayda foojeanda weayeesa jeeda, geaghus foojeandeaba siidida ahiidaan.

Mattayo 21:44

“Nea siida jea ghoabeada aba uhuudeaba lagheaneeni gaygagiishachi; nea siida wassean jea goobeedeaysa, gayghang'aal ea goosha.

Gadiyeeda Giijasoodiga 18:6

Iidu nea ghaheawa nea geeng'eawi, hean ghang'eat ghwalalakta hang'weakaaschi nea gwayeesha, “Foojeandeang'wa gagasa goobiida iheengeagwa! Aniini meandeawani gidamuy. Ak gidang'eada ghamneawa gaydaweesa Eemoojiga.”

Gadiyeeda Giijasoodiga 5:28

“Ghwasaan nea geaheawi gideaba gajoanaala buuneeda aba gheawung'su, ak ghamneawa ea noanyiichi Yerusalemu giinealshoodeang'wa aba gideaba googasayi ayeani foojeandeaba siisi badahuukaasa.”

Gadiyeeda Giijasoodiga 7:52

Aba jeeda sibanga gajea aneeda gil dea mii ghaghabwas ghweanigeagwa? Ak geenuuseada fugiga ghayi rugu amwadiin hinnooda siida Doabiiwaat asagi, was dea ghayi oosawanyi ak goonuuschi,

GIIPKEATA DIIGHEANDA 19:10

ak ea adiidu gaweayeesa ng'eanyi foojeanda siida mandeawana ramaseanda aba jeeda ng'eanyiida goonyi NG'UTAMIIDA was ASEATAANG'U hearana, ak abeeda foojeanda siida sinuus gaygwanda badaydaang'u.

GIIPKEATA DIIGHEANDA 19:13

Adiidu ghabwayda gheanyangaagu niny, geaghus ang'aamwana hiji foojeanda siida mandeawana ramaseanda aba ng'eanyiida fuga Israeli, ak abeeda gaynyasa doobiiwnata.

YOSHUWA 2:19

Nea gili was sih jea gwarina gidaghuuteaba gheang'u ak gawa naweeda abeeda foojeandaanyi gaygwanda uhuudaanyi nea gabwageaw, ak aseasa ea majeendeawana ramaseanda; nea geatinda iisiyiin uhuumba siida wassean indeayeesi jeeda gheeda, foojeandaanyi gaygwanda iheengaasa.